Srilanka: శ్రీలంక విమానాశ్రయంలో ఇద్దరు భారతీయుల అరెస్ట్.. రూ.79.8 లక్షల విలువైన అక్రమ సిగరెట్ల స్వాధీనం!
Srilanka: శ్రీలంకలోని బండారనాయకే అంతర్జాతీయ విమానాశ్రయంలో ఇద్దరు భారతీయులు అక్రమంగా భారీ మొత్తంలో విదేశీ సిగరెట్లు తరలిస్తుండగా అధికారులు అదుపులోకి తీసుకున్నారు. వారి వద్ద నుంచి చైనాలో తయారైన సుమారు 50 వేలకుపైగా సిగరెట్లు స్వాధీనం చేసుకున్నట్లు శ్రీలంక పోలీసులు వెల్లడించారు.
కొలంబో ఎయిర్పోర్టులో భారీ సిగరెట్ స్మగ్లింగ్ యత్నం భగ్నం..
50 వేలకుపైగా అక్రమ సిగరెట్లతో ఇద్దరు భారతీయులు పట్టుబాటు..
కొలంబో: శ్రీలంకలోని బండారనాయకే అంతర్జాతీయ విమానాశ్రయంలో ఇద్దరు భారతీయులు అక్రమంగా భారీ మొత్తంలో విదేశీ సిగరెట్లు తరలిస్తుండగా అధికారులు అదుపులోకి తీసుకున్నారు. వారి వద్ద నుంచి చైనాలో తయారైన సుమారు 50 వేలకుపైగా సిగరెట్లు స్వాధీనం చేసుకున్నట్లు శ్రీలంక పోలీసులు వెల్లడించారు.
ప్రాథమిక సమాచారం ప్రకారం, ఈ ఘటన శనివారం విమానాశ్రయం రాక టెర్మినల్లో సాధారణ తనిఖీల సందర్భంగా వెలుగులోకి వచ్చింది. 26 ఏళ్ల వయస్సు గల ఇద్దరు భారతీయుల సామానును పరిశీలించిన అధికారులు అందులో భారీ మొత్తంలో సిగరెట్లు గుర్తించారు.
పోలీసుల వివరాల ప్రకారం, స్వాధీనం చేసుకున్న సిగరెట్ల విలువ శ్రీలంక కరెన్సీలో సుమారు 79.8 లక్షల రూపాయలు. మొత్తం 266 కార్టన్లలో 50 వేలకుపైగా సిగరెట్లు ఉన్నట్లు అధికారులు తెలిపారు.
దర్యాప్తులో భాగంగా, నిందితులు ముందుగా కంబోడియాలో ఈ సిగరెట్లను కొనుగోలు చేసి, అక్కడి నుంచి మలేషియాలోని కౌలాలంపూర్ మీదుగా శ్రీలంకకు చేరుకున్నట్లు పోలీసుల ప్రాథమిక విచారణలో తేలింది.
అరెస్టయిన ఇద్దరు భారతీయులు హైదరాబాద్, ముంబై నగరాలకు చెందినవారని శ్రీలంక పోలీసు నార్కోటిక్స్ బ్యూరో వెల్లడించింది. విచారణ అనంతరం వారికి బెయిల్ మంజూరు చేసినట్లు అధికారులు తెలిపారు.
ఈ కేసుకు సంబంధించి ఇద్దరు నిందితులు జూలై 21న సంబంధిత మేజిస్ట్రేట్ కోర్టులో హాజరుకానున్నారు. అక్రమ రవాణా వెనుక మరెవరైనా ఉన్నారా? ఈ సిగరెట్లను శ్రీలంకలో విక్రయించాలనే ఉద్దేశమా లేదా మరో దేశానికి తరలించాలనుకున్నారా అనే కోణాల్లో దర్యాప్తు కొనసాగుతోందని అధికారులు వెల్లడించారు.
Tags
Be the first to react
