Phone Battery Tips: మీ ఫోన్ బ్యాటరీ త్వరగా అయిపోతుందా? ఈ 5 సెట్టింగ్స్ వెంటనే మార్చేయండి!

• స్మార్ట్‌ఫోన్ బ్యాటరీని ‘తాగేస్తున్న’ బ్యాక్‌గ్రౌండ్ ఫీచర్లు: చెక్ పెట్టే మార్గాలు ఇవే..
   
• ఛార్జింగ్ 100% చేస్తున్నారా? బ్యాటరీ హెల్త్ కోసం మీరు మార్చుకోవాల్సిన ముఖ్యమైన అలవాట్లు..

Phone Battery Tips: ఈ రోజుల్లో స్మార్ట్‌ఫోన్ మన జీవితంలో ఒక భాగమైపోయింది. అయితే చాలా మంది ఎదుర్కొనే అతిపెద్ద సమస్య 'బ్యాటరీ డ్రైన్'. మీరు పెద్దగా గేమ్స్ ఆడకపోయినా లేదా హెవీ యాప్స్ వాడకపోయినా రోజుకు రెండు, మూడు సార్లు ఛార్జింగ్ చేయాల్సి వస్తుందా? అసలు సమస్య మీ బ్యాటరీలో లేదు, మీ ఫోన్‌లో మీకు తెలియకుండా బ్యాక్‌గ్రౌండ్‌లో రన్ అవుతున్న కొన్ని అనవసరమైన ఫీచర్లలో ఉంది. ఈ ఫీచర్లు 24 గంటలూ రన్ అవుతూ బ్యాటరీని తాగేయడమే కాకుండా, ఫోన్ హీట్ అవ్వడానికి మరియు స్లో అవ్వడానికి కూడా కారణమవుతాయి. మీ ఫోన్ బ్యాటరీ లైఫ్‌ని మెరుగుపరుచుకోవడానికి మీరు మార్చుకోవాల్సిన ముఖ్యమైన సెట్టింగ్స్ గురించి ఇక్కడ వివరంగా తెలుసుకుందాం.

గూగుల్ నియర్ బై డివైసెస్ (Google Nearby Devices) స్కానింగ్‌ని ఆఫ్ చేయండి
మన ఫోన్‌లో గూగుల్ సర్వీసెస్ బ్యాక్‌గ్రౌండ్‌లో నిరంతరం పని చేస్తూనే ఉంటాయి. అందులో ఒకటి 'స్కాన్ ఫర్ నియర్ బై డివైసెస్'. ఈ ఫీచర్ బ్లూటూత్ ద్వారా మీ చుట్టుపక్కల ఉన్న స్మార్ట్ టీవీలు, వైర్లెస్ ఇయర్ బడ్స్ లేదా ఇతర ఫోన్ల కోసం 24 గంటలూ వెతుకుతూనే ఉంటుంది. దీనివల్ల అన్నెసెసరీ బ్లూటూత్ యాక్టివిటీ పెరిగి బ్యాటరీ త్వరగా ఖాళీ అవుతుంది.

ప్రింటింగ్ సర్వీసెస్‌ను నిలిపివేయండి.. చాలా మంది తమ ఫోన్ నుండి నేరుగా ప్రింట్లు తీయరు. కానీ ఫోన్‌లో 'డిఫాల్ట్ ప్రింట్ సర్వీస్' అనే ఆప్షన్ ఎప్పుడూ ఆన్‌లోనే ఉంటుంది. ఇది మీ చుట్టుపక్కల ఏవైనా ప్రింటర్లు ఉన్నాయా అని నిరంతరం స్కాన్ చేస్తూ ఉంటుంది. మీరు రోజూ ప్రింటర్ వాడే వారైతే తప్ప, ఈ సెట్టింగ్‌ను ఆఫ్ చేయడం వల్ల బ్యాటరీని కొంత మేర ఆదా చేయవచ్చు.

డిజిటల్ వెల్ బీయింగ్ (Digital Wellbeing) మానిటరింగ్ ఆపండి.. ఈ ఫీచర్ మీరు ఏ యాప్ ఎంతసేపు వాడుతున్నారు, రోజుకు ఎన్ని సార్లు ఫోన్ అన్‌లాక్ చేస్తున్నారు వంటి వివరాలను ట్రాక్ చేసి వీక్లీ రిపోర్ట్ ఇస్తుంది. అయితే ఈ ట్రాకింగ్ ప్రక్రియ బ్యాక్‌గ్రౌండ్‌లో నిరంతరం రన్ అవుతూ బ్యాటరీని డ్రైన్ చేస్తుంది. మీకు ఈ రిపోర్ట్స్ అవసరం లేదనిపిస్తే, దీన్ని ఆఫ్ చేయడం ఉత్తమం.

అనవసరమైన యాప్ నోటిఫికేషన్లను కట్టడి చేయండి.. మన ఫోన్‌లో వందల యాప్స్ ఉంటాయి, ప్రతి యాప్ ఏదో ఒక నోటిఫికేషన్ పంపుతూనే ఉంటుంది. ప్రతి నోటిఫికేషన్ వచ్చినప్పుడు స్క్రీన్ వెలగడం లేదా వైబ్రేషన్ రావడం వల్ల బ్యాటరీ ఖర్చవుతుంది. వాట్సాప్ లేదా కాల్స్ వంటి ముఖ్యమైనవి మినహాయించి, మిగతా షాపింగ్ లేదా గేమ్ యాప్స్ నోటిఫికేషన్లను ఆఫ్ చేయడం వల్ల బ్యాటరీ లైఫ్ పెరుగుతుంది.

బ్యాటరీ హెల్త్ కోసం పవర్ఫుల్ టిప్స్.. బ్యాటరీ ఎక్కువ కాలం మన్నికగా ఉండాలంటే కొన్ని అలవాట్లు మార్చుకోవాలి. ఎప్పుడూ ఫోన్‌ను 100% ఛార్జ్ చేయకూడదు, అలాగే 20% కంటే తక్కువకు పడిపోనివ్వకూడదు. ఈ చిన్న చిన్న మార్పులు చేయడం ద్వారా మీ ఆండ్రాయిడ్ ఫోన్ బ్యాటరీ లైఫ్ మెరుగుపడటమే కాకుండా, ఫోన్ హీటింగ్ సమస్య తగ్గి చాలా ఫాస్ట్‌గా పనిచేస్తుంది. ఇప్పుడే మీ ఫోన్ సెట్టింగ్స్ చెక్ చేసుకోండి!