43 ఏళ్లుగా సామాజిక, సాంస్కృతిక రంగాల్లో సేవలకు గౌరవం..
అమెరికాలో ఘనంగా మాటా రెండో మహాసభలు.. సేవా రంగంలో దాము గేదెలకు సన్మానం..
అమెరికా: అమెరికాలో ఘనంగా నిర్వహించిన ‘మన అమెరికన్ తెలుగు అసోసియేషన్’ (మాటా) రెండవ మహాసభల్లో ప్రముఖ సామాజిక సేవకుడు దాము గేదెలను ఘనంగా సత్కరించారు. సమాజ సేవ విభాగంలో ఆయన అందించిన విశిష్ట సేవలకు గుర్తింపుగా ‘మాటా ఎక్సలెన్స్ అవార్డు’ను అందజేశారు.
మహాసభల వేదికపై దాము గేదెలకు శాలువా కప్పి సన్మానించడంతో పాటు జ్ఞాపికను అందించారు. తెలుగు సమాజ అభివృద్ధికి, సాంస్కృతిక పరిరక్షణకు ఆయన చేస్తున్న సేవలను గుర్తిస్తూ ఈ గౌరవాన్ని ప్రదానం చేశారు.
ఈ కార్యక్రమంలో అలనాటి సినీనటి జయప్రద, సినీనటి ఐశ్వర్య రాజేష్, ప్రదీప్తో పాటు మాటా నాయకులు శ్రీనివాస్ గనగోని, ప్రదీప్ సామల, శ్రీధర్ గుడాల తదితరులు పాల్గొన్నారు.
దాము గేదెల గత 43 సంవత్సరాలుగా సామాజిక, సాంస్కృతిక కార్యక్రమాల్లో చురుగ్గా పాల్గొంటూ కమ్యూనిటీకి సేవలు అందిస్తున్నారు. తెలుగు భాష, సంస్కృతి అభివృద్ధితో పాటు సమాజ శ్రేయస్సు కోసం ఆయన ఎన్నో కార్యక్రమాలు చేపట్టారు.
జన్మభూమి అభివృద్ధి, తెలుగు ప్రజల ఐక్యత కోసం తన వంతు సహకారం అందిస్తూ వచ్చిన ఆయన సేవలు పలువురి ప్రశంసలు అందుకున్నాయి.
సేవా రంగంలో ఆయన చేసిన కృషికి ఇప్పటికే పలు గౌరవాలు లభించాయి. దాము గేదెల ఐదు ప్రతిష్టాత్మక జీవితకాల సాఫల్య పురస్కారాలతో పాటు ‘గాన గంధర్వ’ అవార్డు, 25కు పైగా కమ్యూనిటీ అవార్డులు అందుకున్నారు.
అలాగే డాక్టర్ అక్కినేని పురస్కారం, ప్రతిష్టాత్మక ‘ఎడిసన్ మేయర్ ప్రెసిడెన్షియల్ అవార్డు’లను కూడా ఆయన అందుకున్నారు.
తెలుగు భాష, సంప్రదాయాలు, సంస్కృతిని విదేశాల్లో కొనసాగించేందుకు కృషి చేస్తున్న దాము గేదెలను మాటా వేదికపై సత్కరించడం పట్ల పలువురు ప్రవాస తెలుగు ప్రముఖులు హర్షం వ్యక్తం చేశారు.
సమాజ సేవకు అంకితమైన వ్యక్తులను గౌరవించడం ద్వారా మరింత మంది సేవా కార్యక్రమాల వైపు ప్రేరణ పొందుతారని వారు పేర్కొన్నారు. ఈ వేడుకకు పెద్ద సంఖ్యలో ప్రవాస భారతీయులు, తెలుగు సంఘాల ప్రతినిధులు, కమ్యూనిటీ ప్రముఖులు హాజరై కార్యక్రమాన్ని విజయవంతం చేశారు.
Tags
Be the first to react
