మరో వారం రోజుల్లో మనం 2026 కొత్త సంవత్సరంలోకి అడుగుపెట్టబోతున్నాం. ఏడాది మొదలవుతూనే పండుగలు, ఉత్సాహంతో పాటు బ్యాంక్ పనులకు సంబంధించిన ప్లానింగ్ కూడా చాలా ముఖ్యం. ఎందుకంటే, జనవరి 2026 నెలలో భారతదేశంలోని వివిధ రాష్ట్రాల్లో బ్యాంకులకు మొత్తం 15 రోజులు సెలవులు రానున్నాయి.
రిజర్వ్ బ్యాంక్ ఆఫ్ ఇండియా (RBI) నిబంధనల ప్రకారం.. జాతీయ సెలవులు, ప్రాంతీయ పండుగలు మరియు వారాంతపు సెలవులు (రెండవ, నాలుగవ శనివారాలు మరియు ఆదివారాలు) కలుపుకుని ఈ జాబితా ఉంటుంది. మరి ఏయే రోజుల్లో బ్యాంకులు పనిచేయవు? మీ ఆర్థిక లావాదేవీలను ఎలా ప్లాన్ చేసుకోవాలి? అనే పూర్తి వివరాలు ఇక్కడ ఉన్నాయి.
జనవరి 2026: బ్యాంక్ సెలవుల పూర్తి క్యాలెండర్
జనవరి నెలలో సంక్రాంతి వంటి పెద్ద పండుగలు ఉండటంతో సెలవుల సంఖ్య ఎక్కువగా ఉంది. అయితే, ఈ సెలవులు అన్ని రాష్ట్రాల్లో ఒకేలా ఉండవు. స్థానిక పండుగలను బట్టి ఆయా రాష్ట్రాల్లో బ్యాంకులు పనిచేయవు.
జనవరి 1: న్యూ ఇయర్ డే / గాన్-న్గై (కొన్ని రాష్ట్రాలు)
జనవరి 2: న్యూ ఇయర్ సెలబ్రేషన్ / మన్నం జయంతి
జనవరి 12: స్వామి వివేకానంద జయంతి
జనవరి 14: మకర సంక్రాంతి / మాఘ బిహు
జనవరి 15: ఉత్తరాయణ పుణ్యకాలం / పొంగల్ / మాఘే సంక్రాంతి
జనవరి 16: తిరువళ్లువర్ డే (ప్రధానంగా తమిళనాడులో)
జనవరి 17: ఉజవర్ తిరునాళ్
జనవరి 23: నేతాజీ సుభాష్ చంద్ర బోస్ జయంతి / సరస్వతీ పూజ / బసంత పంచమి
జనవరి 26: రిపబ్లిక్ డే (జాతీయ హాలిడే – అన్ని రాష్ట్రాలు)
ఇవికాక, వీకెండ్స్ (శని, ఆదివారాలు): జనవరి 4 (సండే)
జనవరి 10 (రెండవ శనివారం)
జనవరి 11 (ఆదివారం)
జనవరి 18 (ఆదివారం)
జనవరి 24 (4వ శనివారం)
జనవరి 25 (ఆదివారం)
కొత్త ఏడాదిని సంతోషంగా ప్రారంభించాలంటే ఆర్థిక పరమైన చిక్కులు లేకుండా చూసుకోవడం ముఖ్యం. జనవరి నెలలో వచ్చే ఈ 15 రోజుల సెలవులను దృష్టిలో ఉంచుకుని మీ బ్యాంక్ పనులను ఇప్పుడే షెడ్యూల్ చేసుకోండి. కచ్చితమైన వివరాల కోసం మీ బ్యాంక్ బ్రాంచ్ నోటీసు బోర్డును లేదా ఆర్బీఐ (RBI) వెబ్సైట్ను ఒకసారి చెక్ చేయండి.
