TDP: రామాపురంలో వైకాపాకు షాక్.. టీడీపీలోకి చేరిన పలువురు కార్యకర్తలు!

అభివృద్ధి, సంక్షేమానికి ఆకర్షితులై టీడీపీలో చేరిన వైకాపా శ్రేణులు..

అన్నమయ్య జిల్లాలో టీడీపీ బలోపేతం.. పలువురు వైకాపా నేతల చేరిక..

అన్నమయ్య జిల్లా: రామాపురం మండలంలో వైకాపాకు చెందిన పలువురు కార్యకర్తలు తెలుగుదేశం పార్టీలో చేరారు. రాష్ట్ర రవాణా, యువజన మరియు క్రీడాశాఖ మంత్రి మండిపల్లి రాంప్రసాద్ రెడ్డి సమక్షంలో ఆదివారం ఈ చేరికలు జరిగాయి.

రామాపురం మండలంలోని నల్లగుట్టపల్లె, చిట్లూరు గ్రామాలకు చెందిన వైకాపా నాయకులు, కార్యకర్తలు తెలుగుదేశం పార్టీ కండువాలు కప్పుకొని పార్టీలో చేరారు. మండల అధ్యక్షుడు సురేందర్ రెడ్డి, మండల నాయకుడు పప్పిరెడ్డి వినోద్ కుమార్ రెడ్డి ఆధ్వర్యంలో ఈ కార్యక్రమం నిర్వహించారు.

ఈ సందర్భంగా నల్లగుట్టపల్లెకు చెందిన అయోధ్యపురం సుకుమార్ రెడ్డి, చిట్లూరు గ్రామానికి చెందిన అర్జునుడు సహా పలువురు వైకాపా నాయకులు, కార్యకర్తలు టీడీపీలో చేరారు. తెలుగుదేశం పార్టీ చేపడుతున్న అభివృద్ధి కార్యక్రమాలు, సంక్షేమ పథకాలకు ఆకర్షితులై తాము పార్టీలో చేరుతున్నట్లు వారు తెలిపారు.

ఈ సందర్భంగా మంత్రి మండిపల్లి రాంప్రసాద్ రెడ్డి కొత్తగా చేరిన నాయకులు, కార్యకర్తలకు పార్టీ కండువాలు కప్పి సాదరంగా ఆహ్వానించారు. పార్టీ కోసం కలిసి పనిచేద్దామని, ప్రతి ఒక్కరికీ తగిన గుర్తింపు కల్పిస్తామని ఆయన అన్నారు. ఈ కార్యక్రమంలో టీడీపీ నాయకులు, కార్యకర్తలు, అభిమానులు పెద్ద సంఖ్యలో పాల్గొన్నారు.