ప్రపంచ క్రికెట్‌ను శాసిస్తున్న కింగ్ కోహ్లీ పేరిట ఎవరూ రీచ్ కాలేని అరుదైన రికార్డు!
Virat Kohli World Record: టీమిండియా స్టార్ బ్యాటర్ విరాట్ కోహ్లీ మరో అరుదైన ఘనతతో క్రికెట్ చరిత్రలో తన పేరును సువర్ణాక్షరాలతో లిఖించుకున్నాడు. వన్డే క్రికెట్‌లో తన అద్భుతమైన బ్యాటింగ్‌తో ఎన్నో రికార్డులను తిరగరాసిన కింగ్ కోహ్లీ.. తాజాగా మరో ప్రపంచ రికార్డును తన ఖాతాలో వేసుకున్నాడు. న్యూజిలాండ్‌తో ఆక్లాండ్‌లోని ఈడెన్ పార్క్ వేదికగా జరుగుతున్న తొలి వన్డేలో ఈ అరుదైన మైలురాయిని అందుకున్నాడు.
- నంబర్-3లో 13 వేల వన్డే పరుగులు చేసిన తొలి బ్యాటర్‌గా కోహ్లీ రికార్డు.
- 12,662 పరుగులతో రికీ పాంటింగ్‌ను వెనక్కి నెట్టిన కింగ్ కోహ్లీ.
Virat Kohli World Record: టీమిండియా స్టార్ బ్యాటర్ విరాట్ కోహ్లీ మరో అరుదైన ఘనతతో క్రికెట్ చరిత్రలో తన పేరును సువర్ణాక్షరాలతో లిఖించుకున్నాడు. వన్డే క్రికెట్‌లో తన అద్భుతమైన బ్యాటింగ్‌తో ఎన్నో రికార్డులను తిరగరాసిన కింగ్ కోహ్లీ.. తాజాగా మరో ప్రపంచ రికార్డును తన ఖాతాలో వేసుకున్నాడు. న్యూజిలాండ్‌తో ఆక్లాండ్‌లోని ఈడెన్ పార్క్ వేదికగా జరుగుతున్న తొలి వన్డేలో ఈ అరుదైన మైలురాయిని అందుకున్నాడు.
నంబర్-3 స్థానంలో 13 వేల పరుగులు
వన్డే క్రికెట్‌లో మూడో స్థానంలో బ్యాటింగ్‌కు దిగి 13 వేల పరుగులు పూర్తి చేసిన తొలి బ్యాటర్‌గా విరాట్ కోహ్లీ చరిత్ర సృష్టించాడు. ఈ మ్యాచ్‌కు ముందు ఈ ఘనత సాధించేందుకు అతడికి మరో 12 పరుగులు అవసరమయ్యాయి. భారత ఇన్నింగ్స్‌లో తాను ఎదుర్కొన్న 13వ బంతికి ఈ మైలురాయిని చేరుకున్నాడు. దీంతో అంతర్జాతీయ క్రికెట్‌లో మరోసారి తన ఆధిపత్యాన్ని నిరూపించాడు.
రికీ పాంటింగ్‌ను వెనక్కి నెట్టిన కోహ్లీ
వన్డేల్లో మూడో స్థానంలో అత్యధిక పరుగులు సాధించిన బ్యాటర్ల జాబితాలో కోహ్లీ ఇప్పటికే అగ్రస్థానంలో కొనసాగుతున్నాడు. తాజాగా 13 వేల పరుగుల మార్కును దాటడంతో ఈ స్థానంలో అతడి ఆధిపత్యం మరింత బలపడింది. ఆస్ట్రేలియా మాజీ కెప్టెన్ రికీ పాంటింగ్ 12,662 పరుగులతో రెండో స్థానంలో ఉన్నాడు. ఈ ఇద్దరు మినహా మూడో స్థానంలో 10 వేల పరుగుల మార్కును అందుకున్న బ్యాటర్లు మరెవరూ లేరు.
సెంచరీలు, హాఫ్ సెంచరీలతో తిరుగులేని ప్రదర్శన
నంబర్-3 స్థానంలో కోహ్లీ గణాంకాలు అతడి అసాధారణ ప్రతిభకు అద్దం పడుతున్నాయి. ఈ స్థానంలో 61.55 సగటుతో, 95.4 స్ట్రైక్ రేట్‌తో పరుగులు సాధించాడు. ఇప్పటివరకు 48 సెంచరీలు, 69 అర్ధసెంచరీలు నమోదు చేశాడు. జట్టు క్లిష్ట పరిస్థితుల్లో ఉన్నప్పుడు బాధ్యతాయుతంగా ఆడటంతో పాటు, అవసరమైన సమయంలో దూకుడుగా పరుగులు సాధించడం కోహ్లీ ప్రత్యేకతగా నిలిచింది.
సచిన్ టెండూల్కర్ రికార్డుపై కోహ్లీ గురి
వన్డే క్రికెట్‌లో ఒక నిర్దిష్ట బ్యాటింగ్ స్థానంలో అత్యధిక పరుగులు చేసిన రికార్డు దిగ్గజ క్రికెటర్ సచిన్ టెండూల్కర్ పేరిట ఉంది. ఓపెనర్‌గా బరిలోకి దిగి సచిన్ ఏకంగా 15,310 పరుగులు సాధించాడు. తాజాగా మూడో స్థానంలో 13 వేల పరుగులు పూర్తి చేసుకున్న కోహ్లీ.. ఇప్పుడు సచిన్ ఆల్‌టైమ్ రికార్డుకు చేరువయ్యే దిశగా సాగుతున్నాడు. దీంతో రాబోయే మ్యాచ్‌ల్లో కింగ్ కోహ్లీ మరిన్ని రికార్డులు సృష్టిస్తాడా అన్న ఆసక్తి అభిమానుల్లో నెలకొంది.
