ప్రియమైన ఆంధ్రప్రవాసి పాఠక భక్తులారా,
సాక్షాత్తు వ్యాస భగవానుని కృపా ప్రసాదంతో, గీతామాత ఆరాధనకు మనకు లభించిన ఈ పవిత్ర అవకాశాన్ని మీతో పంచుకోవడం ఆనందకరమైన కర్తవ్యంగా భావిస్తున్నాం..
సాక్షాత్తు భగవంతుని వ్యక్తస్వరూపము, మూర్తి స్వరూపమైన శ్రీమద్భగవద్గీత మానవాళికి అందిన రోజు గీతా జయంతి రోజు. డిసెంబర్ ఒకటవ తేదీకి గీతా జయంతి వస్తుంది. ఈ గీతా జయంతి సందర్భంగా, పూజ్య శ్రీ గురుదేవుల ఆశీస్సులతో శ్రీమద్భగవద్గీత అష్టోత్తర శతనామావళిలోని ఈరోజు 19వ రోజు నామాన్ని మీ ముందుకు తీసుకొస్తున్నాము.
ప్రతి నామం వెనుక ఉన్న అర్థం, ఆధ్యాత్మికత, భక్తి సారాన్ని తెలుసుకొని మనం గీతామాతను మరింతగా ఆరాధించుకుందాం. ఈ పవిత్ర ప్రయత్నంలో భాగంగా, ఆంధ్రప్రవాసి Devotional విభాగంలో ప్రతి రోజు ఒక నామాన్ని మీకు అందజేస్తూ, మన గీతామాత కరుణకు అంజలి ఘటిస్తున్నాము.
ఓం వ్యాసదేవాయ నమః
పూజ్యశ్రీ భవఘ్నీ గురుదేవుల వారి అనుగ్రహం తో
శ్రీమద్భగవద్గీత అష్టోత్తరశత నామావళి
19. ఓం తత్త్వ ప్రబోధిన్యై నమః
అర్థం: జగత్తు యొక్క తత్త్వాన్ని శ్రీమద్భగవద్గీత తెలుపుతుంది. దృశ్యమాన జగత్తు మొత్తం, అందలి సమస్త రూపాలు నశించిపోయేవే అని తెలుపుతుంది.
అంతవంత ఇమే దేహా
నిత్యస్యోక్తాః శరీరిణః ।
అనాశినో-ప్రమేయస్య
తస్మాత్‌ యుధ్యస్వ భారత ॥ 2.18
దేహి యొక్క దేహం అంతమై పోయేదే. కాని దేహి నాశరహితుడు, నిత్యుడు.
అర్థం: నామ రూపాత్మకమైన చరాచర జగత్తు, అందలి సమస్తం ఎప్పుడో ఒకప్పుడు నశించేదే. అయితే మరి నిత్యమైనది ఏది? ఆత్మ స్వరూపుడుగా దేహి నిత్యుడు, దేహములు అనిత్యాలు. ఎప్పుడయితే దేహం యొక్క అనిత్యత్వాన్ని గుర్తిస్తామో అప్పుడు దేహ భ్రాంతి తొలగిపోతుంది. దేహం పట్ల మమకారం నశిస్తుంది.
దేహం నశించినా ఆత్మ నశించదు అని, అది పరమాత్మ స్వరూపమే అని భగవద్గీత తెల్పుతుంది. ఆత్మ నాశనం లేనిది. నిత్యమైనది.
న జాయతే మ్రియతే వా కదాచిత్‌ । 2.20 ఆత్మ ఎప్పుడూ పుట్టటం లేదు. చనిపోవటం కూడా లేదు. నేను ఆత్మ స్వరూపుడిని, నాశనం లేనివాడిని. నాకు, పరమాత్మకు భేదం లేదు.
ఈ ఆత్మతత్త్వాన్ని బోధిస్తున్న గీతామాతకు శిరస్సు వంచి నమస్కరిస్తున్నాను.
ఈ జన్మను సార్థకం, సఫలం చేసుకోవటానికి ప్రతి క్షణం గీతామాతను గుర్తు చేసుకొంటూ, ఇంతటి అనుగ్రహాన్ని ప్రసాదించిన సాక్షాత్తు విష్ణు స్వరూపులైన వ్యాసదేవులకు హృదయపూర్వక కృతజ్ఞతలు.
ఈక్రింది telegram channel లింకు ద్వారా మనం పూజ్య శ్రీ భవఘ్ని గురుదేవుల వారి సత్సంగాలు శ్రవణం చేయవచ్చు
లింకు లో జాయిన్ అవండి
ఇంతటి మహత్తరమైన అవకాశాన్ని మనకందించిన గురుదేవుల వారికి అమ్మకు కృతజ్ఞతలు తెలియజేస్తూ
జై గురుదేవ్
నామం 16 : Bhagavad Gita: నశించేది జగత్తే.. నిలిచేది ఆత్మ స్వరూపమే.. కర్మ, భక్తి, జ్ఞాన యోగాల మార్గదర్శిని గీతా -16!
నామం 15 : Bhagavad Gita: భగవద్గీత పఠనమే జన్మదుఃఖ విముక్తి మార్గం.. కర్మ, భక్తి, జ్ఞాన యోగాల మార్గదర్శిని గీతా -15!
నామం 14 : Bhagavad Gita: ధర్మాన్ని హరిస్తే అది మనల్ని హరిస్తుంది.. కర్మ, భక్తి, జ్ఞాన యోగాల మార్గదర్శిని గీతా-14!
నామం 10 :Bhagavad Gita : ఈ జన్మను సార్థకం, సఫలం చేసుకోవటానికి ప్రతి క్షణం.. కర్మ, భక్తి, జ్ఞాన యోగాల మార్గదర్శిని గీతా - 10!
నామం 7 : Bhagavad Gita: ధర్మార్థ కామ మోక్షాలను ప్రసాదించే.. కర్మ, భక్తి, జ్ఞాన యోగాల మార్గదర్శిని గీతా-7!
