ప్రియమైన ఆంధ్రప్రవాసి పాఠక భక్తులారా,
సాక్షాత్తు వ్యాస భగవానుని కృపా ప్రసాదంతో, గీతామాత ఆరాధనకు మనకు లభించిన ఈ పవిత్ర అవకాశాన్ని మీతో పంచుకోవడం ఆనందకరమైన కర్తవ్యంగా భావిస్తున్నాం..
సాక్షాత్తు భగవంతుని వ్యక్తస్వరూపము, మూర్తి స్వరూపమైన శ్రీమద్భగవద్గీత మానవాళికి అందిన రోజు గీతా జయంతి రోజు. డిసెంబర్ ఒకటవ తేదీకి గీతా జయంతి వస్తుంది. ఈ గీతా జయంతి సందర్భంగా, పూజ్య శ్రీ గురుదేవుల ఆశీస్సులతో శ్రీమద్భగవద్గీత అష్టోత్తర శతనామావళిలోని ఈరోజు 21వ రోజు నామాన్ని మీ ముందుకు తీసుకొస్తున్నాము.
ప్రతి నామం వెనుక ఉన్న అర్థం, ఆధ్యాత్మికత, భక్తి సారాన్ని తెలుసుకొని మనం గీతామాతను మరింతగా ఆరాధించుకుందాం. ఈ పవిత్ర ప్రయత్నంలో భాగంగా, ఆంధ్రప్రవాసి Devotional విభాగంలో ప్రతి రోజు ఒక నామాన్ని మీకు అందజేస్తూ, మన గీతామాత కరుణకు అంజలి ఘటిస్తున్నాము.
ఓం వ్యాసదేవాయ నమః
పూజ్యశ్రీ భవఘ్నీ గురుదేవుల వారి అనుగ్రహం తో
శ్రీమద్భగవద్గీత అష్టోత్తరశత నామావళి
21. ఓం పరమ పవిత్రాయై నమః
లోకంలో జ్ఞానంతో సమానంగా పవిత్రమైనది మరి లేదు. ‘న హి జ్ఞానేన సదృశం పవిత్ర మిహ విద్యతే’. జ్ఞానం మనలోని అజ్ఞానరూపమైన మాలిన్యాన్ని పోగొట్టి, ఆత్మానురూపమైన అనుభూతి కలిగిస్తుంది. అయితే ఏది పవిత్రజ్ఞానం?
రాజవిద్యా రాజగుహ్యం పవిత్రమిదముత్తమమ్‌ । 9.2
అర్థం: విద్యలలోకెల్లా తలమానికం అయిన రాజవిద్య బ్రహ్మజ్ఞానం. అది రాజగుహ్యం, అనగా రహస్యాలలోకెల్లా రహస్యమైనది. పవిత్రమైనది.
యజ్ఞ, దాన, తపః కర్మలు బుద్ధిమంతులను పవిత్రుల్ని చేస్తాయి అని భగవద్గీత తెలియజేస్తుంది. ద్రవ్యంతో చేసే యజ్ఞం కన్నా జ్ఞానంతో చేసే యజ్ఞం ఎంతో శ్రేష్ఠమైనది. పరమ పవిత్రమైన, శ్రేష్ఠమైన ఈ జ్ఞానయజ్ఞం ఎలా చేయాలి? గీతలోని పవిత్ర సంవాదాన్ని ఆరాధనాపూర్వకంగా పఠిస్తూ, అర్థం చేసుకొని, ఆచరించేవారు జ్ఞాన యజ్ఞంతో నన్ను ఆరాధించినట్లే అని ఆ తండ్రి తెలియజేశారు.
భగవద్గీత భగవంతుని వాక్కు కనక మిక్కిలి పవిత్రం అయినది. అది జ్ఞానగంగ. పవిత్ర గంగానది తన యందు మునిగిన మానవుల పాపాలను ప్రక్షాళన చేస్తున్నట్లే గీతాగంగ తన బోధలో మునిగిన వారిని పవిత్రులుగా చేస్తుంది.
అట్టి పరమ పవిత్ర స్వరూపిణి అయిన శ్రీమద్భగవద్గీతామాతకు పూజ్యభావంతో ప్రణమిల్లుతున్నాను.
ఈక్రింది telegram channel లింకు ద్వారా మనం పూజ్య శ్రీ భవఘ్ని గురుదేవుల వారి సత్సంగాలు శ్రవణం చేయవచ్చు
లింకు లో జాయిన్ అవండి
ఇంతటి మహత్తరమైన అవకాశాన్ని మనకందించిన గురుదేవుల వారికి అమ్మకు కృతజ్ఞతలు తెలియజేస్తూ
జై గురుదేవ్
నామం 16 : Bhagavad Gita: నశించేది జగత్తే.. నిలిచేది ఆత్మ స్వరూపమే.. కర్మ, భక్తి, జ్ఞాన యోగాల మార్గదర్శిని గీతా -16!
నామం 15 : Bhagavad Gita: భగవద్గీత పఠనమే జన్మదుఃఖ విముక్తి మార్గం.. కర్మ, భక్తి, జ్ఞాన యోగాల మార్గదర్శిని గీతా -15!
నామం 14 : Bhagavad Gita: ధర్మాన్ని హరిస్తే అది మనల్ని హరిస్తుంది.. కర్మ, భక్తి, జ్ఞాన యోగాల మార్గదర్శిని గీతా-14!
నామం 10 :Bhagavad Gita : ఈ జన్మను సార్థకం, సఫలం చేసుకోవటానికి ప్రతి క్షణం.. కర్మ, భక్తి, జ్ఞాన యోగాల మార్గదర్శిని గీతా - 10!
నామం 7 : Bhagavad Gita: ధర్మార్థ కామ మోక్షాలను ప్రసాదించే.. కర్మ, భక్తి, జ్ఞాన యోగాల మార్గదర్శిని గీతా-7!
