Business Opportunities: ఆస్ట్రేలియా తెలుగుదేశం ఆధ్వర్యంలో AP లో పెట్టుబడుల పై అవగాహన సదస్సు!
Business Opportunities Awareness: “ఆంధ్రప్రదేశ్లో వ్యాపార అవకాశాలు” ఇన్ఫర్మేషన్ సెషన్. రాష్ట్రంలో పెట్టుబడులకు ఉన్న అవకాశాలు, పరిశ్రమల అభివృద్ధి, భవిష్యత్ అవకాశాలపై అవగాహన సదస్సు.
“ఆంధ్రప్రదేశ్లో వ్యాపార అవకాశాలు”..
భవిష్యత్ అవకాశాలపై అవగాహన..
తెలుగుదేశం ఆస్ట్రేలియా ఆధ్వర్యంలో మార్చి 29, ఆదివారం 702/7 Maitland place, నోర్వెస్ట్ లో నిర్వహించిన “ఆంధ్రప్రదేశ్లో వ్యాపార అవకాశాలు” అనే ఇన్ఫర్మేషన్ సెషన్ విజయవంతంగా ముగిసింది. ఈ కార్యక్రమంలో పాల్గొన్న వారందరి ఉత్సాహం, ఆసక్తికరమైన ప్రశ్నలు, చర్చలు ఈ సమావేశాన్ని మరింత అర్థవంతంగా మార్చాయి.
ఈ కార్యక్రమానికి ముఖ్య అతిథిగా హాజరైన భాస్కరరావు పోట్లూరి గారు, ఆంధ్రప్రదేశ్లో పెరుగుతున్న వ్యాపార అవకాశాలపై విలువైన సమాచారం అందించారు. రాష్ట్రంలో పెట్టుబడులకు ఉన్న అవకాశాలు, పరిశ్రమల అభివృద్ధి, భవిష్యత్ అవకాశాలపై ఆయన వివరంగా మాట్లాడారు. కార్యక్రమంలో పాల్గొన్న వారితో ఆయన స్నేహపూర్వకంగా మాట్లాడటం ప్రత్యేక ఆకర్షణగా నిలిచింది.
ఈ కార్యక్రమాన్ని తమ కార్యాలయంలో నిర్వహించేందుకు సహకరించిన సత్య (RPD Property), కమల్ (KK Wealth) గార్లకు నిర్వాహకులు ప్రత్యేక కృతజ్ఞతలు తెలిపారు.
సుమారు వందమందికి పైగా ఈ సమావేశానికి హాజరై, ఆంధ్రప్రదేశ్లో ఉన్న వ్యాపార అవకాశాలపై అవగాహన పొందారు. ఈ కార్యక్రమం ద్వారా వారికి భవిష్యత్లో వ్యాపార అవకాశాలను వినియోగించుకునే మార్గాలు స్పష్టంగా తెలిసాయి.
ఇలాంటి అవగాహన కార్యక్రమాలు మరిన్ని నిర్వహించాలని నిర్వాహకులు భావిస్తున్నారు. పాల్గొన్న వారందరూ ఈ సమావేశం చాలా ఉపయోగకరంగా ఉందని అభిప్రాయపడ్డారు.
Be the first to react
