ప్రియమైన ఆంధ్రప్రవాసి పాఠక భక్తులారా,
సాక్షాత్తు వ్యాస భగవానుని కృపా ప్రసాదంతో, గీతామాత ఆరాధనకు మనకు లభించిన ఈ పవిత్ర అవకాశాన్ని మీతో పంచుకోవడం ఆనందకరమైన కర్తవ్యంగా భావిస్తున్నాం..
సాక్షాత్తు భగవంతుని వ్యక్తస్వరూపము, మూర్తి స్వరూపమైన శ్రీమద్భగవద్గీత మానవాళికి అందిన రోజు గీతా జయంతి రోజు. డిసెంబర్ ఒకటవ తేదీకి గీతా జయంతి వస్తుంది. ఈ గీతా జయంతి సందర్భంగా, పూజ్య శ్రీ గురుదేవుల ఆశీస్సులతో శ్రీమద్భగవద్గీత అష్టోత్తర శతనామావళిలోని ఈరోజు 17వ రోజు నామాన్ని మీ ముందుకు తీసుకొస్తున్నాము.
ప్రతి నామం వెనుక ఉన్న అర్థం, ఆధ్యాత్మికత, భక్తి సారాన్ని తెలుసుకొని మనం గీతామాతను మరింతగా ఆరాధించుకుందాం. ఈ పవిత్ర ప్రయత్నంలో భాగంగా, ఆంధ్రప్రవాసి Devotional విభాగంలో ప్రతి రోజు ఒక నామాన్ని మీకు అందజేస్తూ, మన గీతామాత కరుణకు అంజలి ఘటిస్తున్నాము.
ఓం వ్యాసదేవాయ నమః
పూజ్యశ్రీ భవఘ్నీ గురుదేవుల వారి అనుగ్రహం తో
శ్రీమద్భగవద్గీత అష్టోత్తరశత నామావళి
17. ఓం అనంత జ్ఞాన స్వరూపిణ్యై నమః
అర్థం: జ్ఞానం అంటే తెలివిడి. తెలుసుకోవటం. ఏమి తెలుసుకోవాలి? కః + అహం = కో-హం? నేను ఎవరిని? ఈ ప్రశ్నకు సమాధానం తెలుసుకోవటానికే మహర్షులు తపస్సు చేశారు. జీవుడనైన నేను ఎవరిని? ఎక్కడినుంచి వచ్చాను? ఎక్కడకి చేరతాను? అది తెలుసుకోవటమే జ్ఞానం. ‘కోహం’ అనే ప్రశ్నకు మహర్షులు చివరకు ‘సో-హం’ అని సమాధానం తెలుసుకొన్నారు.
సః + అహం = సో-హం. అతడే నేను. ఆ పరమాత్మే నేను. అదే అద్వైతం. నేను పరమాత్మకు భిన్నుడను కాను, వేరైన వాడను కాను. ఇది తెలుసుకోవటమే జ్ఞానం. అట్టి జ్ఞానాన్ని అందిస్తున్నది శ్రీమద్భగవద్గీత. అది ఎల్లకాలం మానవాళికి లభించేది. అది అంతమయ్యేది కాదు. ఏది తెలుసుకుంటే ఇహ మరేదీ తెలుసుకోనవసరం లేదో అట్టి జ్ఞానాన్ని గీత ప్రసాదిస్తుంది.
నీవు ప్రత్యగాత్మ స్వరూపానివి. అట్టి నీకు, పరమాత్మకు ఏ భేదం లేదు అని బోధిస్తున్న గీతామాతకు శ్రద్ధతో చేతులు జోడించి నమస్కరిస్తున్నాను.
ఈ జన్మను సార్థకం, సఫలం చేసుకోవటానికి ప్రతి క్షణం గీతామాతను గుర్తు చేసుకొంటూ, ఇంతటి అనుగ్రహాన్ని ప్రసాదించిన సాక్షాత్తు విష్ణు స్వరూపులైన వ్యాసదేవులకు హృదయపూర్వక కృతజ్ఞతలు.
ఈక్రింది telegram channel లింకు ద్వారా మనం పూజ్య శ్రీ భవఘ్ని గురుదేవుల వారి సత్సంగాలు శ్రవణం చేయవచ్చు
లింకు లో జాయిన్ అవండి
ఇంతటి మహత్తరమైన అవకాశాన్ని మనకందించిన గురుదేవుల వారికి అమ్మకు కృతజ్ఞతలు తెలియజేస్తూ
జై గురుదేవ్
నామం 16 : Bhagavad Gita: నశించేది జగత్తే.. నిలిచేది ఆత్మ స్వరూపమే.. కర్మ, భక్తి, జ్ఞాన యోగాల మార్గదర్శిని గీతా -16!
నామం 15 : Bhagavad Gita: భగవద్గీత పఠనమే జన్మదుఃఖ విముక్తి మార్గం.. కర్మ, భక్తి, జ్ఞాన యోగాల మార్గదర్శిని గీతా -15!
నామం 14 : Bhagavad Gita: ధర్మాన్ని హరిస్తే అది మనల్ని హరిస్తుంది.. కర్మ, భక్తి, జ్ఞాన యోగాల మార్గదర్శిని గీతా-14!
నామం 10 :Bhagavad Gita : ఈ జన్మను సార్థకం, సఫలం చేసుకోవటానికి ప్రతి క్షణం.. కర్మ, భక్తి, జ్ఞాన యోగాల మార్గదర్శిని గీతా - 10!
నామం 7 : Bhagavad Gita: ధర్మార్థ కామ మోక్షాలను ప్రసాదించే.. కర్మ, భక్తి, జ్ఞాన యోగాల మార్గదర్శిని గీతా-7!
