ప్రియమైన ఆంధ్రప్రవాసి పాఠక భక్తులారా,
సాక్షాత్తు వ్యాస భగవానుని కృపా ప్రసాదంతో, గీతామాత ఆరాధనకు మనకు లభించిన ఈ పవిత్ర అవకాశాన్ని మీతో పంచుకోవడం ఆనందకరమైన కర్తవ్యంగా భావిస్తున్నాం..
సాక్షాత్తు భగవంతుని వ్యక్తస్వరూపము, మూర్తి స్వరూపమైన శ్రీమద్భగవద్గీత మానవాళికి అందిన రోజు గీతా జయంతి రోజు. డిసెంబర్ ఒకటవ తేదీకి గీతా జయంతి వస్తుంది. ఈ గీతా జయంతి సందర్భంగా, పూజ్య శ్రీ గురుదేవుల ఆశీస్సులతో శ్రీమద్భగవద్గీత అష్టోత్తర శతనామావళిలోని ఈరోజు 48వ రోజు నామాన్ని మీ ముందుకు తీసుకొస్తున్నాము.
ప్రతి నామం వెనుక ఉన్న అర్థం, ఆధ్యాత్మికత, భక్తి సారాన్ని తెలుసుకొని మనం గీతామాతను మరింతగా ఆరాధించుకుందాం. ఈ పవిత్ర ప్రయత్నంలో భాగంగా, ఆంధ్రప్రవాసి Devotional విభాగంలో ప్రతి రోజు ఒక నామాన్ని మీకు అందజేస్తూ, మన గీతామాత కరుణకు అంజలి ఘటిస్తున్నాము.
ఓం వ్యాసదేవాయ నమః
పూజ్యశ్రీ భవఘ్నీ గురుదేవుల వారి అనుగ్రహం తో
శ్రీమద్భగవద్గీత అష్టోత్తరశత నామావళి
48. ఓం సిద్ధి ప్రదాయై నమః
అర్థం: లౌకిక ప్రయోజనాలు కోరుకొనేటప్పుడు, ఒక కార్యం సిద్ధిస్తుందా, సిద్ధించదా అనే ఆందోళనకు గురి అవుతాం. అయితే కార్యానికి నీవు కర్తవు కానప్పుడు కార్యసిద్ధికీ నీవు కర్తవు కావు. కార్యం, కార్య ఫలితం - అన్నీ భగవదధీనాలే. కనుక లౌకికకార్యాల ఫలాలపట్ల సమచిత్తం కలిగి ఉండాలని భగవద్గీత చెపుతుంది. ఈ సమస్త ప్రపంచంలో వ్యాపించి ఉన్న పరమాత్మను కర్మతో ఆరాధించి, జ్ఞానయోగ్యతా రూప సిద్ధిని పొందగలం. విషయాల పట్ల తగులాటం లేకుండా, సంగ త్యాగంతో, కోర్కెలను వదలి పెట్టినప్పుడు, కర్మలు చేస్తున్నా చేయనట్టి కర్మ రహితమయిన ఆత్మస్థితి ఏర్పడుతుంది. అప్పుడు ఆ కర్మలు సిద్ధిస్తాయి. అనగా కర్మల ఫలితం లభిస్తుంది. అన్ని కర్మలకు కర్త పరమాత్మే అయినప్పుడు, నేను పరమాత్మ అంశనే అయినప్పుడు, నాకన్నా వేరైనది మరేదీ లేదు. అదే అద్వైత సిద్ధి.
మత్తః పరతరం నాన్యత్‌
కించిదస్తి ధనంజయ ।
మయి సర్వమిదం
ప్రోతం సూత్రే మణిగణా ఇవ ॥ 7.7
అర్థం: ఇక్కడ నాకంటే వేరుగా మరియొకటి ఏదీ లేనే లేదు. దారంలో మణుల వలె నాయందు ఈ సమస్త ప్రపంచం కూర్చబడింది అంటున్నారు పరమాత్మ.
ఎప్పుడయితే అద్వైత సిద్ధి లభిస్తుందో అప్పుడిక లౌకిక కార్యాల పట్ల చింత ఉండదు. అంతా ఆనందమే.
ఇట్టి అద్వైతసిద్ధి ప్రసాదిస్తున్న గీతామాతకు ఆరాధనాభావంతో అంజలి ఘటిస్తున్నాను.
ఈక్రింది telegram channel లింకు ద్వారా మనం పూజ్య శ్రీ భవఘ్ని గురుదేవుల వారి సత్సంగాలు శ్రవణం చేయవచ్చు
లింకు లో జాయిన్ అవండి
ఇంతటి మహత్తరమైన అవకాశాన్ని మనకందించిన గురుదేవుల వారికి అమ్మకు కృతజ్ఞతలు తెలియజేస్తూ
జై గురుదేవ్
నామం 44: Bhagavad Gita: హితకరమైన కోరికలతో జీవిస్తే ఫలితం తప్పదు.. గీతా సందేశం.. కర్మ, భక్తి, జ్ఞాన యోగాల మార్గదర్శిని గీతా -44!
నామం 41 : Bhagavad Gita: జననం మరణం అనివార్యం.. ఇది తెలిసినవాడు శోకించడు... కర్మ, భక్తి, జ్ఞాన యోగాల మార్గదర్శిని గీతా -41!
నామం 40 : Bhagavad Gita: అహం బ్రహ్మాస్మి.. మనిషి నుంచి పరమాత్మ వైపు ఆత్మయాత్ర.. కర్మ, భక్తి, జ్ఞాన యోగాల మార్గదర్శిని గీతా - 40!
నామం 36 : Bhagavad Gita :సుఖం ఉన్నంత మాత్రాన శాంతి ఉండదు.. కర్మ, భక్తి, జ్ఞాన యోగాల మార్గదర్శిని గీతా -36!
నామం 29 : Bhagavad Gita: భయంలేని జీవితం దైవసంపదతోనే సాధ్యం.. కర్మ, భక్తి, జ్ఞాన యోగాల మార్గదర్శిని గీతా -29!
నామం 28 : Bhagavad Gita: మోక్షానికి మూలం ధ్యానం, ధ్యానానికి మూలం దివ్యశక్తి.. కర్మ, భక్తి, జ్ఞాన యోగాల మార్గదర్శిని గీతా -28!
నామం 26 : Bhagavad Gita: జన్మ మరణాలను జయించేది సమస్థితి అదే మోక్షమార్గం.. కర్మ, భక్తి, జ్ఞాన యోగాల మార్గదర్శిని గీతా -26!
నామం 24 : జీవాత్మ నుండి పరమాత్మ వరకు గీతా ప్రబోధం.. కర్మ, భక్తి, జ్ఞాన యోగాల మార్గదర్శిని గీతా -24!
