ప్రియమైన ఆంధ్రప్రవాసి పాఠక భక్తులారా,
సాక్షాత్తు వ్యాస భగవానుని కృపా ప్రసాదంతో, గీతామాత ఆరాధనకు మనకు లభించిన ఈ పవిత్ర అవకాశాన్ని మీతో పంచుకోవడం ఆనందకరమైన కర్తవ్యంగా భావిస్తున్నాం..
సాక్షాత్తు భగవంతుని వ్యక్తస్వరూపము, మూర్తి స్వరూపమైన శ్రీమద్భగవద్గీత మానవాళికి అందిన రోజు గీతా జయంతి రోజు. డిసెంబర్ ఒకటవ తేదీకి గీతా జయంతి వస్తుంది. ఈ గీతా జయంతి సందర్భంగా, పూజ్య శ్రీ గురుదేవుల ఆశీస్సులతో శ్రీమద్భగవద్గీత అష్టోత్తర శతనామావళిలోని ఈరోజు 43వ రోజు నామాన్ని మీ ముందుకు తీసుకొస్తున్నాము.
ప్రతి నామం వెనుక ఉన్న అర్థం, ఆధ్యాత్మికత, భక్తి సారాన్ని తెలుసుకొని మనం గీతామాతను మరింతగా ఆరాధించుకుందాం. ఈ పవిత్ర ప్రయత్నంలో భాగంగా, ఆంధ్రప్రవాసి Devotional విభాగంలో ప్రతి రోజు ఒక నామాన్ని మీకు అందజేస్తూ, మన గీతామాత కరుణకు అంజలి ఘటిస్తున్నాము.
ఓం వ్యాసదేవాయ నమః
పూజ్యశ్రీ భవఘ్నీ గురుదేవుల వారి అనుగ్రహం తో
శ్రీమద్భగవద్గీత అష్టోత్తరశత నామావళి
43. ఓం పుణ్య ప్రదాయై నమః
అర్థం: పుణ్యకర్మలు కొన్ని, పాపకర్మలు కొన్ని. వాటి ఫలితంగా లభించే పాప పుణ్యాలు సంచితంగా జన్మపరంపరకు దారి తీస్తాయి. మరు జన్మల్లో వాటి ఫలితాలు అనుభవించాలి. అయితే ఏవి పుణ్యకర్మలు? ఏవి ఆచరిస్తే సత్ఫలితం లభిస్తుంది?
యజ్ఞ యాగాదులు చేస్తే పుణ్యం లభిస్తుందని, స్వర్గం చేరుకొంటామని పూర్వకాలంలో భావించేవాళ్లు. రక రకాల నోములు, వ్రతాలు చేసినందువల్ల పుణ్యం లభిస్తుందని అనుకుంటారు. పుణ్య క్షేత్రాలు దర్శించటం వలన పాపాలు హరిస్తాయని చాలమంది విశ్వాసం. కాశీకి వెళ్ళి గంగలో మునిగితే పాపాలు తొలగి, పుణ్యలోకాలు లభిస్తాయి అని తరతరాలుగా నమ్ముతున్నారు.
శ్రీమద్భగవద్గీత అనే పుణ్యజలంలో స్నానం సంసారమాలిన్యాన్ని నశింపజేస్తుందని మహాత్ములు చెపుతున్నారు. అనాచారం, దుర్భాషణం, తెలిసీ తెలియక చేసే దోషాలు - ప్రతిదినం కలిగే ఇటువంటి పాపాలన్నీ గీతాపఠనం వలన తక్షణమే నశిస్తాయని అంటున్నారు.
మహా పాపాది పాపాని
గీతాధ్యానం కరోతి చేత్‌ ।
క్వచిత్‌ స్పర్శం న కుర్వంతి
నలినీదల మంభసా ॥
అర్థం: తామరాకును నీరు అంటుకోనట్లు గీతాధ్యానం చేసేవానిని మహా పాపాలు కూడా కొంచెమైనా అంటుకోవు.
కనుక గీతామాత సకల పుణ్య ప్రదాయిని. ఎందుకంటే సత్కర్మాచరణకు అవసరమైన సమస్త ధర్మాలు శ్రీమద్భగవద్గీతలో నిక్షిప్తమై ఉన్నాయి.
కొన్ని శ్లోకాలు చదివినా ఎన్నో పుణ్యఫలాలను ప్రసాదించే గీతామాతకు శిరస్సు వంచి భక్తితో నమస్కరిస్తున్నాను.
ఈక్రింది telegram channel లింకు ద్వారా మనం పూజ్య శ్రీ భవఘ్ని గురుదేవుల వారి సత్సంగాలు శ్రవణం చేయవచ్చు
లింకు లో జాయిన్ అవండి
ఇంతటి మహత్తరమైన అవకాశాన్ని మనకందించిన గురుదేవుల వారికి అమ్మకు కృతజ్ఞతలు తెలియజేస్తూ
జై గురుదేవ్
నామం 41 : Bhagavad Gita: జననం మరణం అనివార్యం.. ఇది తెలిసినవాడు శోకించడు... కర్మ, భక్తి, జ్ఞాన యోగాల మార్గదర్శిని గీతా -41!
నామం 40 : Bhagavad Gita: అహం బ్రహ్మాస్మి.. మనిషి నుంచి పరమాత్మ వైపు ఆత్మయాత్ర.. కర్మ, భక్తి, జ్ఞాన యోగాల మార్గదర్శిని గీతా - 40!
నామం 36 : Bhagavad Gita :సుఖం ఉన్నంత మాత్రాన శాంతి ఉండదు.. కర్మ, భక్తి, జ్ఞాన యోగాల మార్గదర్శిని గీతా -36!
నామం 29 : Bhagavad Gita: భయంలేని జీవితం దైవసంపదతోనే సాధ్యం.. కర్మ, భక్తి, జ్ఞాన యోగాల మార్గదర్శిని గీతా -29!
నామం 28 : Bhagavad Gita: మోక్షానికి మూలం ధ్యానం, ధ్యానానికి మూలం దివ్యశక్తి.. కర్మ, భక్తి, జ్ఞాన యోగాల మార్గదర్శిని గీతా -28!
నామం 26 : Bhagavad Gita: జన్మ మరణాలను జయించేది సమస్థితి అదే మోక్షమార్గం.. కర్మ, భక్తి, జ్ఞాన యోగాల మార్గదర్శిని గీతా -26!
నామం 24 : జీవాత్మ నుండి పరమాత్మ వరకు గీతా ప్రబోధం.. కర్మ, భక్తి, జ్ఞాన యోగాల మార్గదర్శిని గీతా -24!
నామం 16 : Bhagavad Gita: నశించేది జగత్తే.. నిలిచేది ఆత్మ స్వరూపమే.. కర్మ, భక్తి, జ్ఞాన యోగాల మార్గదర్శిని గీతా -16!
నామం 15 : Bhagavad Gita: భగవద్గీత పఠనమే జన్మదుఃఖ విముక్తి మార్గం.. కర్మ, భక్తి, జ్ఞాన యోగాల మార్గదర్శిని గీతా -15!
నామం 14 : Bhagavad Gita: ధర్మాన్ని హరిస్తే అది మనల్ని హరిస్తుంది.. కర్మ, భక్తి, జ్ఞాన యోగాల మార్గదర్శిని గీతా-14!
