Telegram: భారత్లో టెలిగ్రామ్ యాప్ పరిమితులపై ఢిల్లీ హైకోర్టు కీలక తీర్పు!
Telegram: నీట్-యూజీ 2026 రీ ఎగ్జామ్ నేపథ్యంలో కేంద్ర ప్రభుత్వం టెలిగ్రామ్ మెసేజింగ్ యాప్పై విధించిన తాత్కాలిక పరిమితులను ఢిల్లీ హైకోర్టు సమర్థించింది. ఈ చర్య చట్టపరమైన నిబంధనలకు అనుగుణంగానే ఉందని, విద్యార్థుల ప్రయోజనాలను దృష్టిలో ఉంచుకుని తీసుకున్న నిర్ణయమని కోర్టు పేర్కొంది.
నీట్ అక్రమ కంటెంట్ నియంత్రణకు టెలిగ్రామ్ బ్లాక్.. ప్రభుత్వ చర్య సరైనదేనన్న కోర్టు..
టెలిగ్రామ్ పిటిషన్కు షాక్.. కేంద్రం నిర్ణయాన్ని సమర్థించిన ఢిల్లీ హైకోర్టు..
న్యూఢిల్లీ: నీట్-యూజీ 2026 రీ ఎగ్జామ్ నేపథ్యంలో కేంద్ర ప్రభుత్వం టెలిగ్రామ్ మెసేజింగ్ యాప్పై విధించిన తాత్కాలిక పరిమితులను ఢిల్లీ హైకోర్టు సమర్థించింది. ఈ చర్య చట్టపరమైన నిబంధనలకు అనుగుణంగానే ఉందని, విద్యార్థుల ప్రయోజనాలను దృష్టిలో ఉంచుకుని తీసుకున్న నిర్ణయమని కోర్టు పేర్కొంది.
జస్టిస్ తేజస్ కారియా నేతృత్వంలోని ధర్మాసనం ఈ కేసును విచారించింది. ప్రభుత్వం సమాచార సాంకేతిక చట్టంలోని సెక్షన్ 69ఏ ప్రకారం నిర్దేశించిన విధానాలను పాటించిందని, యాప్ను పరిమితం చేయడానికి సరైన కారణాలు ఉన్నాయని కోర్టు స్పష్టం చేసింది. ఈ నిర్ణయం అసమానమైన చర్య కాదని పేర్కొంటూ టెలిగ్రామ్ దాఖలు చేసిన పిటిషన్ను తిరస్కరించింది.
కాగా, నీట్-యూజీ పరీక్షకు సంబంధించిన అక్రమ కంటెంట్, ప్రశ్నపత్రాలకు సంబంధించిన లింకులు టెలిగ్రామ్లో ప్రచారం అవుతున్నాయన్న ఆరోపణల నేపథ్యంలో కేంద్ర ఎలక్ట్రానిక్స్, ఐటీ మంత్రిత్వ శాఖ ఈ నిర్ణయం తీసుకుంది. నేషనల్ టెస్టింగ్ ఏజెన్సీ (NTA) సిఫారసు మేరకు ఈ పరిమితులు విధించారు.
ఈ పరిమితులు జూన్ 22 వరకు అమల్లో ఉంటాయని అధికారులు తెలిపారు. టెలిగ్రామ్ మాత్రం తమపై వివక్ష చూపుతున్నారని, ఇప్పటికే అక్రమ కంటెంట్కు సంబంధించిన వందలాది లింకులను తొలగించి అధికారులకు సహకరించామని కోర్టుకు వివరించింది. అయితే కోర్టు ప్రభుత్వ చర్యలను సమర్థించింది.
మే 3న నిర్వహించిన నీట్-యూజీ పరీక్షలో పేపర్ లీక్ ఆరోపణలు రావడంతో NTA ఆ పరీక్షను రద్దు చేసింది. అనంతరం జూన్ 21న రీ-ఎగ్జామ్ నిర్వహించేందుకు ఏర్పాట్లు చేపట్టింది. పరీక్ష పారదర్శకత, విద్యార్థుల న్యాయబద్ధమైన అవకాశాలను కాపాడేందుకు తీసుకున్న చర్యల్లో భాగంగానే టెలిగ్రామ్పై తాత్కాలిక నియంత్రణ విధించినట్లు అధికారులు వెల్లడించారు.
Be the first to react
