ప్రపంచ ఆధిపత్య పోరు... అమెరికా చిప్ వార్‌లో ఆడలేడి స్పై సంచలనం!
Jensen Huang: భవిష్యత్ ప్రపంచ ఆధిపత్యం సైనిక బలాల కంటే అత్యాధునిక ఏఐ కంప్యూటింగ్ సామర్థ్యం (Compute Power)పైనే ఆధారపడి ఉంది. ఎన్విడియా హెచ్-100, బి-200 వంటి అధునాతన జీపీయూలు చైనా చేతికి చేరితే ఏఐ శిక్షణ, హైపర్‌సోనిక్ క్షిపణుల డిజైనింగ్ వేగవంతమవుతుందని అమెరికా భావిస్తోంది. మూడో దేశాలైన సింగపూర్, యూఏఈల ద్వారా చిప్‌లను దారిమళ్లించే 'గ్రే మార్కెట్ నెట్‌వర్క్‌ల'పై నిఘా పెట్టిన అమెరికాకు ఈ హనీ ట్రాప్ వ్యవహారం దొరకడం కార్పొరేట్ భద్రతలో మానవ బలహీనతలు (Human Vulnerabilities) ఎంతటి పెను ముప్పును తెస్తాయో స్పష్టం చేస్తోంది.
సింగపూర్ డేటా సెంటర్ సంస్థ 'మెగా స్పీడ్' (Mega-Speed) ఉన్నతాధికారిణి అలిస్ హువాంగ్ (హువాంగ్ లే)తో బంధం!
రెండేళ్లలో 4.8 బిలియన్ డాలర్ల విలువైన ఎన్విడియా చిప్‌లను కొనుగోలు చేసిన మెగా స్పీడ్!
అమెరికా ఆంక్షలను దాటి అదునాతన ఏఐ చిప్‌లను చైనాకు దారిమళ్లించారన్న అనుమానాలతో దర్యాప్తు!
Business: ఆధునిక సాంకేతిక ప్రపంచంలో స్మార్ట్‌ఫోన్ల నుంచి ఆసుపత్రుల స్కానింగ్ యంత్రాలు, కార్ల సెన్సార్లు, సూపర్ కంప్యూటర్ల వరకు ప్రతిదానికీ సెమీకండక్టర్ చిప్ వెన్నెముకగా నిలుస్తోంది. సాధారణ సీపీయూలు (CPU) వివిధ పనులను సమన్వయం చేస్తే, జీపీయూలు (GPU) కృత్రిమ మేధకు అవసరమైన అపారమైన గణిత లెక్కలను అత్యంత వేగంగా ప్రాసెస్ చేస్తాయి. సైనిక నిఘా, గైడెడ్ క్షిపణులు, అత్యాధునిక రక్షణ వ్యవస్థల తయారీలో ఈ చిప్‌ల పాత్ర కీలకం కావడంతో.. ప్రపంచ చిప్ మార్కెట్‌లో అగ్రగామిగా ఉన్న అమెరికా దిగ్గజం 'ఎన్విడియా' (NVIDIA)పై చైనా దృష్టి సారించింది.
జెన్సన్ హువాంగ్ వివాదం – భార్యకు క్షమాపణ
లాటిన్ పదం 'ఇన్విడియా' (అసూయ) మూలంగా ఏర్పడిన ఎన్విడియా సంస్థను అగ్రస్థానానికి చేర్చిన సహ వ్యవస్థాపకుడు, సీఈఓ జెన్సన్ హువాంగ్ చుట్టూ ఊహించని వివాదం చుట్టుముట్టింది. ఆయన తన వివాహ బంధాన్ని కాదని వివాహేతర సంబంధం నెరిపినట్లు స్వయంగా నవంబర్ 8న కంపెనీ ఉద్యోగులకు పంపిన అంతర్గత సందేశంలో అంగీకరించారు. అయితే తాను ఎటువంటి సాంకేతిక, వ్యాపార రహస్యాలను ఎవరికీ చేరవేయలేదని, అమెరికా జాతీయ భద్రతా సంస్థల విచారణకు సంపూర్ణంగా సహకరిస్తానని స్పష్టం చేశారు.
