టీడీపీ ZP చైర్మన్, వైస్ చైర్మన్ అభ్యర్థులు ఖరారు... ఫుల్ లిస్ట్ ఇదిగో!

AP Zilla Parishad Elections 2026: ఆంధ్రప్రదేశ్ జిల్లా పరిషత్ ఎన్నికలు 2026 నేపథ్యంలో రాష్ట్రంలోని 27 జిల్లాల ZP చైర్మన్ మరియు వైస్ చైర్మన్ అభ్యర్థుల తుది జాబితాను టీడీపీ అధినేత నారా చంద్రబాబు నాయుడు అధికారికంగా విడుదల చేశారు. కూటమి పొత్తులో భాగంగా జనసేనకు 4 చైర్మన్ (శ్రీకాకుళం, పార్వతీపురం మన్యం, అనకాపల్లి, కాకినాడ), 5 వైస్ చైర్మన్ స్థానాలు; బీజేపీకి కృష్ణా చైర్మన్ సహా ఎన్టీఆర్, తిరుపతి వైస్ చైర్మన్ స్థానాలు కేటాయించగా, మిగిలిన స్థానాలకు టీడీపీ అభ్యర్థులను ఖరారు చేశారు.

టీడీపీ చైర్మన్, వైస్ చైర్మన్ అభ్యర్థులు ఖరారు
టీడీపీ చైర్మన్, వైస్ చైర్మన్ అభ్యర్థులు ఖరారు
  • పొత్తులో భాగంగా జనసేనకు 4 ZP చైర్మన్, 5 వైస్ చైర్మన్ స్థానాలు – బీజేపీకి కృష్ణా ZP చైర్మన్ సహా 2 వైస్ చైర్మన్ స్థానాలు కేటాయింపు!
  •   శ్రీకాకుళం, పార్వతీపురం మన్యం, అనకాపల్లి, కాకినాడ జిల్లా పరిషత్ చైర్మన్ స్థానాలను జనసేనకు కేటాయించిన కూటమి!
  •   విజయనగరం ZP చైర్మన్‌గా మజ్జి సిరి సహస్ర, విశాఖ చైర్మన్‌గా గాడు అలివేణి, పోలవరం చైర్మన్‌గా వంతల రాజేశ్వరి ఖరారు!

Politics: ఆంధ్రప్రదేశ్ జిల్లా పరిషత్ ఎన్నికలు 2026 కు సంబంధించి తెలుగుదేశం పార్టీ జాతీయ కార్యాలయం (ఎన్.టి.ఆర్. భవన్, ఆత్మకూరు గ్రామం, మంగళగిరి మండలం, గుంటూరు) నుండి అధికారిక ప్రకటన వెలువడింది. పార్టీ జాతీయ అధ్యక్షులు నారా చంద్రబాబు నాయుడు సంతకంతో విడుదలైన ఈ ప్రకటనలో, రాష్ట్రంలోని మొత్తం 27 జిల్లాల జిల్లా పరిషత్ చైర్మన్ మరియు వైస్ చైర్మన్ స్థానాలకు ఖరారైన కూటమి అభ్యర్థుల వివరాలను వెల్లడించారు.

జనసేన, బీజేపీలకు కేటాయించిన జిల్లా పరిషత్ స్థానాలు

తెలుగుదేశం పార్టీ విడుదల చేసిన ఈ జాబితా ప్రకారం, కూటమి భాగస్వామ్య పక్షాలైన జనసేన మరియు బీజేపీలకు పలు స్థానాలను కేటాయించారు. ఇందులో జనసేన పార్టీకి శ్రీకాకుళం, పార్వతీపురం మన్యం, అనకాపల్లి, కాకినాడ జిల్లాల చైర్మన్ స్థానాలతో పాటు తూర్పు గోదావరి, డా. బి.ఆర్. అంబేద్కర్ కోనసీమ, బాపట్ల, ప్రకాశం, శ్రీ సత్యసాయి జిల్లాల వైస్ చైర్మన్ స్థానాలను కేటాయించారు. అలాగే బీజేపీకి కృష్ణా జిల్లా పరిషత్ చైర్మన్ స్థానాన్ని, ఎన్టీఆర్ మరియు తిరుపతి జిల్లాల వైస్ చైర్మన్ స్థానాలను కేటాయించినట్లు జాబితాలో పేర్కొన్నారు.

ఉత్తరాంధ్ర జిల్లాల అభ్యర్థుల వివరాలు

ఉత్తరాంధ్ర జిల్లాల విషయానికి వస్తే—శ్రీకాకుళం జిల్లా చైర్మన్ స్థానాన్ని జనసేనకు కేటాయించగా వైస్ చైర్మన్‌గా గుంటు విజయ్ కుమార్ను, విజయనగరం చైర్మన్‌గా మజ్జి సిరి సహస్రను, వైస్ చైర్మన్‌గా పసల నీరజను ఖరారు చేశారు. పార్వతీపురం మన్యం చైర్మన్ స్థానాన్ని జనసేనకు ఇచ్చి వైస్ చైర్మన్‌గా వైరిచర్ల వీరేష్ చంద్ర దేవ్ను, విశాఖపట్నం చైర్మన్‌గా గాడు అలివేణిని, వైస్ చైర్మన్‌గా సుకవాసి అజయ్ ఎ.ఎన్.ను, అనకాపల్లి చైర్మన్ స్థానాన్ని జనసేనకు కేటాయించి వైస్ చైర్మన్‌గా పెంటకోట స్వాతిని ప్రకటించారు.

