టెన్షన్ ఎందుకు దండగ... TVS ఎలక్ట్రిక్ స్కూటర్ ఉండగా!
TVS Orbiter V2: పండగ సీజన్ వచ్చిందంటే కొత్త వాహనం కొనుగోలు చేయాలనే ఆసక్తి చాలామందిలో కనిపిస్తుంది. ముఖ్యంగా పెరుగుతున్న పెట్రోల్ ధరల నేపథ్యంలో ఎలక్ట్రిక్ స్కూటర్ల వైపు వినియోగదారుల ఆసక్తి క్రమంగా పెరుగుతోంది. రోజువారీ అవసరాలకు సరిపడే రేంజ్‌తో పాటు ఆధునిక ఫీచర్లు, అందుబాటు ధరలో ఉండే మోడల్ కోసం చూస్తున్న వారికి TVS Orbiter V2 ఓ ఆప్షన్‌గా నిలుస్తోంది. రూ.1.19 లక్షల ఎక్స్-షోరూమ్ ధరతో లభించే ఈ స్కూటర్‌లో రేంజ్‌తో పాటు స్మార్ట్ ఫీచర్లకు ప్రాధాన్యం ఇచ్చారు.
- రూ.1.19 లక్షల ఎక్స్‌షోరూమ్ ధరతో TVS Orbiter V2 ఎలక్ట్రిక్ స్కూటర్ అందుబాటులో ఉంది.
- 3.1kWh లిథియం-అయాన్ బ్యాటరీతో ఒక్కసారి ఫుల్ ఛార్జ్‌పై 158 కి.మీ వరకు IDC రేంజ్ అందిస్తుంది.
TVS Orbiter V2: పండగ సీజన్ వచ్చిందంటే కొత్త వాహనం కొనుగోలు చేయాలనే ఆసక్తి చాలామందిలో కనిపిస్తుంది. ముఖ్యంగా పెరుగుతున్న పెట్రోల్ ధరల నేపథ్యంలో ఎలక్ట్రిక్ స్కూటర్ల వైపు వినియోగదారుల ఆసక్తి క్రమంగా పెరుగుతోంది. రోజువారీ అవసరాలకు సరిపడే రేంజ్‌తో పాటు ఆధునిక ఫీచర్లు, అందుబాటు ధరలో ఉండే మోడల్ కోసం చూస్తున్న వారికి TVS Orbiter V2 ఓ ఆప్షన్‌గా నిలుస్తోంది. రూ.1.19 లక్షల ఎక్స్-షోరూమ్ ధరతో లభించే ఈ స్కూటర్‌లో రేంజ్‌తో పాటు స్మార్ట్ ఫీచర్లకు ప్రాధాన్యం ఇచ్చారు.
68 కి.మీ టాప్ స్పీడ్..
TVS Orbiter V2లో గరిష్టంగా 2.5kW శక్తిని ఉత్పత్తి చేసే BLDC హబ్ మోటార్‌ను అమర్చారు. ఈ స్కూటర్ గంటకు 68 కిలోమీటర్ల గరిష్ట వేగాన్ని అందుకోగలదు. 0 నుంచి 40 కి.మీ వేగాన్ని 6.8 సెకన్లలో చేరుకుంటుంది. రైడింగ్ అవసరాలకు అనుగుణంగా ఎకో, సిటీ మోడ్‌లతో పాటు పార్కింగ్, రివర్స్ అసిస్ట్ కోసం ప్రత్యేక మోడ్‌ను కూడా అందించారు.
స్మార్ట్ కనెక్టివిటీ..
స్కూటర్‌లో బ్లూటూత్ కనెక్టివిటీతో కూడిన LCD డిస్‌ప్లే ఉంది. ఇది TVS SmartXonnect యాప్‌కు అనుసంధానమవుతుంది. ఈ కనెక్టివిటీ ద్వారా టర్న్-బై-టర్న్ నావిగేషన్, కాల్, SMS అలర్ట్‌ల వంటి ఫీచర్లను ఉపయోగించుకోవచ్చు. రోజువారీ వినియోగాన్ని మరింత సులభతరం చేసేలా క్రూజ్ కంట్రోల్, రివర్స్, ఫార్వర్డ్ పార్కింగ్ అసిస్ట్, USB ఛార్జింగ్ పోర్ట్ కూడా ఉన్నాయి.
