టాటా సన్స్‌లో కీలక నిర్ణయం.. చంద్రశేఖరన్‌కు మరో 5 ఏళ్ల పదవీకాలం.

టాటాసన్స్ఎగ్జిక్యూటివ్ఛైర్మన్‌గాచంద్రశేఖరన్‌కుమరోఐదేళ్లు.

ముంబైలోజరిగినబోర్డుసమావేశంలోపునర్నియామకతీర్మానంఆమోదం.

చంద్రశేఖరన్ప్రస్తుతపదవీకాలం2027ఫిబ్రవరితోముగియనుంది.

గతనెలలోమరోసారిఛైర్మన్‌గాకొనసాగబోననిఆయనప్రకటించారు.

తాజాతీర్మానానికి నోయెల్ టాటా వ్యతిరేకంగా ఓటు వేసినట్లు నివేదికలు.

అయినప్పటికీ బోర్డుమెజారిటీతోపునర్నియామకాన్నిఆమోదించినట్లుసమాచారం.

ఆర్‌బీఐతాజానిర్ణయంనేపథ్యంలోటాటాసన్స్భవిష్యత్లిస్టింగ్అంశంకూడాకీలకంగామారింది.

టాటా గ్రూప్‌లో నాయకత్వానికి సంబంధించి కీలక నిర్ణయం వెలువడింది. టాటా సన్స్ ఎగ్జిక్యూటివ్ ఛైర్మన్‌గా ఎన్. చంద్రశేఖరన్‌ను మరో ఐదేళ్ల పాటు కొనసాగించేందుకు కంపెనీ బోర్డు ఆమోదం తెలిపినట్లు Reuters నివేదించింది. ముంబైలో గురువారం జరిగిన బోర్డు సమావేశంలో ఈ నిర్ణయం తీసుకున్నట్లు సమాచారం.

చంద్రశేఖరన్ 2017లో టాటా సన్స్ ఛైర్మన్‌గా బాధ్యతలు చేపట్టారు. 2022లో ఆయనకు రెండో ఐదేళ్ల పదవీకాలం లభించింది. ప్రస్తుత పదవీకాలం 2027 ఫిబ్రవరిలో ముగియాల్సి ఉంది. అయితే ఆగస్టులో తన ప్రస్తుత పదవీకాలం పూర్తైన తర్వాత మరోసారి బాధ్యతలు స్వీకరించేందుకు తాను సిద్ధంగా లేనని చంద్రశేఖరన్ ప్రకటించారు.

ఈ నేపథ్యంలో తాజాగా జరిగిన బోర్డు సమావేశంలో ఆయన పునర్నియామకానికి సంబంధించిన తీర్మానాన్ని పరిశీలించారు. నివేదికల ప్రకారం, టాటా ట్రస్ట్స్ ఛైర్మన్ నోయెల్ టాటా ఈ ప్రతిపాదనకు వ్యతిరేకంగా ఓటు వేశారు. అయినప్పటికీ బోర్డు మెజారిటీ మద్దతుతో చంద్రశేఖరన్‌కు మరో ఐదేళ్ల పదవీకాలం ఆమోదమైనట్లు సమాచారం.

ఇదే సమయంలో టాటా సన్స్ లిస్టింగ్ అంశం కూడా ప్రాధాన్యత సంతరించుకుంది. సెప్టెంబర్ 11న టాటా సన్స్‌ను NBFCగా నమోదు నుంచి తొలగించాలన్న కంపెనీ అభ్యర్థనను రిజర్వ్ బ్యాంక్ ఆఫ్ ఇండియా తిరస్కరించింది. దీంతో సంస్థ లిస్టింగ్‌కు సంబంధించిన నియంత్రణపరమైన అంశాలు మళ్లీ తెరపైకి వచ్చాయి.

చంద్రశేఖరన్ కొనసాగింపుపై తీసుకున్న తాజా నిర్ణయం టాటా గ్రూప్‌లో నాయకత్వ స్థిరత్వం, పాలన, లిస్టింగ్ వంటి అంశాల నేపథ్యంలో చర్చనీయాంశంగా మారింది.