ప్రభుత్వం అమలు చేస్తున్న ఆయుష్మాన్ భారత్ PMJAY ఆరోగ్య పథకం దేశవ్యాప్తంగా కోట్లాది కుటుంబాలకు గొప్ప వరంగా మారింది. ఈ పథకం ద్వారా ప్రతి అర్హత కుటుంబానికి ఏడాదికి రూ.5 లక్షల వరకు పూర్తిగా ఉచితంగా మెడికల్ చికిత్స లభిస్తుంది. చిన్న ఆపరేషన్ నుండి పెద్ద సర్జరీ వరకు, ప్రమాదాలు, హార్ట్ ఆపరేషన్, కిడ్నీ చికిత్సలు, క్యాన్సర్ వంటి అనేక కీలక వైద్య సేవలు కూడా ఇందులో ఉన్నాయి. ఈ సదుపాయాన్ని పొందడానికి ఆయుష్మాన్ హెల్త్ కార్డు తప్పనిసరి.
ఇప్పుడు కార్డు పొందడం చాలా సులభం అయ్యింది. మొబైల్ నంబర్, ఆధార్ ఉంటే చాలు, ఇంట్లో కూర్చుని ఆన్‌లైన్‌లో beneficiary.nha.gov.in వెబ్‌సైట్ లేదా DigiLocker ద్వారా కార్డును డౌన్లోడ్ చేసుకోవచ్చు. లాగిన్ చేసిన తర్వాత OTP వెరిఫై చేసి, మీ కుటుంబ సభ్యుల పేర్లు చూసి, ఎవరికైతే కార్డు కావాలో ఆ సభ్యుడిని సెలెక్ట్ చేసి Download Card పై క్లిక్ చేస్తే సరిపోతుంది. కార్డు PDF రూపంలో వస్తుంది. దీనిని ప్రింట్ తీసుకుని ఆసుపత్రుల్లో చూపించవచ్చు. ఇది పూర్తిగా ఉచితం, ఏజెంట్లకు డబ్బు ఇవ్వాల్సిన అవసరం లేదు.
ఈ పథకం ద్వారా ప్రస్తుతం దేశంలో లక్షలాది మంది పెద్ద వైద్య ఖర్చుల నుంచి బయటపడ్డారు. అనేక కుటుంబాలు అప్పుల బారం నుండి బయటపడ్డాయి. రేషన్ కార్డు ఉన్న కుటుంబాలు, ఆర్థికంగా బలహీన వర్గాలు, SECC డేటాలో ఉన్నవారు దీనికి అర్హులు. అర్హత ఉన్నవారు ఈ కార్డును తప్పనిసరిగా డౌన్లోడ్ చేసి ఉపయోగించుకోవాలని అధికారులు సూచిస్తున్నారు.
ఆరోగ్యం చాలా ముఖ్యమైనది. అత్యవసర సమయంలో డబ్బుల సమస్య రాకుండా ఆయుష్మాన్ కార్డు ఎప్పుడూ చేతిలో ఉండాలి. మెడికల్ ఖర్చుల భయంతో చికిత్స వాయిదా వేసే పరిస్థితుల్ని ఈ పథకం పూర్తిగా తొలగిస్తోంది. మీ కుటుంబ ఆరోగ్య భద్రత కోసం వెంటనే కార్డు డౌన్లోడ్ చేసుకోండి.
