ఈ ఏడాది చివరికల్లా రెండు లక్షల ఉద్యోగాల భర్తీ: రేవంత్ రెడ్డి

రేవంత్‌, ఉత్తమ్‌లు శుక్రవారం సాయంత్రం కేంద్ర ఆర్థిక మంత్రి నిర్మలసీతారామన్‌తో ఆమె కార్యాలయంలో భేటీ అయ్యారు. తెలంగాణకు వెనుకబడిన ప్రాంతాల అభివృద్థి కింద కొన్నేళ్లుగా పేరుకుపోయిన బకాయిలు రూ.1800 కోట్లు విడుదల చేయాలని రేవంత్‌ విజ్ఞప్తి చేశారు.15వ ఆర్థిక సంఘం నుంచి తెలంగాణకు రావాల్సిన రూ.2,233.54 కోట్లు త్వరగా విడుద ల చేయాలని కోరారు. హైదరాబాద్‌ నగర అభివృద్థికి ప్రత్యేకంగా నిధులు కేటాయించాలని విజ్ఞప్తి చేశారు.

మరో వైపు ఈ ఏడాది చివరికల్లా రాష్ట్రంలో రెండు లక్షల ఉద్యోగాలను భర్తీ చేయడానికి వీలుగా తెలంగాణ రాష్ట్ర పబ్లిక్‌ సర్వీస్‌ కమిషన్‌ను ప్రక్షాళన చేయాలనుకుంటున్నామని రాష్ట్ర ముఖ్యమంత్రి రేవంత్‌రెడ్డి అన్నారు. ఈ ప్రక్షాళన కార్యక్రమానికి యూనియన్‌ పబ్లిక్‌ సర్వీస్‌ కమిషన్‌ సహాయం కావాలని అభ్యర్థించారు. శుక్రవారం ఆయన తన మంత్రివర్గ సహచరుడు ఉత్తమ్‌కుమార్‌ రెడ్డితో కలిసి యూపీఎస్సీ కార్యాలయాన్ని సందర్శించారు.

మీ వ్యాపార ప్రకటనల కొరకు ఆంధ్ర ప్రవాసి డాట్ కామ్ AndhraPravasi.com ఉచితంగా అందిస్తున్న క్లాసిఫైడ్స్   Classifieds లో ప్రకటించుకొని మీ వ్యాపారాన్ని అభివృధ్ది చేసుకోండి.

యూపీఎస్సీ చైర్మన్‌ మనోజ్‌ సోనీ, కార్యదర్శి శశిరంజన్‌ కుమార్‌తో గంటన్నర పాటు భేటీ అయ్యారు. యూపీఎస్సీ తరహాలో టీఎ్‌సపీఎస్సీని తీర్చిదిద్దేందుకు సోనీ సహకారం కోరారు. యూపీఎస్సీలో పారదర్శకత, అవినీతి మరక లేకుండా ఇంత సుదీర్ఘ కాలం పాటు అత్యంత సమర్థవంతంగా పని చేయడంపై సీఎం ఆరా తీశారు. వందేళ్ల సుదీర్ఘ చరిత్ర కలిగిన యూపీఎస్సీ నిర్దిష్ట కాలపరిమితిలోనే నోటిఫికేషన్‌లు జారీ చేయడం, పరీక్షలు, ఇంటర్వ్యూల నిర్వహణ, నియామక ప్రక్రియను చేపట్టడం.. అన్నింటా పారదర్శకత పాటించడం అభినందనీయమని ముఖ్యమంత్రి రేవంత్‌ అన్నారు.

టీఎస్పీఎస్సీని యూపీఎస్సీ అడుగుజాడల్లోనే తీర్చిదిద్దాలని భావిస్తున్నామని చెప్పారు. గత ప్రభుత్వం టీఎ్‌సపీఎస్సీ చైర్మన్‌, సభ్యుల నియామకాలను కూడా రాజకీయం చేసిందని, దాన్నో రాజకీయ పునరావాస కేంద్రంగా మార్చిందని, ఆ కారణంగానే వరుసగా పేపర్‌ లీకులు జరిగాయని ఈ సందర్భంగా రేవంత్‌ ప్రస్తావించారు. టీఎ్‌సపీఎస్సీ ఆధ్వర్యంలో జరిగిన నోటిఫికేషన్ల జారీ, పరీక్షల నిర్వహణ, ఫలితాల వెల్లడి మొత్తం ఒక ప్రహసనంలాగా మారాయని ఆవేదన వ్యక్తం చేశారు.

తెలుగు ప్రవాసులకు ఉపయోగ పడే వార్తలు, వారికి  సంబంధించిన వార్తలు, వారు నివసించే ఆయా  దేశాలలో వారికి సంబంధించిన వార్తలు, ఇంకా ఉద్యోగ వార్తలు, క్లాసిఫైడ్స్, అన్ని ఒక చోటనే... క్రింది లింక్స్ పై క్లిక్ చేసి గ్రూప్ లో జాయిన్ అవ్వండి

Whatsapp group

Telegram group

Facebook group