Lunar Mission: అంతరిక్ష చరిత్రలో ప్రభుత్వ బడి చిన్నారి... 108 దేశాలు.. 12 వేల మంది పోటీదారులు..మన ఏపీదే హవా!
Lunor Mission: ప్రపంచంలోనే మొదటి ఆల్-గర్ల్స్ లూనార్ క్యూబ్శాట్ మిషన్ 'మిషన్ శక్తిశాట్'కు దవళేశ్వరం జెడ్పీహెచ్ఎస్ స్కూల్ విద్యార్థిని కందుల జెస్సీ ఎంపికైంది. 108 దేశాల నుంచి 12,000 మంది పోటీ పడగా, భారత్ నుంచి ఎంపికైన 20 మందిలో ఏపీకి చెందిన ఏకైక చిన్నారి జెస్సీ కావడం విశేషం.
- వడ్రంగి కుమార్తె వినువీధి విక్రమం.. ప్రపంచ ఆల్-గర్ల్స్ మూన్ మిషన్ ప్రాజెక్ట్కు ఏపీ నుంచి ఏకైక ఎంపిక!
- శ్రీహరికోట నుంచి ఉపగ్రహ ప్రయోగం.. ఢిల్లీలో సైంటిస్టులతో కలిసి పని చేయనున్న 14 ఏళ్ల జెస్సీ!
Lunar Mission: తూర్పు గోదావరి జిల్లా దవళేశ్వరం జిల్లా పరిషత్ బాలికల ఉన్నత పాఠశాల (ZPGHS)లో 10వ తరగతి చదువుతున్న 14 ఏళ్ల కందుల జెస్సీ అరుదైన ఘనత సాధించింది. ప్రపంచంలోనే మొట్టమొదటి ఆల్-గర్ల్స్ గ్లోబల్ లూనార్ క్యూబ్శాట్ మిషన్ అయిన 'మిషన్ శక్తిశాట్' (Mission ShakthiSAT) ప్రోగ్రామ్కు ఎంపికై ఏపీ ఖ్యాతిని అంతర్జాతీయ వేదికపై నిలబెట్టింది.
ఈ అంతర్జాతీయ స్పేస్ ప్రోగ్రామ్ కోసం ప్రపంచ వ్యాప్తంగా 108 దేశాల నుంచి సుమారు 12,000 మంది బాలికలు దరఖాస్తు చేసుకోగా, భారత్ నుంచి కేవలం 20 మంది విద్యార్థినులు ఎంపికయ్యారు. విశేషమేమిటంటే, ఆంధ్రప్రదేశ్ రాష్ట్రం నుంచి ఎంపికైన ఏకైక విద్యార్థినిగా జెస్సీ చరిత్ర సృష్టించింది. తండ్రి వడ్రంగి (కార్పెంటర్)గా పనిచేస్తూ ఆర్థిక ఇబ్బందుల వల్ల ప్రైవేట్ స్కూల్ నుంచి ప్రభుత్వ స్కూల్కు మార్చినప్పటికీ, జెస్సీ తన పట్టుదలతో ఈ ఘనత సాధించింది.
పాఠశాలలోని 'అటల్ టింకరింగ్ ల్యాబ్' ఇన్చార్జ్, ఫిజికల్ సైన్స్ టీచర్ మణిమాల ప్రోత్సాహంతో జెస్సీ ఈ లూనార్ మిషన్ కోర్సులో చేరింది. క్రమం తప్పకుండా 21 మోడ్యూళ్ల ద్వారా శాటిలైట్ సిస్టమ్స్, ప్రొపల్షన్, థర్మోడైనమిక్స్ మరియు స్పేస్ టెక్నాలజీ వంటి సంక్లిష్టమైన అంశాలపై దాదాపు 550 ఆన్లైన్ సెషన్లను పూర్తి చేసింది. స్కూల్ పాఠాలు ముగిశాక ప్రతిరోజూ ప్రత్యేకంగా శ్రమించి ఈ శిక్షణ తీసుకుంది.
శాస్త్రవేత్తలతో గంటపాటు జరిగిన ఆన్లైన్ ఇంటర్వ్యూ, ఎస్టిఇఎమ్ (STEM) విద్య ప్రాముఖ్యతపై వీడియో ప్రజెంటేషన్ ఆధారంగా జెస్సీని ఆఖరి ఎంపికలో విజేతగా ప్రకటించారు. త్వరలోనే న్యూఢిల్లీలో జరిగే ప్రత్యేక శిక్షణలో పాల్గొననున్న జెస్సీ, అక్టోబర్ 11న శ్రీహరికోట నుంచి ప్రయోగించనున్న స్టూడెంట్ లూనార్ క్యూబ్శాట్ ఉపగ్రహ రూపకల్పన పనుల్లో శాస్త్రవేత్తలతో కలిసి పని చేయనుంది.
సాధారణ ప్రభుత్వ పాఠశాల విద్యార్థినిగా ఉంటూ అంతర్జాతీయ స్థాయి అంతరిక్ష కార్యక్రమానికి ఎంపిక కావడంపై రాష్ట్ర విద్యాశాఖ మంత్రి నారా లోకేష్, ఇతర ప్రముఖులు మరియు ఉపాధ్యాయులు జెస్సీని అభినందించారు. భవిష్యత్తులో ఇస్రో (ISRO) శాస్త్రవేత్త కావడమే తన లక్ష్యమని జెస్సీ ఈ సందర్భంగా తన ఆకాంక్షను వ్యక్తం చేసింది.
ప్రపంచంలోనే మొదటి ఆల్-గర్ల్స్ లూనార్ క్యూబ్శాట్ మిషన్ 'మిషన్ శక్తిశాట్'కు దవళేశ్వరం జెడ్పీహెచ్ఎస్ స్కూల్ విద్యార్థిని కందుల జెస్సీ ఎంపికైంది. 108 దేశాల నుంచి 12,000 మంది పోటీ పడగా, భారత్ నుంచి ఎంపికైన 20 మందిలో ఏపీకి చెందిన ఏకైక చిన్నారి జెస్సీ కావడం విశేషం. న్యూఢిల్లీలో ఉపగ్రహ రూపకల్పన శిక్షణ అనంతరం శ్రీహరికోట ప్రయోగంలో ఈమె భాగస్వామి కానుంది. ప్రపంచంలోనే మొదటి ఆల్-గర్ల్స్ లూనార్ క్యూబ్శాట్ మిషన్ 'మిషన్ శక్తిశాట్'కు దవళేశ్వరం జెడ్పీహెచ్ఎస్ స్కూల్ విద్యార్థిని కందుల జెస్సీ ఎంపికైంది. 108 దేశాల నుంచి 12,000 మంది పోటీ పడగా, భారత్ నుంచి ఎంపికైన 20 మందిలో ఏపీకి చెందిన ఏకైక చిన్నారి జెస్సీ కావడం విశేషం. న్యూఢిల్లీలో ఉపగ్రహ రూపకల్పన శిక్షణ అనంతరం శ్రీహరికోట ప్రయోగంలో ఈమె భాగస్వామి కానుంది.
Tags
Be the first to react
