Fly91 Flight: హుబ్బళ్ళిలో భారీ వర్షం.. బెంగళూరుకు మళ్లిన ఫ్లై91 విమానం! గాలిలో 20 నిమిషాల పాటు చక్కర్లు..
Fly91 Flight: గోవా నుండి హుబ్బళ్ళికి వెళ్లాల్సిన ఫ్లై91 విమానం ప్రతికూల వాతావరణం కారణంగా హుబ్బళ్ళిలో ల్యాండ్ కాలేకపోయింది. దీంతో అధికారులు విమానాన్ని బెంగళూరుకు మళ్లించారు. వాతావరణం సాధారణ స్థితికి చేరుకున్నాక విమానం తిరిగి బయలుదేరింది, అయితే ఈ ప్రక్రియలో ప్రయాణికులు కొన్ని గంటల…
Travel- గోవా-హుబ్బళ్ళి విమానం రూట్ మార్పు.
బెంగళూరు విమానాశ్రయంలో ఫ్లై91 ల్యాండింగ్.
హుబ్బళ్ళి ప్రయాణికులకు తప్పని తిప్పలు.. మూడు గంటల పాటు బెంగళూరులో నిరీక్షణ…
Fly91 Flight: గోవా నుండి కర్ణాటకలోని హుబ్బళ్ళికి బయలుదేరిన ఫ్లై91 విమానం (విమానం నంబర్ IC5302) ల్యాండింగ్ సమయంలో తీవ్ర అంతరాయం ఏర్పడింది. హుబ్బళ్ళి విమానాశ్రయం పరిసరాల్లో హఠాత్తుగా వాతావరణం మారిపోవడం, భారీ ఈదురు గాలులతో కూడిన వర్షం కురవడంతో విమానం ల్యాండింగ్ కావడానికి వీలు పడలేదు. పైలట్లు సుమారు 20 నిమిషాల పాటు గాలిలోనే విమానాన్ని తిప్పినప్పటికీ, రన్వే సరిగ్గా కనిపించకపోవడంతో భద్రతా కారణాల దృష్ట్యా విమానాన్ని బెంగళూరులోని కెంపెగౌడ అంతర్జాతీయ విమానాశ్రయానికి మళ్లించారు.
బెంగళూరులో ల్యాండ్ అయిన తర్వాత, వాతావరణం సద్దుమణిగిన అనంతరం తిరిగి హుబ్బళ్ళికి విమానాన్ని పంపేందుకు అధికారులు ఏర్పాట్లు చేశారు. అయితే, ఈ అనివార్య మార్పు వల్ల ప్రయాణికులు సుమారు మూడు గంటల పాటు విమానాశ్రయంలోనే వేచి చూడాల్సి వచ్చింది. విమాన సంస్థ ప్రయాణికులకు అవసరమైన కనీస సదుపాయాలు కల్పించినప్పటికీ, గమ్యస్థానానికి చేరుకోవడం ఆలస్యం కావడంతో పలువురు అసహనం వ్యక్తం చేశారు. విమాన ప్రయాణాల్లో భద్రతే ప్రాధాన్యత కాబట్టి ఈ నిర్ణయం తీసుకున్నట్లు విమానయాన సంస్థ ప్రతినిధులు వెల్లడించారు.
Be the first to react
