Poco X8 Pro 5G: మార్చి 17న పోకో X8 ప్రో సిరీస్ విడుదల.. ధర అదిరిపోయే ఫీచర్లు ఇవే!

Poco X8 Pro 5G: ప్రముఖ స్మార్ట్‌ఫోన్ బ్రాండ్ 'పోకో' భారత మార్కెట్లో మరోసారి తన సత్తా చాటేందుకు సిద్ధమైంది. తన పాపులర్ ఎక్స్ (X) సిరీస్‌లో భాగంగా 'పోకో X8 ప్రో' సిరీస్‌ను అతి త్వరలో విడుదల చేయబోతోంది. ఈ సిరీస్‌లో ప్రధానంగా 'పోకో X8 ప్రో 5G' మరియు 'పోకో X8 ప్రో మాక్స్ 5G' అనే రెండు మోడళ్లు ఉండనున్నాయి. మార్చి 17వ తేదీన సాయంత్రం 5:30 గంటలకు ఈ ఫోన్లను భారత్‌లో అధికారికంగా లాంచ్ చేయనున్నట్లు కంపెనీ ప్రకటించింది. అంతేకాకుండా, ఐరన్ మ్యాన్ అభిమానుల కోసం ప్రత్యేకంగా 'ఐరన్ మ్యాన్ ఎడిషన్'ను కూడా అదే రోజున తీసుకురాబోతున్నారు.

ఈ కొత్త ఫోన్ల ధరల విషయానికొస్తే, ఇవి గత మోడళ్ల కంటే కాస్త ఎక్కువ ధరకే లభించే అవకాశం ఉందని మార్కెట్ వర్గాలు భావిస్తున్నాయి. హై-ఎండ్ మోడల్ అయిన 'పోకో X8 ప్రో మాక్స్ 5G' ధర సుమారు 42,000 రూపాయల నుండి ప్రారంభం కావచ్చని అంచనా. అలాగే, బేస్ మోడల్ 'పోకో X8 ప్రో 5G' ధర దాదాపు 35,000 రూపాయల వరకు ఉండవచ్చు. గతంలో వచ్చిన పోకో X7 ప్రో కంటే ఇవి మెరుగైన ఫీచర్లతో వస్తున్నందున ధర పెరిగినట్లు తెలుస్తోంది. ఇవి ప్రముఖ ఇ-కామర్స్ సైట్ అమెజాన్ (Amazon) ద్వారా వినియోగదారులకు అందుబాటులోకి రానున్నాయి.

టెక్నాలజీ పరంగా ఈ ఫోన్లు అత్యంత శక్తివంతమైన ప్రాసెసర్లను కలిగి ఉన్నాయి. పోకో X8 ప్రో మాక్స్ 5Gలో 3nm మీడియాటెక్ డైమెన్సిటీ 9500s చిప్‌సెట్‌ను వాడుతున్నారు. ఇది గేమింగ్ ప్రియులకు  హెవీ టాస్క్ చేసే వారికి అద్భుతమైన వేగాన్ని అందిస్తుంది. మరోవైపు, ప్రో మోడల్‌లో డైమెన్సిటీ 8500 అల్ట్రా ప్రాసెసర్‌ను అమర్చారు. ఫోన్ వేడెక్కకుండా ఉండేందుకు ప్రత్యేకమైన కూలింగ్ టెక్నాలజీని కూడా ఇందులో చేర్చారు. డిస్‌ప్లే విషయానికొస్తే, ఇందులో 1.5K OLED స్క్రీన్‌ను ఉపయోగిస్తున్నారు, ఇది వీడియోలు చూసేటప్పుడు మంచి అనుభూతిని ఇస్తుంది.

కెమెరా విభాగంలో కూడా పోకో భారీ మార్పులు చేస్తోంది. ఈ సిరీస్ ఫోన్లలో వెనుక వైపు రెండు కెమెరాలు ఉంటాయి. ప్రో మాక్స్ మోడల్‌లో 50 మెగాపిక్సెల్ ప్రధాన కెమెరాను ఆప్టికల్ ఇమేజ్ స్టెబిలైజేషన్ (OIS) ఫీచర్‌తో ఇస్తున్నారు. దీనివల్ల ఫొటోలు  వీడియోలు షేక్ అవ్వకుండా చాలా క్లారిటీగా వస్తాయి. అలాగే సెల్ఫీల కోసం ముందు భాగంలో 20 మెగాపిక్సెల్ కెమెరాను అమర్చారు. తక్కువ వెలుతురులో కూడా మంచి ఫొటోలు తీసేలా ఈ కెమెరాలను డిజైన్ చేసినట్లు కంపెనీ వర్గాలు చెబుతున్నాయి.

ఈ ఫోన్లన్నింటిలోకి పెద్ద హైలైట్ ఏదైనా ఉందంటే అది బ్యాటరీ సామర్థ్యం మాత్రమే. పోకో X8 ప్రో మాక్స్ 5G ఫోన్ ఏకంగా 9,000mAh భారీ బ్యాటరీతో రాబోతోంది. ఇది ఒక్కసారి ఛార్జ్ చేస్తే సాధారణ వాడకంతో మూడు రోజుల పాటు బ్యాకప్ ఇస్తుందని కంపెనీ క్లెయిమ్ చేస్తోంది. దీనికి తోడు 100W ఫాస్ట్ ఛార్జింగ్ సపోర్ట్ ఉండటం వల్ల ఫోన్ చాలా త్వరగా ఛార్జ్ అవుతుంది. ఆధునిక కాలంలో ఫోన్ వాడకం పెరిగిన దృష్ట్యా, ఇంత పెద్ద బ్యాటరీ నిరుద్యోగులకు, ఉద్యోగులకు మరియు విద్యార్థులకు చాలా ఉపయోగకరంగా ఉంటుంది.