Visa Rules: ఒమన్ వెళ్లే భారతీయులకు అలర్ట్! కొత్త వీసా నిబంధనలు... ఇక నుండి అవి తప్పనిసరి!
Oman visa rules: అమెరికా, బ్రిటన్, కెనడా, జపాన్ లేదా షెంజెన్ దేశాల వీసా లేదా రెసిడెన్స్ పర్మిట్ ఉన్న భారతీయ పాస్‌పోర్ట్ హోల్డర్లకు ఒమన్ చేరుకున్నాక వీసా ఆన్ అరైవల్ (Visa on Arrival) సదుపాయం ఉంటుంది.
భారతీయులకు ఒమన్ వీసా ఆన్ అరైవల్…
అమెరికా, బ్రిటన్ వీసాలు ఉన్నాయా… ఒమన్‌లో 14 రోజులు ఫ్రీ ఎంట్రీ…
గల్ఫ్ దేశాల నివాసితులకు ఒమన్ వీసా రూల్స్ ఇవే…
Oman visa rules: మస్కట్‌లోని భారత రాయబార కార్యాలయం ఒమన్‌కు వెళ్లాలనుకునే భారతీయ పౌరుల కోసం కొత్త వీసా నిబంధనలను విడుదల చేసింది. ఒమన్‌లో ప్రవేశించడానికి భారతీయులు ముందుగానే విజిట్ లేదా టూరిస్ట్ వీసాను పొందడం తప్పనిసరి. ప్రయాణికులు రాయల్ ఒమన్ పోలీస్ వెబ్‌సైట్ ద్వారా అధీకృత ట్రావెల్ ఏజెంట్ల సహాయంతో ముందుగానే ఈ-వీసా (e-Visa) కోసం దరఖాస్తు చేసుకోవాల్సి ఉంటుంది. అలాగే దరఖాస్తు సమయంలో పాస్‌పోర్ట్ కనీసం ఆరు నెలల చెల్లుబాటును కలిగి ఉండాలి.
అమెరికా, బ్రిటన్, కెనడా, జపాన్ లేదా షెంజెన్ దేశాల వీసా లేదా రెసిడెన్స్ పర్మిట్ ఉన్న భారతీయ పాస్‌పోర్ట్ హోల్డర్లకు ఒమన్ చేరుకున్నాక వీసా ఆన్ అరైవల్ (Visa on Arrival) సదుపాయం ఉంటుంది. వీరు గరిష్టంగా 14 రోజుల పాటు ఎటువంటి ముందస్తు వీసా లేకుండా ఒమన్‌లో ఉండవచ్చు. కానీ, వీరి వద్ద తప్పనిసరిగా రిటర్న్ టికెట్, హోటల్ బుకింగ్ మరియు ఆరోగ్య బీమా ఉండాలి.
ఇతర గల్ఫ్ (GCC) దేశాలైన బహ్రెయిన్, కువైట్, ఖతార్, సౌదీ అరేబియా మరియు యూఏఈలలో నివసిస్తూ చెల్లుబాటు అయ్యే రెసిడెంట్ కార్డులు ఉన్న భారతీయులు కూడా ఒమన్‌లో వీసా ఆన్ అరైవల్ పొందడానికి అర్హులు. అయితే, ఈ దేశాల్లో నివసిస్తూ స్టూడెంట్ రెసిడెంట్ కార్డులు ఉన్నవారు మాత్రం ఒమన్‌లోకి ప్రవేశించే ముందు తప్పనిసరిగా విజిట్ వీసా తీసుకోవాలి. ప్రయాణికులు ఈ నిబంధనలను గమనించి తమ ప్రయాణాన్ని ప్లాన్ చేసుకోవాలని రాయబార కార్యాలయం సూచించింది.
Be the first to react
