Boyapati upcoming Movie: బోయపాటి నెక్స్ట్ సినిమా ఆ పాన్ ఇండియా విలన్తో.. ఇక థియేటర్లలో పూనకాలే!
Boyapati Srinu Next Movie: మాస్ డైరెక్టర్ బోయపాటి శ్రీను తన తదుపరి భారీ చిత్రాన్ని దగ్గుబాటి రానాతో ప్లాన్ చేస్తున్నారు. అఖండ 2' వంటి భారీ విజయం తర్వాత వస్తున్న ఈ హై-వోల్టేజ్ యాక్షన్ డ్రామాపై ఇండస్ట్రీలో భారీ అంచనాలు నెలకొన్నాయి.
Boyapati upcoming Movie: గతేడాది 'అఖండ 2' సినిమాతో బాక్సాఫీస్ వద్ద మాస్ జాతర సృష్టించారు డైరెక్టర్ బోయపాటి శ్రీను. నందమూరి బాలకృష్ణ పవర్ ప్యాక్డ్ పర్ఫార్మెన్స్, బోయపాటి మార్క్ ఎలివేషన్లతో ఈ చిత్రం పాన్ ఇండియా స్థాయిలో సెన్సేషన్ క్రియేట్ చేసింది. ముఖ్యంగా నార్త్ బెల్ట్లో కూడా ఈ సినిమాకు ఊహించని రెస్పాన్స్ రావడంతో, బోయపాటి తన తర్వాతి ప్రాజెక్ట్ను అంతకు మించిన స్థాయిలో ప్లాన్ చేయనున్నారని సమాచారం. ఈ క్రమంలో ఆయన ఎవరితో సినిమా చేయబోతున్నారు అనే ఉత్కంఠకు ఇప్పుడు తెరపడబోతోంది.
టాలీవుడ్ ఇండస్ట్రీలో వినిపిస్తున్న తాజా సమాచారం ప్రకారం.. బోయపాటి శ్రీను తన తదుపరి చిత్రాన్ని దగ్గుబాటి రానాతో పట్టాలెక్కించబోతున్నారు అని సినీ వర్గాలలో చర్చ నడుస్తుంది. ఇటీవల వీరిద్దరి మధ్య కథా చర్చలు కూడా పూర్తయ్యాయని, రానా ఈ ప్రాజెక్ట్కు గ్రీన్ సిగ్నల్ ఇచ్చారని తెలుస్తోంది. 'బాహుబలి' సినిమాలో భల్లాలదేవగా దేశవ్యాప్త గుర్తింపు తెచ్చుకున్న రానా, బోయపాటి స్టైల్ ఊర మాస్ యాక్షన్ సినిమాలో కనిపిస్తే థియేటర్లు దద్దరిల్లడం ఖాయమని ఫ్యాన్స్ ఖుషీ అవుతున్నారు. రానా కటౌట్కు, బోయపాటి ఇచ్చే మాస్ ఎలివేషన్లు పర్ఫెక్ట్గా సెట్ అవుతాయని సినీ విశ్లేషకులు భావిస్తున్నారు.
ఈ సినిమా కేవలం తెలుగుకే పరిమితం కాకుండా భారీ బడ్జెట్తో పాన్ ఇండియా మూవీగా తెరకెక్కనుంది. రానాకు ఇప్పటికే బాలీవుడ్లో మంచి ఫాలోయింగ్ ఉంది, అలాగే 'అఖండ 2' తర్వాత బోయపాటి పేరు కూడా ఉత్తరాది రాష్ట్రాల్లో బాగా మారుమోగిపోతోంది. ఈ నేపథ్యంలో వీరిద్దరి కాంబినేషన్ వ్యాపారపరంగా కూడా భారీ క్రేజ్ను సొంతం చేసుకునే అవకాశం ఉంది. ఇది ఒక హై వోల్టేజ్ యాక్షన్ డ్రామా అని, ఇందులో రానా క్యారెక్టరైజేషన్ గతంలో ఎన్నడూ చూడని విధంగా చాలా పవర్ఫుల్గా ఉంటుందని సమాచారం.
చాలా కాలంగా రానా సోలో హీరోగా వెండితెరపై కనిపించి అభిమానులను అలరించలేదు. వెబ్ సిరీస్లు, ఇతర భాషా చిత్రాల్లో బిజీగా ఉన్న ఆయన, ఇప్పుడు ఒక భారీ యాక్షన్ సినిమాతో తన స్టామినాను నిరూపించుకోవాలని చూస్తున్నారు. మరోవైపు బోయపాటి కూడా తన సక్సెస్ గ్రాఫ్ను మరింత పెంచుకునే దిశగా అడుగులు వేస్తున్నారు. వీరిద్దరి కలయికలో సినిమా అంటే అది కేవలం యాక్షన్ మాత్రమే కాకుండా, బలమైన ఎమోషన్స్ కూడా ఉంటాయని ఇండస్ట్రీ వర్గాలు చెబుతున్నాయి.
ప్రస్తుతానికి ఈ ప్రాజెక్ట్పై అఫీషియల్ అనౌన్స్మెంట్ రావాల్సి ఉంది. అయితే సోషల్ మీడియాలో మాత్రం ఈ క్రేజీ కాంబో గురించి వార్తలు తెగ హల్చల్ చేస్తున్నాయి. త్వరలోనే చిత్ర యూనిట్ పూజా కార్యక్రమాలతో సినిమాను అధికారికంగా ప్రకటించనుంది. అన్నీ కుదిరితే ఈ ఏడాది ఆఖరిలో సినిమా షూటింగ్ ప్రారంభమయ్యే అవకాశం ఉంది.
Be the first to react