భద్రతకు ప్రాధాన్యం..
TVS Orbiter V2లో భద్రతకు సంబంధించిన పలు ఫీచర్లు ఉన్నాయి. ఆటో హిల్ హోల్డ్, యాంటీ-థెఫ్ట్ అలర్ట్, క్రాష్/ఫాల్ అలర్ట్, జియో-ఫెన్సింగ్, టోయింగ్ అలర్ట్ వంటి సదుపాయాలు అందించారు. కుటుంబ అవసరాలకు స్కూటర్‌ను ఉపయోగించే వారికి ఈ ఫీచర్లు ఉపయోగకరంగా ఉంటాయి. సీటు కింద 34 లీటర్ల స్టోరేజ్ స్పేస్ కూడా ఉంది.
ఒక్కసారి ఛార్జ్ చేస్తే 158 కి.మీ..
ఈ స్కూటర్‌లో IP67 రేటింగ్‌తో కూడిన 3.1kWh లిథియం-అయాన్ బ్యాటరీని అమర్చారు. కంపెనీ పేర్కొన్న IDC లెక్కల ప్రకారం, పూర్తి ఛార్జ్‌పై గరిష్టంగా 158 కిలోమీటర్ల వరకు ప్రయాణించవచ్చు. దీంతో రోజువారీ ఆఫీస్, మార్కెట్, కుటుంబ అవసరాల కోసం స్కూటర్‌ను వినియోగించే వారికి రేంజ్ పరంగా ఇది ఉపయోగకరంగా ఉండొచ్చు.
పోర్టబుల్ 650W ఛార్జర్‌తో బ్యాటరీని 0 నుంచి 80 శాతం వరకు ఛార్జ్ చేయడానికి సుమారు 4 గంటల 10 నిమిషాలు పడుతుంది.
సస్పెన్షన్, బ్రేకింగ్..
రైడింగ్ సౌకర్యం కోసం ముందువైపు టెలిస్కోపిక్ ఫోర్క్ సస్పెన్షన్, వెనుకవైపు ట్విన్-షాక్ అబ్జార్బర్లను అందించారు. ముందు, వెనుక చక్రాలకు డ్రమ్ బ్రేకులతో పాటు కంబైన్డ్ బ్రేకింగ్ సిస్టమ్ (CBS) ఉంది. ముందువైపు 14 అంగుళాల అల్లాయ్ వీల్, వెనుకవైపు 12 అంగుళాల వీల్‌ను అమర్చారు.
ఆరు రంగుల్లో ..
వినియోగదారుల అభిరుచికి అనుగుణంగా TVS Orbiter V2ను Neon Sunburst, Stratos Blue, Martian Copper, Cosmic Titanium, Stellar Silver, Lunar Grey రంగుల్లో అందిస్తున్నారు.
ధర ఎంతంటే..
TVS Orbiter V2 ఎక్స్-షోరూమ్ ధర రూ.1.19 లక్షలుగా ఉంది. పండగ సీజన్‌లో కొత్త ఎలక్ట్రిక్ స్కూటర్ కొనుగోలు చేయాలని భావించే వారికి రేంజ్, కనెక్టివిటీ, స్టోరేజ్, భద్రతా ఫీచర్లను పరిగణనలోకి తీసుకుంటే ఈ మోడల్ పరిశీలించదగిన ఆప్షన్‌గా చెప్పొచ్చు. అయితే వాస్తవ రేంజ్ రైడింగ్ పరిస్థితులు, వేగం, రోడ్ కండిషన్, బరువు వంటి అంశాలపై ఆధారపడి మారవచ్చు.
