వేల సంవత్సరాల మానవ చరిత్రలో మనిషికి, బంగారానికి విడదీయలేని బంధం ఉంది. రాజరికపు విలాసమైనా, సామాన్యుడి వివాహమైనా 'బంగారం' ఉండాల్సిందే. కాలం మారుతున్నా తన మెరుపును ఏమాత్రం కోల్పోని ఈ లోహం, నేడు ప్రపంచ ఆర్థిక వ్యవస్థలను శాసించే స్థాయికి చేరింది. ఒక దేశం వద్ద ఎంత బంగారం ఉందనే దానిపైనే ఆ దేశ ఆర్థిక బలం ఆధారపడి ఉంటుంది.
భారతదేశంలో బంగారాన్ని ఆభరణాల కోసం మాత్రమే కాకుండా, సాంస్కృతిక, మతపరమైన సంప్రదాయాలలో కూడా ఒక ముఖ్యమైన భాగం. అది పెళ్లి అయినా లేదా పండుగ అయినా ప్రతి సందర్భానికీ బంగారాన్ని శుభప్రదంగా భావిస్తారు. అందుకే భారతదేశం అతిపెద్ద బంగారు వినియోగదారులలో ఒకటిగా పరిగణించబడుతుంది. అయితే, దుబాయ్ వంటి గల్ఫ్ దేశాలలో బంగారం ఎక్కువగా ఉత్పత్తి అవుతుందని అందరూ అనుకుంటారు..కానీ, అది వాస్తవం కాదు.. అక్కడ కొనుగోలు చేయడం చౌకగా ఉంటుంది. కానీ, వాస్తవికత చాలా భిన్నంగా ఉంటుంది.
ఘనాను బంగారు భూమి అని పిలుస్తారు. పశ్చిమ ఆఫ్రికాలో ఉన్న ఘనా, దాని విభిన్న బంగారు వనరులు, వృద్ధి చెందుతున్న వాణిజ్యం కారణంగా అరబ్ వ్యాపారులు ఘనాకు ఆ పేరు పెట్టారు. బంగారం ఈ ప్రాంత అత్యంత ముఖ్యమైన వస్తువుగా మారింది.
బంగారు భూమి' (Land of Gold) అని దేనిని పిలుస్తారు?
చాలామంది బంగారం అనగానే దుబాయ్ గురించి ఆలోచిస్తారు. కానీ, చరిత్రలో కొన్ని ప్రాంతాలకు మాత్రమే 'బంగారు భూమి' అనే బిరుదు లభించింది.
ఘనా (Ghana): పశ్చిమ ఆఫ్రికాలోని ఈ దేశాన్ని అరబ్ వ్యాపారులు 'బంగారు భూమి' అని పిలిచేవారు. అక్కడ లభించే అపారమైన బంగారు వనరులే దీనికి కారణం.
సాడో ద్వీపం (Sado Island): జపాన్లోని ఈ ద్వీపం ఎడో కాలంలో దేశం మొత్తం ఉత్పత్తిలో సగానికి పైగా బంగారాన్ని అందించేది. అందుకే దీనిని అప్పట్లో బంగారు నేలగా గుర్తించేవారు.
శ్రీవిజయ (Srivijaya): ఒకప్పటి ఇండోనేషియాలోని ఈ సామ్రాజ్యాన్ని 'బంగారు ద్వీపం'గా పరిగణించేవారు. ఆ కాలంలో ఇది సంపదకు నిలయంగా ఉండేది.
దుబాయ్ నిజంగానే బంగారాన్ని ఉత్పత్తి చేస్తుందా?
ఇదొక పెద్ద అపోహ. దుబాయ్ లేదా గల్ఫ్ దేశాలలో బంగారం గనులు తక్కువ. కానీ.. అక్కడి ప్రభుత్వాలు విధిించే తక్కువ పన్నుల (Import duty) కారణంగా బంగారం కొనుగోలు చేయడం మన దేశం కంటే చౌకగా ఉంటుంది. శుద్ధీకరణ (Refinery) మరియు నాణ్యమైన డిజైన్లకు దుబాయ్ ప్రసిద్ధి చెందింది తప్ప, అది ఉత్పత్తి చేసే దేశం కాదు.
ధరల పెరుగుదలపై 'ట్రంప్' ఎఫెక్ట్!
ప్రస్తుతం బంగారం ధరలు ఆకాశాన్ని తాకడానికి అంతర్జాతీయ రాజకీయాలు కూడా ఒక కారణం. అమెరికా అధ్యక్షుడు డొనాల్డ్ ట్రంప్ విధిస్తున్న సుంకాలు (Tariffs), స్టాక్ మార్కెట్ గందరగోళం మధ్య పెట్టుబడిదారులు బంగారం వైపు మొగ్గు చూపుతున్నారు. కరెన్సీ విలువ తగ్గుతున్నప్పుడు బంగారం విలువ పెరుగుతుంది. ఈ భద్రతా భావమే ధరలను కొత్త శిఖరాలకు చేరుస్తోంది.
