వాట్సాప్ తన వినియోగదారులకు అదిరిపోయే కొత్త ఫీచర్‌ని పరిచయం చేసింది. ఇప్పుడు యూజర్లు ఒకే స్టేటస్‌లో గరిష్ఠంగా ఆరు ఫొటోలను కలిపి ఫొటో కొలేజ్‌గా సృష్టించుకోవచ్చు. ముందుగా ఈ కొలేజులు తయారుచేసుకోవడానికి థర్డ్ పార్టీ యాప్స్ ఉపయోగించాల్సి ఉండేది, కానీ ఇప్పుడు వాట్సాప్‌లోనే 'లేఅవుట్' అనే కొత్త ఆప్షన్ ద్వారా ఈ సౌలభ్యం అందుబాటులోకి వచ్చింది. ఫోటోలు ఎంచుకుని వివిధ లేఅవుట్లలో ఒకే ఫ్రేమ్‌లో పెట్టుకోవడం చాలా సులభమైంది.
ఈ ఫీచర్ ప్రస్తుతం కొద్దిరోజులుగా కొన్ని వినియోగదారులకు అందుబాటులో ఉన్నప్పటికీ, త్వరలో ప్రపంచ వ్యాప్తంగా అన్ని యూజర్లకూ దశలవారీగా అందుబాటులోకి వస్తుందని సంస్థ వెల్లడించింది. కొత్త అప్‌డేట్ ద్వారా వాట్సాప్ స్టేటస్ అనుభవం మరింత క్రియేటివ్, ఆసక్తికరంగా మారనుంది. వినియోగదారులు స్టేటస్ అప్‌డేట్ సమయంలో 'లేఅవుట్' ఆప్షన్ క్లిక్ చేసి, తమ గ్యాలరీ నుండి ఫోటోలను ఎంచుకొని కొలేజ్ సృష్టించుకోవచ్చు.
ఇప్పటికే వాట్సాప్ స్టేటస్‌లో మ్యూజిక్ జోడించే ఫీచర్ అందించిన సంగతి తెలిసిందే. దీనితో పాటు భవిష్యత్తులో మ్యూజిక్ స్టిక్కర్లు, ఫొటో స్టిక్కర్లు వంటి మరిన్ని కొత్త ఫీచర్లను కూడా వాట్సాప్ తీసుకురావడానికి ప్లాన్ చేస్తోంది. ఈ మార్పుల ద్వారా వాట్సాప్ స్టేటస్ విభాగం మరింత యూజర్ ఫ్రెండ్లీగా, ఆకర్షణీయంగా మారుతుందని భావిస్తున్నారు.
