అమెరికాలో హెచ్-1బీ వీసా సమస్యలపై భారతీయులకు కొత్త సహాయక కేంద్రం ఏర్పాటు చేశారు. ఇటీవల అమెరికా ప్రభుత్వం ప్రకటించిన వీసా రుసుము పెంపు కారణంగా, అక్కడ పనిచేస్తున్న భారతీయ ఐటీ ప్రొఫెషనల్స్, విద్యార్థులు, ఉద్యోగార్ధులు తీవ్ర ఇబ్బందులు ఎదుర్కొంటున్న విషయం అందరికీ తెలిసినదే. ఈ పరిస్థితుల్లో భారత ఎంబసీ ముందడుగు వేసి, సమస్యలను నేరుగా వినిపించుకునేలా ప్రత్యేక కాల్‌సెంటర్లను ప్రారంభించింది.
న్యూయార్క్‌లో ప్రత్యేక కాల్‌సెంటర్ నంబర్ +1 917-815-7066, వాషింగ్టన్ డీసీలో +1-202-550-9931 హెల్ప్‌లైన్ నంబర్‌గా అందుబాటులో ఉంచారు. వీసా రుసుము పెరుగుదల కారణంగా కలిగే అనుమానాలు, అత్యవసర పరిస్థితులు, డాక్యుమెంట్ సమస్యలు, ప్రాసెసింగ్‌లో జాప్యం వంటి అంశాలపై ఈ నంబర్లకు సంప్రదించి వెంటనే మార్గదర్శకత్వం పొందవచ్చు.
భారత ఎంబసీ స్పష్టంగా తెలిపింది అత్యవసర పరిస్థితుల్లో వెంటనే కాల్ చేయండి, మీ సమస్యను త్వరితగతిన పరిష్కరించే ప్రయత్నం చేస్తాం అని. ఈ నిర్ణయం అమెరికాలో ఉన్న సుమారు సంఖ్యలో లక్షలాది భారతీయులకి ఊరటనిచ్చేలా ఉందని చెప్పుకోవచ్చు.
ప్రపంచం మొత్తం గమనిస్తున్న హెచ్-1బీ వీసా మార్పులు కేవలం ఉద్యోగాలపైనే కాకుండా కుటుంబాల జీవనంపై కూడా ప్రభావం చూపుతున్నాయి. ఇలాంటి తరుణంలో సహాయక కేంద్రాలు ఏర్పాటు చేయడం ద్వారా భారత ప్రభుత్వం తన పౌరుల పట్ల జాగ్రత్తగా వ్యవహరిస్తోందనే నమ్మకాన్ని కలిగిస్తోంది. మొత్తంగా చెప్పాలంటే, హెచ్-1బీ వీసా సమస్యలతో అమెరికాలో ఉన్న భారతీయులు ఒంటరిగా లేరని, ఎంబసీ వెన్నంటి నిలుస్తోందని ఈ కాల్‌సెంటర్ ప్రారంభం స్పష్టం చేస్తోంది.