గోదావరి జిల్లాల చైర్మన్ & వైస్ చైర్మన్ అభ్యర్థులు

గోదావరి జిల్లాల పరిధిలో పోలవరం జిల్లా చైర్మన్ అభ్యర్థిగా వంతల రాజేశ్వరి, వైస్ చైర్మన్‌గా తీగల ప్రభ ఎంపికయ్యారు. కాకినాడ చైర్మన్ స్థానాన్ని జనసేనకు కేటాయించి వైస్ చైర్మన్‌గా పిల్లి అనంతలక్ష్మిని, తూర్పు గోదావరి చైర్మన్‌గా కాడ పద్మను (వైస్ చైర్మన్: జనసేన), డా. బి.ఆర్. అంబేద్కర్ కోనసీమ చైర్మన్‌గా గొల్లపల్లి అమూల్యను (వైస్ చైర్మన్: జనసేన), పశ్చిమ గోదావరి చైర్మన్‌గా ఇందుకూరి రామకృష్ణంరాజును (వైస్ చైర్మన్: సిరగాని నాగేశ్వరరావు), మరియు ఏలూరు చైర్మన్‌గా చింతమనేని సాయి నవ్యశ్రీని (వైస్ చైర్మన్:బొర్రా చలమయ్య) ఖరారు చేశారు.

మధ్య కోస్తా & దక్షిణ కోస్తా జిల్లాల అభ్యర్థులు

కోస్తాంధ్ర ప్రాంతంలో కృష్ణా చైర్మన్ స్థానాన్ని బీజేపీకి కేటాయించి వైస్ చైర్మన్‌గా దండమూరి పూజితను, ఎన్టీఆర్ చైర్మన్‌గా కోట పుల్లమ్మను (వైస్ చైర్మన్: బీజేపీ), గుంటూరు చైర్మన్‌గా ధార అరుణను (వైస్ చైర్మన్:తల్లా అశోక్ కుమార్), పల్నాడు చైర్మన్‌గా పుచ్చకాయల రమాదేవిని (వైస్ చైర్మన్: నల్లపాటి కీర్తన) ప్రకటించారు. అలాగే బాపట్ల చైర్మన్‌గా పుషడపు రోహిణిని (వైస్ చైర్మన్: జనసేన), ప్రకాశం చైర్మన్‌గా కొక్కిలిగడ్డ ప్రభాకరరావును (వైస్ చైర్మన్: జనసేన), మార్కాపురం చైర్మన్‌గా కందుల రామిరెడ్డిని (వైస్ చైర్మన్: జి.వి. శ్రీనివాస వర్మ), మరియు శ్రీ పొట్టి శ్రీరాములు నెల్లూరు చైర్మన్‌గా పోలంరెడ్డి శ్రీనివాసులు రెడ్డిని (వైస్ చైర్మన్: పొట్టేల్ల ప్రసాద్) ఎంపిక చేశారు.

రాయలసీమ జిల్లాల తుది జాబితా వివరాలు

రాయలసీమ జిల్లాలలో కర్నూలు చైర్మన్‌గా చూడీ ఉలిగయ్య (వైస్ చైర్మన్: షేక్ షాదిక), నంద్యాల చైర్మన్‌గా షేక్ బ్రుహానుద్దీన్ (వైస్ చైర్మన్: కె. శ్రీకాంత్ రెడ్డి), అనంతపురం చైర్మన్‌గా గంజే నాగరాజు (వైస్ చైర్మన్: వెన్నపూస లలిత), శ్రీ సత్యసాయి చైర్మన్‌గా పరిటాల శ్రీరామ్ (వైస్ చైర్మన్: జనసేన) ఖరారయ్యారు. వీరితో పాటు వైఎస్ఆర్ కడప చైర్మన్‌గా పుత్తా నరసింహారెడ్డి (వైస్ చైర్మన్: హబీబున్నీసా చాంద్ బాయి గారి), అన్నమయ్యచైర్మన్‌గా సుగవాసి ప్రసాద్ బాబు (వైస్ చైర్మన్: తలారి శరణ్య), తిరుపతి చైర్మన్‌గా హేమలత (వైస్ చైర్మన్: బీజేపీ), మరియు చిత్తూరు చైర్మన్‌గా మాదలం శైలజ (వైస్ చైర్మన్: ఎస్. మంజుప్రియ వెంకటేష్) పేర్లను తెలుగుదేశం పార్టీ అధికారికంగా ప్రకటించింది.

Tags

Be the first to react

Latest