Hansika Motwani Divorce: హన్సిక విడాకుల రచ్చ.. అదంతా ఫేక్ ప్రపంచం అంటూ మాజీ వదిన షాకింగ్ పోస్ట్!

Hansika Motwani Divorce: దేశముదురు సినిమాతో యువత మనసును కొల్లగొట్టిన హన్సిక మోత్వానీ వ్యక్తిగత జీవితం ఇప్పుడు సోషల్ మీడియాలో పెద్ద చర్చకు దారితీసింది. వ్యాపారవేత్త సోహైల్ ఖతురియాతో ఆమె విడాకులు తీసుకున్నట్లు అధికారికంగా వెల్లడైన కొద్ది గంటల్లోనే, హన్సిక మాజీ వదిన ముస్కాన్ నాన్సీ చేసిన ఇన్‌డైరెక్ట్ పోస్ట్ నెట్టింట వైరల్ అవుతోంది. అదంతా ఒక నకిలీ ప్రపంచం అంటూ ముస్కాన్ చేసిన వ్యాఖ్యలు ఇప్పుడు అటు సినీ వర్గాల్లో, ఇటు అభిమానుల్లో కలకలం రేపుతున్నాయి.

ముస్కాన్ తన ఇన్‌స్టాగ్రామ్ వేదికగా స్పందిస్తూ.. దయచేసి నన్ను ఇతరుల జీవితాల్లో జరిగే డ్రామాల్లోకి లాగవద్దు. నాకు ఎలాంటి పెయిడ్ పీఆర్ టీమ్స్ లేవు. ఎవరిదో అత్యంత నకిలీ ప్రపంచంతో నన్ను ముడిపెట్టడం ఆపేయండి. కాలమే అన్ని నిజాలను బయటపెడుతుంది. అంతా సమయమే నిర్ణయిస్తుంది సబ్ సమయ్ కా ఖేల్ హై. పీస్, లవ్ అండ్ కర్మ" అంటూ రాసుకొచ్చారు. ఎవరి పేరు నేరుగా చెప్పకపోయినా, ఈ పోస్ట్ హన్సిక విడాకులను ఉద్దేశించేనని నెటిజన్లు ఫిక్స్ అయిపోయారు.

నిజానికి హన్సికకు, ఆమె వదిన ముస్కాన్‌కు మధ్య విభేదాలు కొత్తవేమీ కాదు. గతంలో హన్సిక సోదరుడు ప్రశాంత్ మోత్వానీని ముస్కాన్ వివాహం చేసుకున్నారు. అయితే ఆ సమయంలో హన్సిక, ఆమె తల్లి జ్యోతి తనను కట్నం కోసం వేధించారని ముస్కాన్ అప్పట్లో ఎఫ్ఐఆర్ కూడా నమోదు చేశారు. వీరిద్దరి జోక్యం వల్లే తన కాపురం కూలిపోయిందని, మానసిక ఒత్తిడి కారణంగా తనకు 'బెల్స్ పాల్సీ'  కూడా వచ్చిందని ఆమె గతంలో తీవ్ర ఆరోపణలు చేశారు. ఈ కేసుల గొడవ ఇంకా కోర్టుల్లో నలుగుతూనే ఉంది.

ఇక హన్సిక-సోహైల్ పెళ్లి విషయానికి వస్తే, 2022 డిసెంబర్‌లో రాజస్థాన్‌లోని కోటలో అత్యంత వైభవంగా వీరి వివాహం జరిగింది. పారిస్‌లోని ఈఫిల్ టవర్ ముందు సోహైల్ ప్రపోజ్ చేసిన విజువల్స్ అప్పట్లో ఒక 'ఫెయిరీ టేల్'లా అనిపించాయి. వీరి పెళ్లిని ఒక రియాలిటీ షోగా కూడా స్ట్రీమింగ్ చేశారు. కానీ, మూడేళ్లు కూడా గడవకముందే మనస్పర్థలు, జీవనశైలిలో తేడాల కారణంగా విడిపోవాలని వీరు నిర్ణయించుకున్నారు. ముంబైలోని ఫ్యామిలీ కోర్టు వీరికి పరస్పర అంగీకారంతో విడాకులు మంజూరు చేసింది.

ఈ విడాకుల విషయంలో హన్సిక తీసుకున్న నిర్ణయం అందరినీ ఆశ్చర్యపరిచింది. భర్త నుంచి ఎలాంటి భరణం  గానీ, ఆస్తులు గానీ తనకు వద్దని ఆమె స్పష్టం చేశారు. కేవలం స్వేచ్ఛగా విడిపోవాలని కోరుకున్నట్లు ఆమె తరపు న్యాయవాదులు తెలిపారు. ఒకవైపు పెళ్లి బంధం ముగిసిందన్న బాధలో ఉన్న హన్సికకు, తన మాజీ వదిన నుంచి ఇలాంటి 'కర్మ' వంటి వ్యాఖ్యలు ఎదురుకావడం ఇప్పుడు ఇండస్ట్రీలో హాట్ టాపిక్‌గా మారింది.