Bro Code: ప్యాకేజింగ్ బీర్లా.. పన్ను మాత్రం వైన్లా.. బ్రో కోడ్ వ్యాపార వ్యూహం ఇదే!
Bro Code: యువతలో విస్తృతంగా ప్రాచుర్యం పొందిన "బ్రో కోడ్" ఆల్కహాలిక్ డ్రింక్ మరోసారి చర్చనీయాంశంగా మారింది. బీర్ బాటిల్లో కనిపించే ఈ పానీయం, చట్టపరంగా మాత్రం బీర్ కాదు. ఇది కార్బోనేటెడ్ లేదా స్పార్క్లింగ్ వైన్ విభాగంలో నమోదై ఉండటంతో, తక్కువ ఎక్సైజ్ పన్ను ప్రయోజనాలను పొందుతోందనే అంశం వ్యాపార వర్గాల్లో చర్చకు దారితీసింది.
15 శాతం ఆల్కహాల్.. తక్కువ పన్ను.. బ్రో కోడ్ వ్యూహం ఏమిటి?..
బ్రో కోడ్ పానీయం వెనుక మిస్టరీ.. బీర్లా కనిపించినా చట్టపరంగా వైన్గా నమోదు..
న్యూఢిల్లీ: యువతలో విస్తృతంగా ప్రాచుర్యం పొందిన "బ్రో కోడ్" ఆల్కహాలిక్ డ్రింక్ మరోసారి చర్చనీయాంశంగా మారింది. బీర్ బాటిల్లో కనిపించే ఈ పానీయం, చట్టపరంగా మాత్రం బీర్ కాదు. ఇది కార్బోనేటెడ్ లేదా స్పార్క్లింగ్ వైన్ విభాగంలో నమోదై ఉండటంతో, తక్కువ ఎక్సైజ్ పన్ను ప్రయోజనాలను పొందుతోందనే అంశం వ్యాపార వర్గాల్లో చర్చకు దారితీసింది.
అయితే, భారతదేశంలో మద్యం ఉత్పత్తులపై ఎక్సైజ్ పన్నులు ప్రతి రాష్ట్రంలో వేర్వేరుగా ఉండటంతో, "బీర్పై ఇంత శాతం.. వైన్పై అంత శాతం" అని దేశవ్యాప్తంగా ఒకే విధమైన పన్ను వ్యత్యాసం చెప్పడం సాధ్యం కాదు. పన్ను రేట్లు ఆయా రాష్ట్ర ప్రభుత్వాల ఎక్సైజ్ విధానాల ఆధారంగా నిర్ణయించబడతాయి. సాధారణంగా బీర్ కన్నా వైన్ కు టాక్స్ తక్కువగా ఉంటుంది.
బ్రో కోడ్ బాటిల్ రూపం, ప్యాకేజింగ్ మొత్తం బీర్ను పోలి ఉన్నప్పటికీ, దాని లేబుల్పై "Kraft Sekt" అనే పదం ఉంటుంది. జర్మన్ భాషలో దీనికి "క్రాఫ్ట్ స్పార్క్లింగ్ వైన్" అనే అర్థం వస్తుంది. దీంతో ఈ ఉత్పత్తి చట్టబద్ధంగా వైన్ విభాగంలోకి వస్తుంది. వైన్ కేటగిరీలో నమోదు కావడం వల్ల సంబంధిత రాష్ట్రాల్లో అమలులో ఉన్న నిబంధనల ప్రకారం తక్కువ ఎక్సైజ్ పన్ను ఉంటుంది.
సాధారణంగా బీర్లలో సుమారు 5 శాతం ఆల్కహాల్ (ABV) ఉంటుంది. అయితే బ్రో కోడ్లో 15 శాతం ఆల్కహాల్ ఉండటంతో ఇది సాధారణ బీర్తో పోలిస్తే దాదాపు మూడు రెట్లు అధిక ఆల్కహాల్ కిక్కు కలిగిన పానీయంగా నిలుస్తోంది. తక్కువ ధరలో ఎక్కువ ఆల్కహాల్ కిక్కు లభించడం వినియోగదారులను ఆకర్షిస్తుండగా, తయారీ సంస్థకు కూడా మెరుగైన లాభదాయకత లభిస్తుందని మార్కెట్ విశ్లేషకులు చెబుతున్నారు.
బ్రో కోడ్ మార్కెటింగ్ విధానం కూడా ప్రత్యేకంగా కనిపిస్తోంది. మద్యం దుకాణాల్లో ఈ ఉత్పత్తిని సాధారణ బీర్ల పక్కనే ఉంచడం వల్ల కొనుగోలుదారులు దానిని బలమైన బీర్గా భావించే అవకాశం ఉంటుంది.
అలాగే డార్క్ గ్లాస్ పింట్ బాటిల్ రూపకల్పన కూడా బీర్ బాటిల్ను పోలి ఉండటంతో వినియోగదారులకు పరిచయమైన ఉత్పత్తిగా అనిపిస్తుంది. సాంప్రదాయ వైన్ సీసాల రూపానికి భిన్నంగా ఉండటం కూడా దీనికి మార్కెట్లో ప్రత్యేక గుర్తింపు తీసుకొచ్చింది.
బీర్, వైన్ల మధ్య ఎక్సైజ్ పన్నుల వ్యత్యాసం ప్రతి రాష్ట్రానికి మారుతుంది. కొన్ని రాష్ట్రాల్లో వైన్ తయారీని ప్రోత్సహించేందుకు ప్రత్యేక రాయితీలు ఉండగా, మరికొన్ని రాష్ట్రాల్లో పన్ను నిర్మాణం భిన్నంగా ఉంటుంది. అందువల్ల దేశవ్యాప్తంగా ఒకే శాతం వ్యత్యాసం ఉందని చెప్పడం సరైంది కాదు.
ప్రస్తుతం అందుబాటులో ఉన్న సమాచారం ప్రకారం, బ్రో కోడ్ తన ఉత్పత్తిని చట్టబద్ధంగా వైన్ కేటగిరీలో నమోదు చేసుకుని విక్రయిస్తోంది. ఉత్పత్తి లేబులింగ్, నమోదులు, పన్నుల చెల్లింపులు సంబంధిత నిబంధనలకు అనుగుణంగా ఉంటే, ఇది చట్టవిరుద్ధం కాకుండా ఒక వ్యాపార వ్యూహంగా పరిగణించబడుతుంది.
Be the first to react
