ప్రియమైన ఆంధ్రప్రవాసి పాఠక భక్తులారా,
సాక్షాత్తు వ్యాస భగవానుని కృపా ప్రసాదంతో, గీతామాత ఆరాధనకు మనకు లభించిన ఈ పవిత్ర అవకాశాన్ని మీతో పంచుకోవడం ఆనందకరమైన కర్తవ్యంగా భావిస్తున్నాం..
సాక్షాత్తు భగవంతుని వ్యక్తస్వరూపము, మూర్తి స్వరూపమైన శ్రీమద్భగవద్గీత మానవాళికి అందిన రోజు గీతా జయంతి రోజు. డిసెంబర్ ఒకటవ తేదీకి గీతా జయంతి వస్తుంది. ఈ గీతా జయంతి సందర్భంగా, పూజ్య శ్రీ గురుదేవుల ఆశీస్సులతో శ్రీమద్భగవద్గీత అష్టోత్తర శతనామావళిలోని ఈరోజు 50వ రోజు నామాన్ని మీ ముందుకు తీసుకొస్తున్నాము.
ప్రతి నామం వెనుక ఉన్న అర్థం, ఆధ్యాత్మికత, భక్తి సారాన్ని తెలుసుకొని మనం గీతామాతను మరింతగా ఆరాధించుకుందాం. ఈ పవిత్ర ప్రయత్నంలో భాగంగా, ఆంధ్రప్రవాసి Devotional విభాగంలో ప్రతి రోజు ఒక నామాన్ని మీకు అందజేస్తూ, మన గీతామాత కరుణకు అంజలి ఘటిస్తున్నాము.
ఓం వ్యాసదేవాయ నమః
పూజ్యశ్రీ భవఘ్నీ గురుదేవుల వారి అనుగ్రహం తో
శ్రీమద్భగవద్గీత అష్టోత్తరశత నామావళి
50. ఓం పరమజ్ఞాన ప్రదాయై నమః
అర్థం: నేను దేహాన్ని కాదని తెలిపి, పరాభక్తిని ప్రసాదించినప్పుడు ఇక్కడ నేను ఎలా ఉండాలి? జ్ఞానం కలిగి ఉండాలి.
తనను మించినది మరేదీ లేనిది పరమజ్ఞానం. దేనిని తెలుసుకొన్న పిదప మరల ఈ ప్రపంచంలో తెలుసుకోదగినది మరొకటి లేదో అదే పరమజ్ఞానం. దానిని గూర్చి పరమాత్మ భగవద్గీత 7వ అధ్యాయం విజ్ఞాన యోగంలో వివరించారు.
పరమాత్మ కంటె వేరైనది ప్రపంచంలో లేనే లేదు. అంతా పరమాత్మ స్వరూపమే. పంచభూతాల సారం పరమాత్మే. సమస్త ప్రాణికోటులకు బీజ భూతుడు పరమాత్మే. (బీజం మాం సర్వభూతానాం విద్ధి). మాయచే ఆవరింపబడిన వారు ఈ సత్యాన్ని తెలుసుకోవటం లేదు.
భగవంతుని సేవించే వారు నాలుగు విధాలు. 1. ఆర్తుడు (ఆపదలో ఉన్నవాడు), 2. జిజ్ఞాసువు (పరమాత్మను తెలుసుకొనగోరే వాడు), 3. అర్థార్థి (సంపద కోరుకొనేవాడు), 4. జ్ఞాని (ఆత్మ జ్ఞానం గలవాడు). ఈ నలుగురిలో ఆత్మజ్ఞానం గలవాడు శ్రేష్ఠుడు. జ్ఞానియే తనకు మిక్కిలి ఇష్టుడని పరమాత్మ చెపుతున్నారు. జ్ఞానికి నిత్య యుక్తత్వం, ఏకభక్తి ఉంటాయి. సర్వ కాల సర్వావస్థలలో పరమాత్మతో కూడి ఉండుటయే నిత్య యుక్తత్వం. ఏకైక పరమాత్మయందు మాత్రమే భక్తి కలిగి ఉండుట ఏకభక్తి.
ఇంద్రియ నిగ్రహం, వాసనా క్షయం, ఆత్మానాత్మ వివేకం, నిది ధ్యాసన మొదలైనవి జ్ఞానయజ్ఞం అవుతాయి. ఈ జ్ఞానయజ్ఞం ద్వారా జ్ఞానం యోగంగా మారుతుంది. జ్ఞానం కర్మలన్నింటిని భస్మీపటలం చేస్తుంది.
న హి జ్ఞానేన సదృశం పవిత్రమిహ విద్యతే । 4.38
జ్ఞానం కన్న పవిత్రమైనది మరి లేదు. ఇట్టి పవిత్రమైన పరమజ్ఞానం నాకు ప్రసాదిస్తున్న గీతామాతకు వినమ్రతతో వందనం చేస్తున్నాను.
ఈక్రింది telegram channel లింకు ద్వారా మనం పూజ్య శ్రీ భవఘ్ని గురుదేవుల వారి సత్సంగాలు శ్రవణం చేయవచ్చు
లింకు లో జాయిన్ అవండి
ఇంతటి మహత్తరమైన అవకాశాన్ని మనకందించిన గురుదేవుల వారికి అమ్మకు కృతజ్ఞతలు తెలియజేస్తూ
జై గురుదేవ్
నామం 44: Bhagavad Gita: హితకరమైన కోరికలతో జీవిస్తే ఫలితం తప్పదు.. గీతా సందేశం.. కర్మ, భక్తి, జ్ఞాన యోగాల మార్గదర్శిని గీతా -44!
నామం 41 : Bhagavad Gita: జననం మరణం అనివార్యం.. ఇది తెలిసినవాడు శోకించడు... కర్మ, భక్తి, జ్ఞాన యోగాల మార్గదర్శిని గీతా -41!
నామం 40 : Bhagavad Gita: అహం బ్రహ్మాస్మి.. మనిషి నుంచి పరమాత్మ వైపు ఆత్మయాత్ర.. కర్మ, భక్తి, జ్ఞాన యోగాల మార్గదర్శిని గీతా - 40!
నామం 36 : Bhagavad Gita :సుఖం ఉన్నంత మాత్రాన శాంతి ఉండదు.. కర్మ, భక్తి, జ్ఞాన యోగాల మార్గదర్శిని గీతా -36!
నామం 29 : Bhagavad Gita: భయంలేని జీవితం దైవసంపదతోనే సాధ్యం.. కర్మ, భక్తి, జ్ఞాన యోగాల మార్గదర్శిని గీతా -29!
నామం 28 : Bhagavad Gita: మోక్షానికి మూలం ధ్యానం, ధ్యానానికి మూలం దివ్యశక్తి.. కర్మ, భక్తి, జ్ఞాన యోగాల మార్గదర్శిని గీతా -28!
నామం 26 : Bhagavad Gita: జన్మ మరణాలను జయించేది సమస్థితి అదే మోక్షమార్గం.. కర్మ, భక్తి, జ్ఞాన యోగాల మార్గదర్శిని గీతా -26!
నామం 24 : జీవాత్మ నుండి పరమాత్మ వరకు గీతా ప్రబోధం.. కర్మ, భక్తి, జ్ఞాన యోగాల మార్గదర్శిని గీతా -24!
