Mani Chandra: అమెరికాలో ఘోర ప్రమాదం.... స్కైడైవింగ్ సరదా ప్రాణం తీసింది.. విజయవాడ యువకుడు మృతి!
Mani Chandra: మణిచంద్ర తేజ ఈ నెల 12న మసాచుసెట్స్లోని ఆరంజ్ పట్టణంలో ఉన్న 'జంప్టన్ స్కై డైవింగ్' కేంద్రంలో ఈ సాహస క్రీడలో పాల్గొన్నాడు. స్కై డైవింగ్ ముగించుకుని కిందకు దిగుతున్న సమయంలో వాతావరణంలో ఒక్కసారిగా మార్పు వచ్చింది. ఒక్క ఉడుటున బలమైన గాలులు వీయడంతో పారాచూట్ నియంత్రణ కోల్పోయింది. ఈ క్రమంలో మణిచంద్ర తేజ దాదాపు 30 అడుగుల ఎత్తు నుంచి ఒక్కసారిగా కింద పడిపోవడంతో తీవ్ర గాయాలయ్యాయి. అక్కడే ఉన్న సిబ్బంది హుటాహుటిన చికిత్స నిమిత్తం స్థానిక ఆసుపత్రికి తరలించినప్పటికీ, పరిస్థితి విషమించడంతో ఆయన మృతి చెందాడు.
- అమెరికాలో 30 అడుగుల ఎత్తు నుండి పడిపోయిన తెలుగు యువకుడు
- ఇటీవలే ప్రతిష్టాత్మక సంస్థలో ఉద్యోగం..
- వాతావరణ మార్పులతో పారాచూట్ నియంత్రణ కోల్పోయిన వైనం!
Mani Chandra: అమెరికాలో జరిగిన ఒక ఘోర ప్రమాదంలో తెలుగు రాష్ట్రాలకు చెందిన యువకుడు మృతి చెందడం తీవ్ర విషాదాన్ని నింపింది. ఉన్నత చదువులు పూర్తి చేసి, జీవితంలో మంచి స్థాయికి చేరుకోవాలనే ఆశయంతో అమెరికా వెళ్లిన విజయవాడ యువకుడు మణిచంద్ర తేజ గరం (28) స్కైడైవింగ్ చేస్తుండగా జరిగిన ప్రమాదంలో ప్రాణాలు కోల్పోయాడు. వీకెండ్ సరదా కోసం వెళ్లిన ఆ యువకుడిని సాహస క్రీడ రూపంలో మృత్యువు కబళించడంతో తెలుగు రాష్ట్రాల్లోని అతని కుటుంబ సభ్యులతో పాటు అమెరికాలోని ప్రవాస భారతీయులు తీవ్ర దిగ్భ్రాంతికి గురయ్యారు.
మణిచంద్ర తేజ ఈ నెల 12న మసాచుసెట్స్లోని ఆరంజ్ పట్టణంలో ఉన్న 'జంప్టన్ స్కై డైవింగ్' కేంద్రంలో ఈ సాహస క్రీడలో పాల్గొన్నాడు. స్కై డైవింగ్ ముగించుకుని కిందకు దిగుతున్న సమయంలో వాతావరణంలో ఒక్కసారిగా మార్పు వచ్చింది. ఒక్క ఉడుటున బలమైన గాలులు వీయడంతో పారాచూట్ నియంత్రణ కోల్పోయింది. ఈ క్రమంలో మణిచంద్ర తేజ దాదాపు 30 అడుగుల ఎత్తు నుంచి ఒక్కసారిగా కింద పడిపోవడంతో తీవ్ర గాయాలయ్యాయి. అక్కడే ఉన్న సిబ్బంది హుటాహుటిన చికిత్స నిమిత్తం స్థానిక ఆసుపత్రికి తరలించినప్పటికీ, పరిస్థితి విషమించడంతో ఆయన మృతి చెందాడు.
మణిచంద్ర తేజ కుటుంబం ఆంధ్రప్రదేశ్ లోని విజయవాడకు చెందినది కాగా, కుమారుడి ఉన్నత చదువుల నిమిత్తం వారు కొంతకాలం క్రితం హైదరాబాద్కు వలస వెళ్లి అక్కడే నివసిస్తున్నారు. మణిచంద్ర తేజ అమెరికాలోని ప్రముఖ నార్త్ ఈస్టర్న్ యూనివర్సిటీలో మాస్టర్స్ పూర్తి చేశాడు. ఇటీవలే ఒక ప్రతిష్టాత్మక సంస్థలో సాఫ్ట్వేర్ ఉద్యోగంలో కూడా చేరాడు. అంతా సజావుగా సాగుతుందనుకున్న సమయంలో సాహస క్రీడపై ఉన్న ఆసక్తితో స్కై డైవింగ్ చేస్తూ ప్రమాదానికి గురై ప్రాణాలు కోల్పోవడంతో ఆ కుటుంబంలో తీవ్ర విషాదఛాయలు అలముకున్నాయి.
ఈ కష్టసమయంలో అమెరికాలోని ఆంధ్రప్రదేశ్ ప్రభుత్వ అధికారిక విభాగం ఏపీఎన్ఆర్టీ సొసైటీ (APNRT - Andhra Pradesh Non-Resident Telugu Society) మరియు స్థానిక తెలుగు సంఘాలు రంగంలోకి దిగాయి. మణిచంద్ర తేజ అకాల మరణంపై తీవ్ర సంతాపం వ్యక్తం చేసిన ఏపీఎన్ఆర్టీ ప్రతినిధులు, బాధితుడి కుటుంబ సభ్యులను సంప్రదించి అన్ని విధాలా అండగా ఉంటామని భరోసా ఇచ్చారు. అమెరికాలోని స్థానిక యంత్రాంగం మరియు ఆసుపత్రి వర్గాలతో సమన్వయం చేసుకుంటూ కుటుంబానికి అవసరమైన చట్టపరమైన సాయాన్ని అందిస్తున్నారు.
మణిచంద్ర తేజ భౌతికకాయాన్ని వీలైనంత త్వరగా భారతదేశానికి తీసుకురావడానికి (Body repatriation to India) ఏపీఎన్ఆర్టీ బృందం విస్తృతంగా ప్రయత్నిస్తోంది. అమెరికాలోని భారత రాయబార కార్యాలయం (Indian Embassy) అధికారులతో సంప్రదింపులు జరుపుతూ, డెత్ సర్టిఫికేట్, క్లియరెన్స్ పత్రాల ప్రక్రియను వేగవంతం చేశారు. అన్ని ఫార్మాలిటీస్ పూర్తి చేసి, మణిచంద్ర పార్థివ దేహాన్ని హైదరాబాద్లోని అతని తల్లిదండ్రుల వద్దకు చేర్చడానికి ఏపీఎన్ఆర్టీ అన్ని రకాల రవాణా ఏర్పాట్లను పర్యవేక్షిస్తోంది.
Tags
Be the first to react
