Thalliki Vandanam: ‘తల్లికి వందనం’ కొత్త రూల్స్ ఇవే! ఆ 6 కండిషన్స్ ఉంటేనే - ఈ నెల 22నే.. ఎవరెవరు అర్హులో తెలుసుకోండి!

• పాఠశాల నిర్వహణ కోసం రూ.2,000 మినహాయింపు, తల్లి ఖాతాలో రూ.13,000 జమ..
  
  
• Politics: తల్లికి వందనం’ పథకానికి రూ.10,120.78 కోట్లు మంజూరు..

Thalliki Vandanam: ఆంధ్రప్రదేశ్ ప్రభుత్వం పాఠశాల విద్యారంగంలో విప్లవాత్మక మార్పులు తీసుకువచ్చేందుకు అత్యంత ప్రతిష్ఠాత్మకంగా చేపట్టిన 'తల్లికి వందనం' (Talliki Vandanam) పథకం అమలుకు ముహూర్తం ఖరారైంది. 2026-27 విద్యా సంవత్సరానికి సంబంధించి ఈ పథకం అమలు మరియు సమగ్ర మార్గదర్శకాలను జారీ చేస్తూ పాఠశాల విద్యాశాఖ కార్యదర్శి కోన శశిధర్ గురువారం అధికారిక జీవోలను (GO No.15, GO No.16) విడుదల చేశారు.

ఈ విద్యా సంవత్సరానికి ప్రభుత్వం ఏకంగా రూ.10,120.78 కోట్ల భారీ బడ్జెట్ కేటాయించింది. ఈ సంచలన నిర్ణయంతో రాష్ట్రవ్యాప్తంగా దాదాపు 42,70,802 మంది తల్లులకు, వారి సంరక్షణలో చదువుకుంటున్న 67,47,190 మంది విద్యార్థులకు నేరుగా లబ్ధి చేకూరనుంది. జులై 22వ తేదీన అర్హులైన లబ్ధిదారుల బ్యాంక్ ఖాతాల్లోకి నేరుగా ప్రభుత్వం నిధులను జమ చేయనుంది.

పథకం ప్రధాన లక్ష్యం & నిధుల పంపిణీ విధానం..
బడి ఈడు పిల్లలందరూ పాఠశాల గడప తొక్కాలని, ఆర్థిక ఇబ్బందుల వల్ల ఏ ఒక్కరూ చదువుకు దూరం కాకూడదనే ఉద్దేశంతో (డ్రాపౌట్లను అరికట్టడం) ప్రభుత్వం ఈ పథకాన్ని కట్టుదిట్టంగా అమలు చేస్తోంది. 1వ తరగతి నుంచి ఇంటర్మీడియట్ వరకు ప్రభుత్వ, ప్రైవేట్ ఎయిడెడ్, అన్-ఎయిడెడ్ బడులు లేదా జూనియర్ కళాశాలల్లో చదివే పిల్లల తల్లులందరికీ ఈ పథకం వర్తిస్తుంది.

నిధుల చెల్లింపు ప్రక్రియ:

• ఈ పథకం కింద అర్హత సాధించిన ప్రతి బిడ్డకు ఏటా రూ. 15,000 చొప్పున ఆర్థిక సాయం అందుతుంది.

• ఈ రూ.15,000 మొత్తం నుండి రూ. 2,000 లను ఆయా పాఠశాలలు/కళాశాలల పారిశుధ్యం, మౌలిక వసతులు, అభివృద్ధి పనుల నిర్వహణ కోసం ప్రభుత్వం మినహాయిస్తుంది.

• మిగిలిన రూ. 13,000 నికర మొత్తాన్ని నేరుగా లబ్ధిదారులైన తల్లుల ఆధార్ అనుసంధానిత (Aadhaar Seeded) బ్యాంకు ఖాతాల్లోకి జమ చేస్తారు.

'తల్లికి వందనం' పథకం అర్హతలు (Eligibility Criteria)..
అర్హులైన నిరుపేదలకు మాత్రమే ఈ పథకం అందేలా స్వర్ణ గ్రామ, స్వర్ణ వార్డు (SGSW) శాఖ ఆరు దశల ధ్రువీకరణ (Six-step Validation) ఆధారంగా లబ్ధిదారులను ఎంపిక చేయనుంది. ఇందుకు నిర్దేశించిన నిబంధనలు ఇవే:

ప్రత్యేక మినహాయింపులు & షెడ్యూల్

• అనాథ పిల్లలు: స్వచ్ఛంద సంస్థల ఆశ్రయంలో చదువుకునే అనాథలు, వీధి బాలలకు కూడా ఈ పథకం వర్తిస్తుంది. వీరి తరఫున జిల్లా కలెక్టర్లు గార్డియన్ అకౌంట్స్ తెరిపించి నిధులు అందేలా చూస్తారు.

• ఆర్టీఈ (RTE) విద్యార్థులు: విద్యా హక్కు చట్టం కింద ప్రైవేట్ స్కూళ్లలో ఉచిత ప్రవేశం పొందిన వారికి ప్రభుత్వం నిర్దేశించిన ఫీజు పోగా మిగిలిన మొత్తాన్ని తల్లి అకౌంట్లో వేస్తారు.

• కేంద్ర స్కాలర్షిప్లు: ఎస్సీ, ఎస్టీ, బీసీ, మైనారిటీ విద్యార్థులు కేంద్ర ప్రభుత్వ స్కాలర్షిప్ పొందుతుంటే.. ఆ మొత్తాన్ని మినహాయించి, బ్యాలెన్స్ సొమ్మును తల్లికి వందనం కింద చెల్లిస్తారు.

• హెచ్చరిక: ఈ పథకం కింద తప్పుడు సమాచారం లేదా నకిలీ పత్రాలు సమర్పించి లబ్ధి పొందినట్లు తేలితే, సదరు సొమ్మును తిరిగి రికవరీ చేయడంతో పాటు కఠినమైన క్రిమినల్ చర్యలు తీసుకుంటామని ప్రభుత్వం స్పష్టం చేసింది.

గ్రీవెన్స్ రెడ్రెస్సల్: జులై 22న గ్రామ, వార్డు సచివాలయాల్లో అర్హులు, అనర్హుల ప్రాథమిక జాబితాలను ప్రదర్శిస్తారు. ఏవైనా అభ్యంతరాలు లేదా అనర్హతపై ఫిర్యాదులు ఉంటే సచివాలయాల ద్వారా నివృత్తి చేసుకోవచ్చు.