ఆపిల్‌ తాజాగా మ్యాక్‌బుక్ ఎయిర్ M4 ల్యాప్‌టాప్‌ను భారత్ మార్కెట్లో విడుదల చేసింది. ఈ కొత్త ల్యాప్‌టాప్‌ రెండు డిస్‌ప్లే వేరియంట్స్‌లో (13 అంగుళాలు, 15 అంగుళాలు) అందుబాటులోకి వచ్చింది. అల్యూమినియం డిజైన్‌తో స్లిమ్‌గా, ఆకర్షణీయంగా కనిపించే ఈ ల్యాప్‌టాప్‌ ప్రస్తుతం అమెజాన్‌లో డిస్కౌంట్ ధరకు లభిస్తోంది. మొదటగా దీని ధర ₹99,900గా ఉండగా, ఇప్పుడు తగ్గింపు ధరతో కొనుగోలు చేసే అవకాశం ఉంది.
అమెజాన్‌లో లభిస్తున్న ఆఫర్ల ప్రకారం మిడ్‌నైట్ కలర్ వేరియంట్‌పై ₹8,000 డిస్కౌంట్ లభిస్తుంది. అదనంగా SBI క్రెడిట్ కార్డు ఉపయోగించి మరింత ₹5,000 తగ్గింపును పొందవచ్చు. ఈ విధంగా మొత్తం ₹13,000 వరకు డిస్కౌంట్ రావడంతో, మ్యాక్‌బుక్ ఎయిర్ M4ను కేవలం ₹86,900కే సొంతం చేసుకోవచ్చు. అంతేకాకుండా, EMI ఆప్షన్ ద్వారా మరింత సౌకర్యవంతంగా కొనుగోలు చేసే అవకాశం కూడా ఉంది.
ఫీచర్ల విషయానికి వస్తే, మ్యాక్‌బుక్ ఎయిర్ M4 స్లిమ్ అల్యూమినియం డిజైన్‌ను కలిగి ఉంది. 500 నిట్స్ పీక్ బ్రైట్‌నెస్ కలిగిన లిక్విడ్ రెటినా డిస్‌ప్లే, టచ్ ఐడీ ఫింగర్ ప్రింట్ స్కానర్, ఫోర్స్ టచ్ ట్రాక్‌ప్యాడ్, మల్టీ టచ్ జెశ్చర్ సపోర్ట్ వంటి ఫీచర్లను అందిస్తోంది. వీడియో కాల్స్ కోసం 12MP సెంటర్ స్టేజ్ కెమెరా అందుబాటులో ఉంది, ఇది ఫ్రేమ్‌ను ఆటోమేటిక్‌గా సర్దుబాటు చేస్తుంది.
ఈ ల్యాప్‌టాప్‌ M4 చిప్‌సెట్‌తో పనిచేస్తుంది, అలాగే 16 కోర్ న్యూట్రల్ ఇంజిన్ కలిగి ఉండటంతో AI ఆధారిత ఫీచర్లను మరింత వేగంగా ఉపయోగించవచ్చు. Siriలో ChatGPT ఇంటిగ్రేషన్, రైటింగ్ టూల్స్, స్పేషియల్ ఆడియో, 3 మైక్రోఫోన్‌లతో కూడిన క్వాడ్ స్పీకర్ సిస్టమ్ వంటి ప్రత్యేక ఫీచర్లు ఉన్నాయి. అదనంగా, 13 అంగుళాల మోడల్ 53.8Wh బ్యాటరీతో 70W ఫాస్ట్ ఛార్జింగ్ సపోర్ట్ కలిగి ఉంటే, 15 అంగుళాల మోడల్ 66.5Wh బ్యాటరీని కలిగి ఉంది. ఒక్కసారి ఛార్జ్ చేస్తే గరిష్టంగా 18 గంటల వరకు బ్యాటరీ లైఫ్ ఇస్తుంది.
కనెక్టివిటీ పరంగా కూడా ఆపిల్‌ కొత్త మోడల్ ఆకట్టుకుంటుంది. ఇందులో బ్లూటూత్ 5.3, వైఫై 6E, రెండు థండర్ బోల్ట్ పోర్టులు, 4 USB-C ఛార్జింగ్ పోర్టులు, Magsafe 3 ఛార్జింగ్ సపోర్ట్ ఉన్నాయి. అదనంగా 3.5mm ఆడియో జాక్ కూడా అందుబాటులో ఉంది. మొత్తంగా, డిజైన్, పనితీరు, AI ఆధారిత ఫీచర్లు మరియు ఆకర్షణీయమైన డిస్కౌంట్‌తో ఈ మ్యాక్‌బుక్ ఎయిర్ M4 ల్యాప్‌టాప్‌ వినియోగదారులను ఆకట్టుకునే అవకాశం ఉంది.
