తాజాగా శాస్త్రవేత్తలు చేసిన పరిశోధనలో జుట్టు పెరుగుదలపై ప్రభావం చూపే మాలిక్యులర్ వ్యవస్థలను గుర్తించారు. ఇది అండ్రోజెనెటికల్ ఆలొపీసియా (androgenetic alopecia) లేదా ప్యాటర్న్ బాల్డ్నెస్‌తో బాధపడేవారికి కొత్త ఆశను కలిగిస్తోంది. ఈ పరిశోధన ప్రకారం జుట్టు పోవడం శాశ్వత సమస్య కాదని, మళ్లీ జుట్టు పెరిగే అవకాశం ఉందని నిపుణులు చెబుతున్నారు. ముఖ్యంగా కెమికల్ ఔషధాలు లేకుండా సహజ మార్గాల్లో జుట్టు ఎదిగే మార్గాలను పరిశోధకులు సూచిస్తున్నారు.
ఈ పరిశోధన ప్రకారం జుట్టు తలకిందులవడం అంటే కేశకోశాలు చనిపోవడం కాదు, అవి నిద్రావస్థలోకి వెళ్లినట్టేనని శాస్త్రవేత్తలు చెప్పారు. శరీరంలోని ఐదు ప్రధాన మాలిక్యులర్ వ్యవస్థల మధ్య సంబంధాలు సరిగా లేకపోవడం వల్లే కేశకోశాలు పనిచేయడం మానేస్తాయి. అయితే ఈ వ్యవస్థల మధ్య సంభాషణను తిరిగి బలోపేతం చేస్తే కేశకోశాలు మళ్లీ చురుకుగా మారతాయని పరిశోధకుల అభిప్రాయం.
ఇతర ప్రస్తుత చికిత్సలు ఎక్కువగా జుట్టు కోల్పోవడాన్ని ఆలస్యం చేయడానికే పరిమితమవుతుండగా, ఈ కొత్త విధానం మాత్రం అసలు కారణాన్ని టార్గెట్ చేస్తోంది. హార్మోన్ల వల్ల లేదా జన్యుపరమైన సమస్యల వల్ల కేశకోశాలు పనిచేయకపోవడం వల్లనే జుట్టు రాదని వారు గుర్తించారు. అందుకే ఎటువంటి రసాయనాలు లేకుండా శస్త్రచికిత్స అవసరం లేకుండా జుట్టు తిరిగి పెరగే సహజమైన మార్గాలు కనిపెట్టే దిశగా ఈ పరిశోధన సాగుతోంది.
వీటికి తోడు స్టెమ్ సెల్ టెక్నాలజీ, క్రిస్పర్ (CRISPR) వంటి జన్యు ఎడిటింగ్ పద్ధతులు మరియు చిన్న మాలిక్యూల్ థెరపీలను ఉపయోగించి జుట్టు మళ్లీ పెరగే విధంగా పనులు కొనసాగుతున్నాయి. ఇటువంటి చికిత్సలు వ్యక్తిగత జన్యు లక్షణాల ఆధారంగా రూపొందించబడే అవకాశముంది. త్వరలోనే మనిషిపై ప్రయోగాలు ప్రారంభమయ్యే అవకాశం ఉండగా ఇది జుట్టు చికిత్స రంగంలో విప్లవాత్మక మార్పుకు దారి తీసే అవకాశం ఉందని శాస్త్రవేత్తలు భావిస్తున్నారు.
