దేశం పరువు తీస్తు ప్రధానిపై రాహుల్ చీప్ కామెడీ! కాంగ్రెస్ నేతలకు వణుకు!

• ప్రధానిపై అసభ్యకర జోకులు యాదృచ్ఛికం కాదు.. వెనుక అంతర్జాతీయ కుట్ర కోణం!

• ఇండోర్ వేదికపై పులకిత్ మణితో రాహుల్ గాంధీ.. చవకబారు ప్రదర్శనపై దేశవ్యాప్త ఆగ్రహం!

• ఎన్నికైన ప్రభుత్వాన్ని కూల్చేందుకు హాస్యాన్ని ఆయుధంగా వాడే 'లాఫ్టివిజం' కుట్ర!

మధ్యప్రదేశ్‌లోని ఇండోర్‌లో సెప్టెంబర్ 19న నిర్వహించిన ‘ఛాత్రోంకీ గూంజ్’ విద్యార్థుల కార్యక్రమంలో విపక్ష నేత రాహుల్ గాంధీ సమక్షంలో స్టాండప్ కమెడియన్ పులకిత్ మణి ప్రధాని నరేంద్ర మోదీని ఉద్దేశించి అత్యంత చవకబారు, అసభ్యకరమైన రీతిలో జోకులు వేశారు. ప్రధాని వృద్ధులను ఆప్యాయంగా పలకరించడం, పిల్లలతో ఆడుకోవడం, విదేశీ నేతలతో సంభాషించే విధానాన్ని ఎగతాళి చేస్తూ వేసిన ఈ జోకులు సాధారణ ప్రజల్లో తీవ్ర ఆగ్రహాన్ని కలిగించాయి. రాజకీయాలకు సంబంధం లేని తటస్థ పౌరులు సైతం ఈ నేలబారు ప్రవర్తనను అసహ్యించుకోవడంతో రాహుల్ గాంధీకి, కాంగ్రెస్ పార్టీకి తీవ్ర నష్టం వాటిల్లింది. దీంతో పార్టీ ఆ వీడియోలను ప్రచారం చేయడం ఆపివేయగా, కమెడియన్ తనపై బెదిరింపులు వస్తున్నాయంటూ కొత్త నాటకానికి తెరతీశారు.

యాదృచ్ఛికం కాదు.. ముందస్తు ప్రణాళికతో కూడిన వ్యూహం

ఈ వ్యవహారం కేవలం వేదికపై హఠాత్తుగా జరిగిన పొరపాటు కాదని, ఒక పక్కా పద్ధతి ప్రకారం అమలు చేసిన వ్యూహమని విశ్లేషకులు స్పష్టం చేస్తున్నారు. ఈ సంఘటనకు రెండు రోజుల ముందు, సరిగ్గా సెప్టెంబర్ 17న ప్రధాని పుట్టినరోజు నాడు రాహుల్ గాంధీ ప్రధాన సమన్వయకర్త యోగేంద్ర యాదవ్ ఒక వివాదాస్పద ట్వీట్ చేశారు. నియంతలకు జోకులు అంటే భయమంటూ పాకిస్తాన్ మాజీ నియంత జియా ఉల్ హక్ ఫోటోను పెట్టి మోదీని పరోక్షంగా టార్గెట్ చేశారు. దేశంలో ఎవరిపైనా ఉక్కుపాదం మోపకుండా ప్రజాస్వామ్యబద్ధంగా సాగుతున్న ప్రధానిని నియంతగా చిత్రీకరించేందుకు ముందస్తుగానే ఈ గ్రౌండ్‌వర్క్ చేశారనే అనుమానాలు బలపడుతున్నాయి.

బోస్టన్ కేంద్రం – జీన్ షార్ప్ 'రెజీమ్ ఛేంజ్' సిద్ధాంతాలు

ఈ కుట్ర మూలాలు అమెరికాలోని బోస్టన్ నగరంలో ఉన్న ఆల్బర్ట్ ఐన్‌స్టీన్ ఇన్‌స్టిట్యూట్‌తో ముడిపడి ఉన్నాయి. సెప్టెంబర్ 14న యోగేంద్ర యాదవ్ బోస్టన్‌లో పర్యటించారు. 1983లో జీన్ షార్ప్ స్థాపించిన ఈ సంస్థ, వ్యూహాత్మక అహింసా విధానాల ద్వారా ప్రజాస్వామ్యబద్ధంగా ఎన్నికైన ప్రభుత్వాలను ఎలా పడగొట్టవచ్చో 198 పద్ధతులను రూపొందించింది. ప్రజలను రెచ్చగొట్టడం, ప్రతీకలను (బొద్దింకలు వంటివి) వాడటం, క్యారికేచర్లు, నాయకులపై ఎగతాళి జోకులు వేయడం ద్వారా ప్రజల్లో వారి ప్రతిష్టను దిగజార్చే విధానాన్ని ఒక రాజకీయ ఆయుధంగా ఈ సిద్ధాంతం పేర్కొంటుంది. బోస్టన్ పర్యటన ముగిసిన వెంటనే ఈ పరిణామాలు జరగడం కాకతాళీయం కాదనే విశ్లేషణలు వస్తున్నాయి.

