Summer special curd rice: పిల్లలు పెరుగన్నం తినడం లేదా? ఈ స్టైల్ దద్దోజనం చేసి పెట్టండి.. మళ్ళీ మళ్ళీ అడిగి మరీ తింటారు!

Summer special curd rice: పండగలు వస్తున్నాయంటే చాలు.. ఇల్లంతా నైవేద్యాల పరిమళాలతో నిండిపోతుంది. ముఖ్యంగా ప్రసాదాల్లో దద్దోజనానికి ఉండే క్రేజే వేరు. అయితే చాలామంది ఇంట్లో చేసే దద్దోజనం కాసేపటికే గట్టిపడిపోవడం లేదా పుల్లగా అయిపోవడం జరుగుతుంటుంది. అలా కాకుండా, గుడిలో పెట్టే ప్రసాదంలా కమ్మగా, వెన్నలా మెత్తగా ఉండాలంటే ఈ చిన్న చిన్న టిప్స్ పాటిస్తే సరిపోతుంది. ఆ తయారీ విధానం ఏంటో ఇప్పుడు చూద్దాం.

కావలసిన పదార్థాలు:

బియ్యం, వెన్న (Butter), పెరుగు, పచ్చిమిర్చి, అల్లం తురుము, ఆవు నెయ్యి లేదా నువ్వుల నూనె, పచ్చి శనగపప్పు, మినప్పప్పు, మిరియాలు, జీడిపప్పు, ఆవాలు, ఎండుమిర్చి, కరివేపాకు, ఇంగువ, కొత్తిమీర  ఉప్పు.

ముందుగా ఒక కప్పు బియ్యాన్ని శుభ్రంగా కడిగి ప్రెజర్ కుక్కర్‌లో వేయాలి. దీనికి మూడు కప్పుల నీళ్లు పోయాలి అన్నం మెత్తగా రావాలి కాబట్టి నీళ్లు ఎక్కువే ఉండాలి ఇందులో ఒక టేబుల్ స్పూన్ వెన్న వేసి, మూత పెట్టి మూడు విజిల్స్ రానివ్వాలి. వెన్న వేయడం వల్ల అన్నం అస్సలు గట్టిపడదు. అన్నం ఉడికాక వేడిగా ఉన్నప్పుడే గరిటతో మెత్తగా మాష్ చేసుకోవాలి. ఈ మిశ్రమం పూర్తిగా చల్లారిన తర్వాతే మూడు కప్పుల కమ్మటి పెరుగు, తగినంత ఉప్పు, సన్నగా తరిగిన పచ్చిమిర్చి, అల్లం తురుము వేసి బాగా కలుపుకోవాలి. వేడి మీద పెరుగు వేస్తే త్వరగా పులిసిపోతుంది.

స్టవ్ మీద పాన్ పెట్టి ఆవు నెయ్యి లేదా మీరు వాడుతున్న నూనె వేయాలి. నెయ్యి కాగాక శనగపప్పు, మినప్పప్పు, మిరియాలు, జీడిపప్పు వేసి దోరగా వేయించాలి. చివరగా ఆవాలు, ఎండుమిర్చి, కరివేపాకు వేసి చిటపటలాడాక.. పావు చెంచా ఇంగువ వేసి స్టవ్ ఆపేయాలి. ముందుగా

తయారు చేసుకున్న ఈ తాలింపును పెరుగన్నంలో వేసి, కొద్దిగా కొత్తిమీర చల్లుకుని కలుపుకుంటే ఎంతో రుచికరమైన టెంపుల్ స్టైల్ దద్దోజనం రెడీ! ఇది సాయంత్రం వరకు కూడా అంతే తాజాగా, మృదువుగా ఉంటుంది. ఈ సమ్మర్ కి మీ పిల్లలకు ఇలా  చేసి పెట్టండి మళ్లీ మళ్లీ ఇదే రెసిపీ అడిగిమరీ చేయించుకుంటారు ఇంకెందుకు ఆలస్యం   ఒకసారి ట్రై చేయండి