Saint Louis: సెయింట్ లూయిస్లో భక్తి పారవశ్యం... ఘనంగా శత చండీ సహిత రుద్ర యాగం!
Saint Louis: ఈ మహా యాగంలో భాగంగా ప్రతిరోజూ విశిష్ట పూజలు, హోమాలు, చండీ పారాయణ, రుద్ర యాగాలను 30 మందికి పైగా రుత్వికులు నిర్విగ్నంగా జరిపిస్తున్నారు. ప్రపంచ శాంతి, కుటుంబ శ్రేయస్సు, ఆయురారోగ్యాల కోసం నిర్వహిస్తున్న ఈ మహా యాగంలో పాల్గొనేందుకు అనేక ప్రాంతాల నుంచి భక్తులు తరలివస్తున్నారని ఆలయ కమిటీ ప్రతినిధులు తెలిపారు. భక్తులు కుటుంబ సమేతంగా హాజరై అమ్మవారితో పాటు పరమేశ్వరుని అనుగ్రహం పొందాలని ఆలయ నిర్వాహకులు కోరారు.
సెయింట్ లూయిస్ హిందూ టెంపుల్లో వైభవం.. రెండో రోజుకు చేరిన మహా యాగం
10,000 మోదకాలతో వినాయకుడికి ప్రత్యేక హోమం.. అమెరికాలో భక్తుల కోలాహలం!
ప్రపంచ శాంతి కోసం రుద్ర హోమం.. సెయింట్ లూయిస్ యాగశాలకు తరలివచ్చిన భక్తులు
Saint Louis: అమెరికాలోని మిస్సోరి రాష్ట్రం, సెయింట్ లూయిస్ (St. Louis, Missouri) హిందూ దేవాలయంలో ఆధ్యాత్మిక వాతావరణం నెలకొంది. లోక క్షేమం, సర్వజన సుఖశాంతి కోసం నిర్వహిస్తున్న ప్రతిష్ఠాత్మక 'శతచండీ సహిత రుద్రయాగం' రెండో రోజు అత్యంత భక్తి శ్రద్ధలతో కొనసాగింది.
శాస్త్రోక్తంగా వైదిక క్రతువులు
ఆలయ యాగశాల భక్తులతో కిక్కిరిసిపోగా, వేద పండితులు వైదిక సంప్రదాయాల ప్రకారం క్రతువులను ఘనంగా నిర్వహించారు.
గోమాత పూజ: ఉదయం పవిత్ర గోమాత పూజతో యాగ కార్యక్రమాలు ప్రారంభమయ్యాయి. అనంతరం రుత్వికులు శాస్త్రోక్తంగా మహన్యాస పారాయణం చేశారు.
మోదక హోమం: ఉదయం నిర్వహించిన మోదక హోమం ఈ రోజు ప్రత్యేక ఆకర్షణగా నిలిచింది. విఘ్నేశ్వరుడికి అత్యంత ప్రీతికరమైన ఈ హోమం కోసం ఆలయ వాలంటీర్లు భక్తిశ్రద్ధలతో 10,000 మోదకాలను స్వయంగా సిద్ధం చేయడం విశేషం.
చండీ, వారాహి హోమాలు: సాయంత్రం వేళ ఆదిపరాశక్తి అనుగ్రహం, ధర్మరక్షణ కోసం చండీ హోమం నిర్వహించారు. ఆ తర్వాత వేదపండితుల మంత్రోచ్ఛారణలతో వారాహి హోమం శాస్త్రోక్తంగా జరిగింది.
ఈ మహా యాగంలో భాగంగా ప్రతిరోజూ విశిష్ట పూజలు, హోమాలు, చండీ పారాయణ, రుద్ర యాగాలను30 మందికి పైగా రుత్వికులునిర్విగ్నంగా జరిపిస్తున్నారు. ప్రపంచ శాంతి, కుటుంబ శ్రేయస్సు, ఆయురారోగ్యాల కోసం నిర్వహిస్తున్న ఈ మహా యాగంలో పాల్గొనేందుకు అనేక ప్రాంతాల నుంచి భక్తులు తరలివస్తున్నారని ఆలయ కమిటీ ప్రతినిధులు తెలిపారు. భక్తులు కుటుంబ సమేతంగా హాజరై అమ్మవారితో పాటు పరమేశ్వరుని అనుగ్రహం పొందాలని ఆలయ నిర్వాహకులు కోరారు.
Tags
Be the first to react
