Traffic Challan Settlement: పెండింగ్ చలాన్లు ఉన్నాయా? అయితే ఈ ఛాన్స్ అస్సలు వదలకండి..!!

Traffic Challan Settlement: మీ బైక్ లేదా కారు మీద ఏవైనా ట్రాఫిక్ చలాన్లు పెండింగ్‌లో ఉన్నాయా? వాటిని కట్టడానికి డబ్బులు సరిపోక ఇబ్బంది పడుతున్నారా? అయితే మీకు ఒక మంచి అవకాశం వచ్చేసింది. దేశవ్యాప్తంగా పెండింగ్‌లో ఉన్న చిన్నపాటి వివాదాలను, ముఖ్యంగా ట్రాఫిక్ చలాన్లను తక్కువ ఖర్చుతో, త్వరగా పరిష్కరించుకోవడానికి 'నేషనల్ లోక్ అదాలత్ 2026' సిద్ధమైంది. ఈ అదాలత్ ద్వారా వేల రూపాయల ఫైన్లను పరస్పర అంగీకారంతో వదిలించుకోవచ్చు.

సాధారణంగా ఏదైనా కేసు కోర్టుకు వెళ్తే అది తేలడానికి నెలలు, ఏళ్లు పడుతుంది. కానీ లోక్ అదాలత్ అలా కాదు. ఇక్కడ న్యాయమూర్తుల సమక్షంలో రెండు పార్టీలు కూర్చుని మాట్లాడుకుని, పెండింగ్‌లో ఉన్న సమస్యను అక్కడికక్కడే పరిష్కరించుకోవచ్చు. చాలా రాష్ట్రాల్లో ఈ ఏడాది (నేడు) మార్చి 14న శనివారం లోక్ అదాలత్ నిర్వహిస్తుండగా, ఢిల్లీలో మాత్రం మార్చి 22న జరగనుంది. తెలుగు రాష్ట్రాల్లోని వాహనదారులు ఈ అవకాశాన్ని సద్వినియోగం చేసుకోవాలని అధికారులు సూచిస్తున్నారు.

ఈ లోక్ అదాలత్‌లో కేవలం ట్రాఫిక్ చలాన్లు మాత్రమే కాదు.. బ్యాంకు లోన్ రికవరీ కేసులు, కరెంటు బిల్లుల వివాదాలు, చెక్ బౌన్స్ కేసులు  చిన్నపాటి సివిల్ గొడవలను కూడా పరిష్కరిస్తారు. అయితే హత్యలు, తీవ్రమైన నేరాలు  విడాకులకు సంబంధించిన కేసులను ఇక్కడ డీల్ చేయరు. వాహనదారుల విషయానికి వస్తే.. హెల్మెట్ లేకపోవడం, రాంగ్ రూట్ డ్రైవింగ్, ఓవర్ స్పీడ్ వంటి కారణాల వల్ల పడిన ఈ-చలాన్లను ఇక్కడ క్లియర్ చేసుకోవచ్చు.

అయితే అన్ని రకాల ట్రాఫిక్ ఉల్లంఘనలకు ఇక్కడ మినహాయింపు ఉండదు. ఉదాహరణకు తాగి వాహనం నడపడం మైనర్లు డ్రైవింగ్ చేయడం, రేసింగ్‌లకు పాల్పడటం వంటి తీవ్రమైన కేసులను లోక్ అదాలత్ అంగీకరించదు. కేవలం పొరపాటున చేసే చిన్న చిన్న తప్పులకు సంబంధించిన పెనాల్టీల మీద మాత్రమే అధికారులు రాయితీ ఇచ్చే అవకాశం ఉంటుంది. దీనివల్ల సామాన్యుల మీద ఆర్థిక భారం తగ్గుతుంది.

మీరు ఈ లోక్ అదాలత్‌కు వెళ్లాలనుకుంటే కొన్ని జాగ్రత్తలు తీసుకోవాలి. ముందుగా మీ వాహనం మీద ఎన్ని చలాన్లు ఉన్నాయో ఆన్‌లైన్‌లో 'పారివాహన్' వెబ్‌సైట్‌లో చెక్ చేసుకోండి. ఒకవేళ మీ చలాన్ కోర్టుకు వెళ్లినట్లు చూపిస్తే, మీరు లోక్ అదాలత్‌కు వెళ్లి దాన్ని సెటిల్ చేసుకోవచ్చు. అక్కడికి వెళ్లేటప్పుడు మీ డ్రైవింగ్ లైసెన్స్, ఆర్సీ బుక్, చలాన్ కాపీ  ఆధార్ కార్డు వంటి పత్రాలను వెంట తీసుకెళ్లడం మర్చిపోకండి. ఈ అవకాశం మళ్లీ మళ్లీ రాదు కాబట్టి వెంటనే చెక్ చేసుకోండి…