Boarding Pass: బోర్డింగ్ పాస్‌పై “RR” అంటే ఏమిటి? ప్రయాణికుల్లో సందేహాలకు సమాధానం!
Boarding Pass: విమాన ప్రయాణం చేసే సమయంలో బోర్డింగ్ పాస్‌పై కనిపించే కొన్ని అక్షరాలు చాలా మందికి అర్థం కాక సందేహాలు కలిగిస్తుంటాయి. ముఖ్యంగా “RR” అనే గుర్తు కనిపిస్తే కొందరు ఆందోళనకు గురవుతారు. దాని వెనుక ఉన్న అసలు కారణం ఇదే..
బోర్డింగ్ పాస్‌పై కనిపించే కొన్ని అక్షరాలపై ప్రయాణికులకు సందేహాలు..
“RR” అంటే అర్ధం ఏమిటి..
విమాన ప్రయాణం చేసే సమయంలో బోర్డింగ్ పాస్‌పై కనిపించే కొన్ని అక్షరాలు చాలా మందికి అర్థం కాక సందేహాలు కలిగిస్తుంటాయి. ముఖ్యంగా “RR” అనే గుర్తు కనిపిస్తే కొందరు ఆందోళనకు గురవుతారు. అయితే, ఈ గుర్తు వెనుక ఉన్న అర్థం ఏమిటి? నిజంగా ఇది భయపడాల్సిన విషయమేనా? అనే ప్రశ్నలకు ఇప్పుడు సమాధానం తెలుసుకుందాం.
సాధారణంగా “RR” అంటే రాండమ్ రివ్యూ (Random Review) లేదా రాండమ్ రిఫరల్ (Random Referral) అని అర్థం. అంటే ఆ ప్రయాణికుడు అదనపు భద్రతా తనిఖీ కోసం ఎంపికయ్యాడని అర్ధం. ఇది పూర్తిగా ర్యాండమ్‌గా లేదా ప్రయాణ పద్ధతి, టికెట్ బుకింగ్ విధానం, ఎయిర్‌లైన్ భద్రతా నియమాలు వంటి కారణాల వల్ల జరిగే సాధారణ ప్రక్రియ మాత్రమే. ఇది ఎలాంటి పెద్ద సమస్యకు సంకేతం కాదని నిపుణులు చెబుతున్నారు.
అయితే, ప్రతి ఎయిర్‌లైన్, ఎయిర్‌పోర్ట్ తమ అంతర్గత కోడ్స్‌ను వేరువేరుగా ఉపయోగిస్తాయి. కొన్ని సందర్భాల్లో “RR” అనేది భద్రతతో సంబంధం లేకుండా రిజర్వేషన్ లేదా ఆపరేషనల్ నోట్‌గా కూడా ఉండొచ్చు. కాబట్టి దీని అర్థం ఎయిర్‌లైన్‌ను బట్టి మారే అవకాశం ఉంది.
“RR” కనిపించినంత మాత్రాన ప్రయాణికులు భయపడాల్సిన అవసరం లేదు. చాలా మంది ప్రయాణికులు అదనపు తనిఖీలు పూర్తి చేసి ఎలాంటి ఇబ్బందులు లేకుండా ప్రయాణం కొనసాగిస్తున్నారు. ఎయిర్‌పోర్ట్ సిబ్బంది ఈ ప్రక్రియలో మార్గనిర్దేశనం చేస్తారు, కాబట్టి ఇది సాధారణమైనదే.
అదనపు తనిఖీ అవకాశం ఉన్నప్పుడు, పాస్‌పోర్ట్, వీసా, ఐడీ వంటి ముఖ్యమైన డాక్యుమెంట్ లను ముందుగానే సిద్ధంగా ఉంచుకోవడం మంచిది. అవసరమైతే వెంటనే చూపించగలిగితే ప్రక్రియ వేగంగా పూర్తవుతుంది. భద్రతా తనిఖీల సమయంలో ప్రశాంతంగా ఉండి సిబ్బంది సూచనలను పాటించడం చాలా ముఖ్యం. వారికి సహకరిస్తే ఈ ప్రక్రియ సులభంగా, త్వరగా ముగుస్తుంది.
ఏదైనా కోడ్ అర్థం కాకపోతే, చెక్-ఇన్ కౌంటర్ లేదా బోర్డింగ్ గేట్ వద్ద ఎయిర్‌లైన్ సిబ్బందిని అడగవచ్చు. బోర్డింగ్ పాస్‌పై “RR” కనిపించడం సాధారణమే. ఇది భద్రతా చర్యల్లో భాగం మాత్రమే, ప్రయాణికుల భద్రత కోసం తీసుకునే జాగ్రత్త అని గుర్తుంచుకోవాలి.
Be the first to react
