ఆంధ్రప్రదేశ్ ప్రభుత్వం స్వచ్ఛ ఆంధ్ర కార్పొరేషన్‌కు కొత్త బోర్డు ఆఫ్ డైరెక్టర్లను నియమిస్తూ అధికారిక ఉత్తర్వులు జారీ చేసింది. ఇప్పటికే కార్పొరేషన్ చైర్మన్‌గా టీడీపీ సీనియర్ నేత కొమ్మారెడ్డి పట్టాభిరాం బాధ్యతలు చేపట్టగా, తాజాగా కొత్త సభ్యుల నియామకాలతో బోర్డు మరింత బలోపేతం కానుంది. ఈ నిర్ణయం రాష్ట్రంలోని స్వచ్ఛ ఆంధ్ర కార్యక్రమాల అమలులో వేగం తీసుకురానుందని అధికారులు భావిస్తున్నారు.
కొత్తగా నియమితులైన డైరెక్టర్లలో ఆరుద్ర భూలక్ష్మి(మంగళగిరి), బొమ్మనయూని లక్ష్మణరావు(పార్వతీపురం), ఎం. నాగలక్ష్మి (విశాఖపట్నం), మువ్వాల వెంకటరమణ, ఎన్‌. పర్వీన్‌ బాను(కదిరి), బోలెం నాగమణి (అవనిగడ్డ), పరుచూరి భావని రవికుమార్‌(అనంతపురం), సలాది పట్టాభిరామయ్య(రామచంద్రపురం) ఉన్నారు. అలాగే బుచ్చ రాము (విశాఖపట్నం దక్షిణ), రెడ్డివారి మంజునాధ్‌ (పెనుకొండ), సానారెడ్డి కల్పనారెడ్డి(సర్వేపల్లి), చిన్ని శ్రీనివాసరావు(అద్దంకి), టంగుటూరి నాగమ్మ(తాడిపత్రి), కూచిపూడి ఉదయ భాస్కర్‌(గోపాలపురం) లను కూడా డైరెక్టర్లుగా నియమించారు.
ఈ నియామకాలకు సంబంధించి మున్సిపల్‌, పట్టణాభివృద్ధి శాఖ అధికారిక ఉత్తర్వులు విడుదల చేసింది. కొత్త బోర్డు రూపుదిద్దుకోవడంతో పట్టణ శుభ్రత, పరిశుభ్రత ప్రాజెక్టులు మరింత సమర్థవంతంగా అమలు అవుతాయని ఆశాజనకంగా ఎదురుచూస్తున్నారు. ప్రభుత్వం తీసుకున్న ఈ నిర్ణయం కూటమి పాలనలో పట్టణాభివృద్ధికి ప్రాధాన్యతనిచ్చే దిశగా కీలక అడుగుగా భావిస్తున్నారు.
