ముంబై To టొరంటో నాన్-స్టాప్.. ఎయిర్ ఇండియా కొత్త ఫ్లైట్ వచ్చేస్తోంది!
Air India New Flight Launch: భారత్‌ నుంచి కెనడాకు వెళ్లే ప్రయాణికులకు ఎయిర్ ఇండియా కొత్త ప్రయాణ మార్గాన్ని అందుబాటులోకి తీసుకొస్తోంది. ముంబై నుంచి కెనడాలోని టొరంటోకు కొత్త విమాన సర్వీసును అక్టోబర్ 25, 2026 నుంచి ప్రారంభించనుంది. అయితే, ఈ మార్గంలో ప్రయాణించే వారికి ఓ ముఖ్యమైన విషయం ఉంది. ముంబై నుంచి టొరంటో వెళ్లే విమానం ఇటలీలోని రోమ్‌లో ఆగనుండగా, తిరుగు ప్రయాణంలో మాత్రం నాన్‌స్టాప్ సర్వీసు అందుబాటులో ఉండనుంది. దీంతో ఒకవైపు ప్రయాణానికి 20 గంటలకు పైగా సమయం పట్టనుంది.
- అక్టోబర్ 25 నుంచి ముంబై–టొరంటో విమాన సర్వీసు ప్రారంభం.
- వెళ్లేటప్పుడు రోమ్‌లో స్టాప్‌ఓవర్.. తిరుగు ప్రయాణంలో నాన్‌స్టాప్ సర్వీసు.
Air India New Flight Launch: భారత్‌ నుంచి కెనడాకు వెళ్లే ప్రయాణికులకు ఎయిర్ ఇండియా కొత్త ప్రయాణ మార్గాన్ని అందుబాటులోకి తీసుకొస్తోంది. ముంబై నుంచి కెనడాలోని టొరంటోకు కొత్త విమాన సర్వీసును అక్టోబర్ 25, 2026 నుంచి ప్రారంభించనుంది. అయితే, ఈ మార్గంలో ప్రయాణించే వారికి ఓ ముఖ్యమైన విషయం ఉంది. ముంబై నుంచి టొరంటో వెళ్లే విమానం ఇటలీలోని రోమ్‌లో ఆగనుండగా, తిరుగు ప్రయాణంలో మాత్రం నాన్‌స్టాప్ సర్వీసు అందుబాటులో ఉండనుంది. దీంతో ఒకవైపు ప్రయాణానికి 20 గంటలకు పైగా సమయం పట్టనుంది.
వారానికి మూడు రోజులే సర్వీసులు
ఈ కొత్త విమాన సర్వీసును శీతాకాల షెడ్యూల్‌లో భాగంగా వారానికి మూడు రోజులు నిర్వహించనున్నారు. బుధవారం, శుక్రవారం, ఆదివారం విమానాలు అందుబాటులో ఉంటాయి. ఈ సర్వీసులు 2027 మార్చి 26 వరకు కొనసాగనున్నట్లు సమాచారం. ముంబై నుంచి బయలుదేరే విమానం రోమ్‌లో సుమారు 90 నిమిషాలు ఆగిన తర్వాత టొరంటోకు చేరుకుంటుంది. ఈ స్టాప్‌తో కలిపి మొత్తం ప్రయాణ సమయం సుమారు 20 గంటల 5 నిమిషాలుగా ఉండనుంది.
విమానంలో ఎన్ని సీట్లు ఉంటాయి?
ఈ మార్గంలో ఎయిర్ ఇండియా అప్‌గ్రేడ్ చేసిన బోయింగ్ 777-300ER విమానాన్ని ఉపయోగించనుంది. ఇందులో మొత్తం 328 సీట్లు ఉంటాయి.
- ఫస్ట్ క్లాస్: 8 సీట్లు
- బిజినెస్ క్లాస్: 40 సీట్లు
- ఎకానమీ క్లాస్: 280 సీట్లు
బిజినెస్ క్లాస్‌లో పూర్తిగా వెనక్కి వాల్చుకునే బెడ్ల తరహా సీట్లు ఉంటాయి. ఫస్ట్ క్లాస్‌లో ప్రత్యేక ప్రైవసీ డోర్లతో కూడిన సూట్లు అందుబాటులో ఉంటాయి. విమానంలో వై-ఫై సదుపాయం కూడా కల్పించనున్నట్లు ఎయిర్ ఇండియా ప్రకటించింది.
కెనడా ప్రయాణికులకు మరిన్ని అవకాశాలు
ముంబై–టొరంటో మార్గంలో కొత్త సర్వీసు ప్రారంభం కావడంతో భారత్‌, కెనడా మధ్య ప్రయాణించే వారికి మరో విమాన ఎంపిక అందుబాటులోకి రానుంది. ముఖ్యంగా కుటుంబ సభ్యులను కలవడానికి, చదువు, ఉద్యోగాలు, వ్యాపార అవసరాల కోసం కెనడా వెళ్లేవారికి ఇది ఉపయోగపడనుంది.
అయితే టికెట్ బుక్ చేసుకునే ముందు విమానం రోమ్‌లో ఆగుతుందా, ప్రయాణ సమయం ఎంత, టికెట్ ధర ఎంత అనే వివరాలను పరిశీలించడం మంచిది. ముంబై నుంచి టొరంటోకు వెళ్లే విమానానికి, తిరుగు ప్రయాణానికి మధ్య సమయ వ్యత్యాసం ఉంటుందనే విషయాన్ని ప్రయాణికులు గుర్తుంచుకోవాలి.
