ప్రియమైన ఆంధ్రప్రవాసి పాఠక భక్తులారా,
సాక్షాత్తు వ్యాస భగవానుని కృపా ప్రసాదంతో, గీతామాత ఆరాధనకు మనకు లభించిన ఈ పవిత్ర అవకాశాన్ని మీతో పంచుకోవడం ఆనందకరమైన కర్తవ్యంగా భావిస్తున్నాం..
సాక్షాత్తు భగవంతుని వ్యక్తస్వరూపము, మూర్తి స్వరూపమైన శ్రీమద్భగవద్గీత మానవాళికి అందిన రోజు గీతా జయంతి రోజు. డిసెంబర్ ఒకటవ తేదీకి గీతా జయంతి వస్తుంది. ఈ గీతా జయంతి సందర్భంగా, పూజ్య శ్రీ గురుదేవుల ఆశీస్సులతో శ్రీమద్భగవద్గీత అష్టోత్తర శతనామావళిలోని ఈరోజు 37వ రోజు నామాన్ని మీ ముందుకు తీసుకొస్తున్నాము.
ప్రతి నామం వెనుక ఉన్న అర్థం, ఆధ్యాత్మికత, భక్తి సారాన్ని తెలుసుకొని మనం గీతామాతను మరింతగా ఆరాధించుకుందాం. ఈ పవిత్ర ప్రయత్నంలో భాగంగా, ఆంధ్రప్రవాసి Devotional విభాగంలో ప్రతి రోజు ఒక నామాన్ని మీకు అందజేస్తూ, మన గీతామాత కరుణకు అంజలి ఘటిస్తున్నాము.
ఓం వ్యాసదేవాయ నమః
పూజ్యశ్రీ భవఘ్నీ గురుదేవుల వారి అనుగ్రహం తో
శ్రీమద్భగవద్గీత అష్టోత్తరశత నామావళి
37. ఓం ప్రేమ ప్రదాయై నమః
అర్థం: ఎవరో ఒక వ్యక్తిపట్ల నాకు ప్రేమ ఉంది అంటాం. అయితే నిజమైన ప్రేమ కేవలం ఒక వ్యక్తికి పరిమితమైనది కాదు. సర్వ ప్రాణుల పట్ల ప్రేమ కలిగి ఉండాలి. అదే పరమాత్మ స్వరూపం. సర్వ ప్రాణులకు మేలు చేయటంలో ఆసక్తి కలవారు (సర్వ భూత హితే రతాః) నన్ను పొందుతున్నారని భక్తియోగంలో భగవంతుడు చెపుతున్నారు. సమస్త ప్రాణులకు హితం కలిగించటమే ప్రేమ. అక్కడ స్వపర భేదం లేదు. ఎక్కువ తక్కువలు లేవు. మిత్రులు, శత్రువులు అనే తేడా లేదు. అందరికి శ్రేయస్సు కలిగించాలి. ఆ ప్రేమ అవ్యాజమైనది. అంటే ఏ కారణం లేకుండా సహజంగానే అందరి పట్ల ప్రేమ కలిగి ఉండాలి.
భగవంతుడు ప్రేమస్వరూపుడు. సర్వ మానవాళి పట్ల దయతో వారికి అవసరమైన అన్ని ఒనరులు, అవకాశాలు ప్రసాదించారు. ‘అద్వేష్టా సర్వ భూతానాం..’ సర్వప్రాణుల పట్ల ద్వేషం లేకుండుట, మైత్రి, కరుణ - ఇవన్నీ ప్రేమయొక్క వ్యక్తరూపాలే. ఇట్టి గుణసంపద గలవాడే నాకు మిక్కిలి ఇష్టుడని భగవాన్‌ ఉవాచ.
సాధారణంగా మనం ఇతరులనుండి ప్రేమను ఆశిస్తాము. వారు ప్రేమించటం లేదని విచారం, వారి పట్ల ద్వేషం పెంచుకొంటాము. పిమ్మట ప్రేమకు మరొక ఆశ్రయం కోరుకుంటాము. అయితే నీవే ప్రేమ స్వరూపానివి అయినప్పుడు ఇతరుల ప్రేమతో, అనిష్టంతో, తిరస్కారంతో పని ఉందా? నీవే ప్రేమను అందరికీ పంచగలవు. అది తరిగిపోయేది కాదు. పంచే కొలదీ ఇంకా ఇంకా పెరిగేదే. మనసులో ద్వేషం వంటి కల్మషాలు ఉన్నప్పుడు ప్రేమ ఉత్పన్నం కాదు. సరస్సు అల్లకల్లోలంగా ఉన్నప్పుడు తేటగా ఉంటుందా? మాలిన్యాలు తొలగి నీరు స్వచ్ఛంగా ఉన్నప్పుడే, నిశ్చలంగా ఉన్నప్పుడే అది ప్రకాశిస్తుంది.
అట్టి ప్రేమస్వరూపమై అనంతప్రేమను నాకు ప్రసాదిస్తున్న గీతామాతకు ప్రీతితో నమోవాకం చేస్తున్నాను.
ఈక్రింది telegram channel లింకు ద్వారా మనం పూజ్య శ్రీ భవఘ్ని గురుదేవుల వారి సత్సంగాలు శ్రవణం చేయవచ్చు
లింకు లో జాయిన్ అవండి
ఇంతటి మహత్తరమైన అవకాశాన్ని మనకందించిన గురుదేవుల వారికి అమ్మకు కృతజ్ఞతలు తెలియజేస్తూ
జై గురుదేవ్
నామం 36 : Bhagavad Gita :సుఖం ఉన్నంత మాత్రాన శాంతి ఉండదు.. కర్మ, భక్తి, జ్ఞాన యోగాల మార్గదర్శిని గీతా -36!
నామం 29 : Bhagavad Gita: భయంలేని జీవితం దైవసంపదతోనే సాధ్యం.. కర్మ, భక్తి, జ్ఞాన యోగాల మార్గదర్శిని గీతా -29!
నామం 28 : Bhagavad Gita: మోక్షానికి మూలం ధ్యానం, ధ్యానానికి మూలం దివ్యశక్తి.. కర్మ, భక్తి, జ్ఞాన యోగాల మార్గదర్శిని గీతా -28!
నామం 26 : Bhagavad Gita: జన్మ మరణాలను జయించేది సమస్థితి అదే మోక్షమార్గం.. కర్మ, భక్తి, జ్ఞాన యోగాల మార్గదర్శిని గీతా -26!
నామం 24 : జీవాత్మ నుండి పరమాత్మ వరకు గీతా ప్రబోధం.. కర్మ, భక్తి, జ్ఞాన యోగాల మార్గదర్శిని గీతా -24!
నామం 16 : Bhagavad Gita: నశించేది జగత్తే.. నిలిచేది ఆత్మ స్వరూపమే.. కర్మ, భక్తి, జ్ఞాన యోగాల మార్గదర్శిని గీతా -16!
నామం 15 : Bhagavad Gita: భగవద్గీత పఠనమే జన్మదుఃఖ విముక్తి మార్గం.. కర్మ, భక్తి, జ్ఞాన యోగాల మార్గదర్శిని గీతా -15!
నామం 14 : Bhagavad Gita: ధర్మాన్ని హరిస్తే అది మనల్ని హరిస్తుంది.. కర్మ, భక్తి, జ్ఞాన యోగాల మార్గదర్శిని గీతా-14!
