భారతీయ రిజర్వ్ బ్యాంక్ (RBI)లో ఉద్యోగం అంటే అది కేవలం ఒక కొలువు మాత్రమే కాదు, ఒక గౌరవం. దేశ ఆర్థిక వ్యవస్థకు వెన్నెముకగా నిలిచే ఈ కేంద్ర బ్యాంకులో పని చేయాలని ప్రతి ఒక్కరూ కలలు కంటారు. ఇప్పుడు ఆ కలను నిజం చేసుకునే సమయం వచ్చేసింది. రిజర్వ్ బ్యాంక్ ఆఫ్ ఇండియా సర్వీసెస్ బోర్డ్ (RBISB) తాజాగా 'లేటరల్ రిక్రూట్మెంట్ 2026' నోటిఫికేషన్ను విడుదల చేసింది. ఈ రిక్రూట్మెంట్ ద్వారా టెక్నాలజీ, రిస్క్ మేనేజ్మెంట్ వంటి స్పెషలైజ్డ్ విభాగాల్లో నిపుణులను ఆహ్వానిస్తోంది.
సాధారణంగా ఆర్బీఐ గ్రేడ్-బి ఆఫీసర్ల కోసం పోటీ పరీక్షలు నిర్వహిస్తుంది. కానీ 'లేటరల్ రిక్రూట్మెంట్' అంటే.. ఇప్పటికే సంబంధిత రంగంలో అనుభవం, నైపుణ్యం ఉన్న నిపుణులను నేరుగా ఎంపిక చేసుకోవడం. ప్రస్తుత డిజిటల్ యుగంలో సైబర్ దాడులను అరికట్టడానికి, బ్యాంకింగ్ వ్యవస్థను మరింత బలోపేతం చేయడానికి ఆర్బీఐ ఈ ప్రత్యేక నియామకాలు చేపట్టింది.
విభాగాల వారీగా.. ఖాళీల వివరాలు!
మొత్తం 93 పోస్టులను కాంట్రాక్ట్ ప్రాతిపదికన భర్తీ చేస్తున్నారు. వీటిని ప్రధానంగా మూడు విభాగాల్లో కేటాయించారు:
డిపార్ట్మెంట్ ఆఫ్ ఇన్ఫర్మేషన్ టెక్నాలజీ (DIT)
ఈ విభాగంలో డిజిటల్ ఆపరేషన్స్ మరియు ఐటీ ఇన్ఫ్రాస్ట్రక్చర్కు సంబంధించిన పోస్టులు ఉన్నాయి:
డేటా సైంటిస్ట్, డేటా ఇంజినీర్: ఒక్కో విభాగంలో 2 పోస్టులు.
ఐటీ సెక్యూరిటీ ఎక్స్పర్ట్: 4 పోస్టులు.
సిస్టమ్ & నెట్వర్క్ అడ్మినిస్ట్రేటర్: మొత్తం 8 పోస్టులు.
AI/ML స్పెషలిస్ట్: 3 పోస్టులు.
సైబర్ సెక్యూరిటీ ఎనలిస్ట్: 5 పోస్టులు.
డిపార్ట్మెంట్ ఆఫ్ సూపర్విజన్ (DOS)
బ్యాంకింగ్ వ్యవస్థపై నిఘా ఉంచే ఈ విభాగంలో అత్యధికంగా ఖాళీలు ఉన్నాయి:
ఐటీ- సైబర్ సెక్యూరిటీ ఎనలిస్ట్: 13 పోస్టులు.
రిస్క్ ఎనలిస్ట్ (క్రెడిట్, మార్కెట్, బిజినెస్): సుమారు 15 పోస్టులు.
అకౌంట్స్ స్పెషలిస్ట్: 5 పోస్టులు.
డేటా సైంటిస్ట్ (అడ్వాన్స్డ్ ఎనలిటిక్స్): 4 పోస్టులు.
బ్యాంక్ ఎగ్జామినర్: 2 పోస్టులు.
ప్రెమిసెస్ డిపార్ట్మెంట్
ప్రాజెక్ట్ మేనేజర్: 5 పోస్టులు.
ఆర్బీఐ లేటరల్ రిక్రూట్మెంట్ 2026- ముఖ్యమైన తేదీలు..
ఆన్లైన్ అప్లికేషన్ ప్రారంభ తేదీ- 17 డిసెంబర్
అప్లికేషన్కి చివరి తేదీ- 6 జనవరి
అప్లికేషన్ ఫీజు చెల్లింపునకు చివరి తేదీ- 6 జనవరి సాయంత్రం 6 గంటల వరకు
ఆర్బీఐ లేటరల్ రిక్రూట్మెంట్ 2026- జీతాలు..
పోస్టుల బట్టి నెలకు రూ. 3లక్షల నుంచి రూ. 6లక్షల వరకు జీతాలు ఉంటాయి. ఇతర ఆలొవెన్సులు కూడా ఉంటాయి. పూర్తి వివరాలు నోటిఫికేషన్లో చూడాల్సి ఉంటుంది.
ఆర్బీఐ రిక్రూట్మెంట్ 2026..
ఆర్బీఐ లేటరల్ రిక్రూట్మెంట్కి దరఖాస్తు చేసుకోవాలని చూస్తున్న అభ్యర్థులు భారత పౌరసత్వాన్ని కలిగి ఉండాలి. 1962కి ముందు ఇండియాకు వచ్చిన నేపాల్, భూటాన్, టిబెట్ పౌరులు లేదా ఇతర దేశాల్లోని (లిస్ట్లో ఉన్న) భారత పౌరులు కూడా ఈ ఉద్యోగాలకు దరఖాస్తు చేసుకోవచ్చు. కాగా వీరు ఎలిజిబులిటీని ధ్రువీకరించుకోవాలి.
వయస్సు పరమితి, క్వాలిఫికేషన్, వర్క ఎక్స్పీరియెన్స్, జీతాలు వంటి వివరాలు తెలుసుకునేందుకు ఆర్బీఐ లేటరల్ రిక్రూట్మెంట్ 2026 నోటిఫికేషన్ని చదవాల్సి ఉంటుంది.
ఆర్బీఐ రిక్రూట్మెంట్ 2026 నోటిఫికేషన్ కోసం ఇక్కడ క్లిక్ చేయండి.
ఆర్బీఐ రిక్రూట్మెంట్ 2026 అప్లికేషన్ లింక్ కోసం ఇక్కడ క్లిక్ చేయండి.
దరఖాస్తు చేయడం ఎలా?
ఆసక్తి గల అభ్యర్థులు ఆర్బీఐ అధికారిక వెబ్సైట్ www.rbi.org.in సందర్శించి, 'Opportunities@RBI' సెక్షన్లో దరఖాస్తు చేసుకోవాలి. అప్లికేషన్ నింపేటప్పుడు ఫోటో, సంతకం మరియు అవసరమైన ఎక్స్పీరియన్స్ సర్టిఫికేట్లను సిద్ధంగా ఉంచుకోండి.
టెక్నాలజీ రంగంలో ఉంటూ దేశం కోసం పని చేయాలనుకునే నిపుణులకు ఇది ఒక అద్భుతమైన అవకాశం. ప్రైవేట్ రంగం కంటే మెరుగైన హోదా, సమానమైన జీతం ఇక్కడ లభిస్తాయి. కాబట్టి అర్హత ఉన్నవారు ఏమాత్రం ఆలస్యం చేయకుండా దరఖాస్తు చేసుకోండి.
