Bank Holidays: చివరి నిమిషంలో సమ్మె వాయిదా.. ప్రభుత్వం ముందు మోకాలిల్లినట్టేనా? బ్యాంక్ ఉద్యోగుల్లో మళ్లీ మొదలైన తీవ్ర అసంతృప్తి!

• Employment: ప్రజలను, ఉద్యోగులను కన్ఫ్యూజ్ చేస్తున్న యూనియన్లు.. ఈ వాయిదాతో ఎవరికి లాభం?
  
  
• 5-డే వర్కింగ్ పోస్ట్ పోన్.. బ్యాంక్ సిబ్బంది ఆశలపై ఐబీఏ మళ్లీ నీళ్లు చల్లిందా?

Bank Holidays: దేశవ్యాప్తంగా ఖాతాదారులకు తీవ్ర ఉపశమనం కలిగిస్తూ బ్యాంక్ ఉద్యోగ సంఘాలు కీలక నిర్ణయం తీసుకున్నాయి. సోమవారం, మంగళవారం మరియు బుధవారాల్లో మూడు రోజుల పాటు నిర్వహించాల్సి ఉన్న దేశవ్యాప్త బ్యాంక్ ఉద్యోగుల సమ్మెను తాత్కాలికంగా వాయిదా వేస్తున్నట్లు యునైటెడ్ ఫోరమ్ ఆఫ్ బ్యాంక్ యూనియన్స్ (UFBU) అధికారికంగా ప్రకటించింది. దీంతో రేపటి నుండి బ్యాంకింగ్ సేవలు యథావిధిగా అందుబాటులో ఉండనున్నాయి.

ఐబీఏతో చర్చలు సఫలం: ఉన్నత స్థాయి కమిటీ ఏర్పాటు..
ప్రధానంగా 5 డే బ్యాంకింగ్ (శనివారం సెలవు) డిమాండ్‌తో పాటు పలు సమస్యలపై యునైటెడ్ ఫోరమ్ ఆఫ్ బ్యాంక్ యూనియన్స్ (UFBU) మరియు ఇండియన్ బ్యాంక్స్ అసోసియేషన్ (IBA) మధ్య జరిగిన కీలక చర్చల్లో సానుకూల పురోగతి లభించింది.

ఉన్నత స్థాయి కమిటీ ఏర్పాటు: శనివారం వేతన సహిత సెలవు (5-Day Work Week) విధానం అమలుపై అధ్యయనం చేసేందుకు UFBU మరియు IBA ప్రతినిధులతో కలిసి ఒక ఉన్నత స్థాయి కమిటీని ఏర్పాటు చేయడానికి ఇరు వర్గాలు అంగీకరించాయి.

తదుపరి కార్యాచరణ: ఈ కమిటీ ఇచ్చే నివేదిక, తీసుకునే నిర్ణయాల ఆధారంగా మాత్రమే తమ భవిష్యత్ కార్యాచరణ మరియు సమ్మెపై తుది నిర్ణయం ఉంటుందని బ్యాంక్ ఉద్యోగ సంఘాల నాయకులు స్పష్టం చేశారు.

సాధారణ ప్రజలు, వ్యాపారులకు బిగ్ రిలీఫ్..
 మూడు రోజుల సమ్మె ప్రతిపాదనతో క్లియరింగ్ హౌస్‌లు, నగదు డిపాజిట్లు, చెక్కుల క్లియరెన్స్ మరియు ఏటీఎం నిర్వహణపై తీవ్ర ప్రభావం పడుతుందని వ్యాపార వర్గాలు, సాధారణ ఖాతాదారులు ఆందోళన చెందారు. అయితే సమ్మె నిర్ణయాన్ని తాత్కాలికంగా విరమించుకోవడంతో రేపటి నుండి అన్ని ప్రభుత్వ, ప్రైవేట్ రంగ బ్యాంకులు సాధారణ పనివేళల్లో సేవలందించనున్నాయి.