భారతదేశంలో పర్యాటకులకు చూపు హరిస్తున్న ఎన్నో అద్భుతమైన లోయలు ఉన్నాయి. వాటిలో మొదటిగా చెప్పుకోవాల్సింది కాశ్మీర్ లోయ. హిమాలయాల మధ్యలో ఉన్న ఈ ప్రాంతాన్ని “భూలోక స్వర్గం” అని పిలుస్తారు. మంచుతో కప్పబడిన శిఖరాలు, మెరిసే సరస్సులు, పచ్చని బయళ్లు ఈ ప్రదేశాన్ని మరింత సుందరంగా మార్చాయి. ఇక్కడికి వచ్చిన ప్రతి పర్యాటకుడికి ఇది unforgettable experience అవుతుంది.
ఇంకొక ప్రత్యేకమైన లోయ హిమాచల్ ప్రదేశ్‌లోని స్పితి వ్యాలీ. ఇది కొంచెం మారుమూల ప్రాంతమైనప్పటికీ, అక్కడి ఎత్తైన పర్వతాలు, పురాతన మఠాలు చూసినవారిని మంత్రముగ్దులను చేస్తాయి. చుట్టూ ఉన్న silence and spirituality పర్యాటకులను విశ్రాంతికి నడిపిస్తాయి. ఇది టూర్ ప్లాన్ చేయాలనుకునే వారికి perfect destination.
లడఖ్ ప్రాంతంలో ఉన్న నుబ్రా వ్యాలీ మరో అద్భుతం. ఇక్కడ ఇసుక దిబ్బలు, ప్రసిద్ధ డిస్కిట్ మఠం ఉన్నాయి. ఈ ప్రదేశం ప్రాచీన సంస్కృతి, ప్రకృతి వర్ణనకి ఒక అందమైన ఉదాహరణ. ఇక్కడికి వెళితే కలిగే సంతోషం మాటల్లో చెప్పలేనిది అంటున్నారు పర్యాటకులు.
ఉత్తరాఖండ్‌లోని పూల లోయ కూడా ఒక ప్రత్యేకమైన ప్రదేశం. ఇది UNESCO ప్రపంచ వారసత్వ ప్రదేశంగా గుర్తింపు పొందింది. వర్షాకాలంలో వేలాది రకాల పూలతో ముస్తాబయ్యే ఈ ప్రదేశం పచ్చటి కొండల మధ్య అందంగా వుంటుంది. అరకులోయ (ఆంధ్రప్రదేశ్) కూడా ఈ జాబితాలో ఉంది — అక్కడి కాఫీ తోటలు, పచ్చటి ప్రకృతి వాతావరణం పర్యాటకులను ఆకర్షిస్తాయి. ఇవన్నీ కలిపి చూస్తే, భారత్‌లోని లోయలు నిజంగా నిసర్గ ప్రేమికుల కోసం ఓ visual treat అన్న మాట.