'మెగా స్పీడ్' అలిస్ హువాంగ్ పాత్ర & న్యూయార్క్ టైమ్స్ రిపోర్ట్
ఈ వివాదంలో ప్రధానంగా వినిపిస్తున్న పేరు అలిస్ హువాంగ్ (హువాంగ్ లే). సింగపూర్‌కు చెందిన ప్రముఖ డేటా సెంటర్ కంపెనీ 'మెగా స్పీడ్' (Mega-Speed)లో ఆమె ఉన్నత హోదాలో పనిచేశారు. ఈ సంస్థ గత రెండేళ్ల కాలంలోనే ఏకంగా 4.8 బిలియన్ డాలర్లకు పైగా విలువైన ఎన్విడియా అత్యాధునిక చిప్‌లను కొనుగోలు చేసింది. అమెరికా ప్రభుత్వం చైనాపై విధించిన ఆంక్షలను అధిగమించి, ఈ చిప్‌లను మూడో దేశం ద్వారా బీజింగ్‌కు మళ్లించారా అనే అనుమానంతో అమెరికా నిఘా వర్గాలు ఎలక్ట్రానిక్ నిఘా పెట్టగా.. జెన్సన్ హువాంగ్‌తో ఆమెకున్న వ్యక్తిగత సంబంధం బయటపడింది.
చైనా ఎమ్‌ఎస్‌ఎస్ 'హనీ ట్రాప్' స్కెచ్?
చైనా నిఘా సంస్థ 'మినిస్ట్రీ ఆఫ్ స్టేట్ సెక్యూరిటీ' (MSS) ఆమెను ప్రత్యేకంగా నియమించిందని, జెన్సన్ హువాంగ్ ద్వారా అంతర్గత సమాచారాన్ని బీజింగ్‌కు చేరవేసే లక్ష్యంతో పనిచేసిందని అమెరికా నిఘా అంచనాల్లో పేర్కొన్నట్లు న్యూయార్క్ టైమ్స్ తెలిపింది. చిప్ డిజైన్ల తస్కరణతో పాటు భవిష్యత్ ఉత్పత్తుల సరఫరా విధానాలు తెలుసుకోవడం, అమెరికా ఆంక్షలు సడలించేలా హువాంగ్ ద్వారా లాబీయింగ్ చేయించడమే ఈ హనీ ట్రాప్ ప్రధాన వ్యూహమని విశ్లేషకులు భావిస్తున్నారు. మరోవైపు చైనా ప్రభుత్వం ఈ ఆరోపణలను తమపై చేస్తున్న దుష్ప్రచారంగా తీవ్రంగా ఖండించింది.
మార్కెట్ పతనం & స్వతంత్ర విచారణ
ఈ పరిణామాల ప్రభావం ఎన్విడియా మార్కెట్ విలువపై తీవ్రంగా పడింది. ఒక్క రోజులోనే కంపెనీ షేర్లు 4 శాతం కుప్పకూలి, సుమారు 200 బిలియన్ డాలర్ల మార్కెట్ సంపద ఆవిరైంది. మార్కెట్ క్యాపిటలైజేషన్ ఏకంగా ఒక ట్రిలియన్ డాలర్ల మేర ఒత్తిడికి గురైంది. కంపెనీ పాలనాపరమైన సమగ్రతను, జాతీయ భద్రతా నిబంధనలను కాపాడేందుకు ఎన్విడియా డైరెక్టర్ల బోర్డు స్వతంత్ర డైరెక్టర్లతో కూడిన ప్రత్యేక విచారణ కమిటీని నియమించింది. గూఢచర్య చరిత్రలో అత్యాధునిక సాంకేతిక కోటలను సైతం వ్యక్తిగత సంబంధాలతో ఎలా ఛేదించవచ్చో ఈ ఉదంతం నిరూపిస్తోంది.
Tags
Be the first to react