సెర్బియా విప్లవకారుడు సర్జా పాపోవిచ్ – కాన్వాస్ నెట్‌వర్క్

ఈ తరహా హాస్యాన్ని ఆయుధంగా మార్చే వ్యూహాన్ని ‘లాఫ్టివిజం’ (Laughtivism) అంటారు. సెర్బియాలో స్లోబొడాన్ మిలోసెవిచ్ ప్రభుత్వాన్ని కూలదోయడంలో కీలక పాత్ర పోషించిన సర్జా పాపోవిచ్ దీనికి రూపకర్త. ఆ తర్వాత 2003లో ‘కాన్వాస్’ (CANVAS) అనే సంస్థను స్థాపించి ప్రపంచవ్యాప్తంగా వివిధ దేశాల్లో ప్రభుత్వాలను మార్చేందుకు వర్క్‌షాపులు, శిక్షణా తరగతులు నిర్వహిస్తున్నారు. భారత జాతీయ సమగ్రతను దెబ్బతీసేందుకు, విదేశీ శక్తుల కనుసన్నల్లో పనిచేసే ఇలాంటి నెట్‌వర్క్‌ల వ్యూహాలను ఇక్కడి లెఫ్ట్-లిబరల్ శక్తులు అందిపుచ్చుకుంటున్నాయనే ఆరోపణలు ఉన్నాయి.

గోవా సమావేశం – లండన్ స్కూల్ ఆఫ్ ఎకనామిక్స్ పత్రాల బహిర్గతం

2016 జనవరిలో గోవాలో జరిగిన ఒక అంతర్జాతీయ సమావేశంలో సర్జా పాపోవిచ్‌తో యోగేంద్ర యాదవ్ నేరుగా పాల్గొని చర్చలు జరిపారు. లండన్ స్కూల్ ఆఫ్ ఎకనామిక్స్ (LSE) అధికారిక వెబ్‌సైట్‌లో ఈ సంభాషణల ట్రాన్స్‌క్రిప్ట్ ఇప్పటికీ పూర్తిగా అందుబాటులో ఉంది. జోకులు, క్యారికేచర్ల ద్వారా ప్రభుత్వాలను ఎలా బలహీనపరచవచ్చో పాపోవిచ్ వివరించిన తర్వాత, బహుళ భాషలు, విభిన్న సంస్కృతులు ఉన్న భారతదేశంలో ఈ విధానాన్ని ఎలా ప్రయోగించవచ్చని యోగేంద్ర యాదవ్ ప్రశ్నించిన ఆధారాలు బయటపడ్డాయి. భారత్ జోడో యాత్ర సమయంలో లెఫ్ట్-లిబరల్స్, కొన్ని ప్రత్యేక స్వచ్ఛంద సంస్థలను ఏకం చేయడంలో ఈ నెట్‌వర్క్ క్రియాశీలకంగా వ్యవహరించింది.

విఫలమైన వ్యూహం – జాతీయవాదం వైపు యువతరం

భారతదేశంలో ఎన్నికల ద్వారా ప్రజామోదం పొందలేక, జోకులను ఆయుధంగా చేసుకుని పాలనపై అసహ్యాన్ని సృష్టించే ‘లాఫ్టివిజం’ ప్రయోగం ఇండోర్ వేదికగా ఘోరంగా బెడిసికొట్టింది. గతంలో ఆప్, ఇతర ఉద్యమాల ద్వారా రాజకీయ మార్పును తీసుకురావాలని చూసినా విఫలమయ్యాయి. ప్రస్తుతం దేశవ్యాప్తంగా కళాశాలల్లో జరుగుతున్న విద్యార్థి సంఘాల ఎన్నికల్లో ఏబీవీపీ, జాతీయవాద శక్తులే ఘన విజయం సాధిస్తుండటంతో నేటి యువత (Gen-Z) ఎవరి వైపు ఉందో స్పష్టమైంది. భవిష్యత్తులో కూడా ఇలాంటి అప్రజాస్వామిక, విదేశీ వ్యూహాలతో వచ్చే కుట్రలను దేశ ప్రజలు ఎప్పటికప్పుడు తిప్పికొడతారని రాకాలోకం విశ్లేషణ తేటతెల్లం చేసింది.