USA: ట్రంప్ ప్రశంసించిన తెలుగు మహిళ ఎవరు? న్యూయార్క్ అటార్నీ జనరల్ రేసులో!
USA: అమెరికా రాజకీయాల్లో ప్రస్తుతం తెలుగు మూలాలున్న కొమటిరెడ్డి సరిత పేరు చర్చనీయాంశంగా మారింది. అమెరికా అధ్యక్షుడిగా ఎన్నికైన డొనాల్డ్ ట్రంప్ ఇటీవల సరితను ప్రశంసించడంతో ఆమె నేపథ్యం, కెరీర్పై ఆసక్తి పెరిగింది. వచ్చే నవంబర్లో జరగనున్న న్యూయార్క్ అటార్నీ జనరల్ ఎన్నికకు రిపబ్లికన్ పార్టీ తరఫున సరిత నామినేషన్ పొందారు. ఈ సందర్భంగా ట్రంప్ ఆమెకు బహిరంగంగా మద్దతు ప్రకటించారు.
తెలుగు రాష్ట్రాల నుంచి అమెరికా రాజకీయాల్లోకి.. సరిత కొమ్మారెడ్డి అరుదైన రికార్డు..
న్యూయార్క్ అటార్నీ జనరల్ రేసులో తెలుగు మహిళ.. సరిత కొమ్మారెడ్డికి ట్రంప్ మద్దతు..
న్యూయార్క్: అమెరికా రాజకీయాల్లో ప్రస్తుతం తెలుగు మూలాలున్న కొమటిరెడ్డి సరిత పేరు చర్చనీయాంశంగా మారింది. అమెరికా అధ్యక్షుడిగా ఎన్నికైన డొనాల్డ్ ట్రంప్ ఇటీవల సరితను ప్రశంసించడంతో ఆమె నేపథ్యం, కెరీర్పై ఆసక్తి పెరిగింది. వచ్చే నవంబర్లో జరగనున్న న్యూయార్క్ అటార్నీ జనరల్ ఎన్నికకు రిపబ్లికన్ పార్టీ తరఫున సరిత నామినేషన్ పొందారు. ఈ సందర్భంగా ట్రంప్ ఆమెకు బహిరంగంగా మద్దతు ప్రకటించారు.
సరిత తల్లిదండ్రులది తెలంగాణ. ఆమె తండ్రి డాక్టర్ హనుమంత్ రెడ్డి కార్డియాలజిస్ట్ కాగా, తల్లి డాక్టర్ గీతా రెడ్డి రుమాటాలజిస్ట్గా పనిచేశారు. 1980లలో వారు అమెరికాకు వలస వెళ్లారు.
కొమటిరెడ్డి సరిత అమెరికాలోని బ్రూక్లిన్లో జన్మించారు. అనంతరం మిస్సోరిలో పెరిగారు. ఉన్నత విద్యలోనూ ఆమె ప్రతిభ చాటుకున్నారు. హార్వర్డ్ కాలేజ్, హార్వర్డ్ లా స్కూల్లో విద్యాభ్యాసం పూర్తి చేసి న్యాయశాస్త్రంలో పట్టా పొందారు.
ఆ తర్వాత అమెరికా న్యాయ వ్యవస్థలో తన కెరీర్ను ప్రారంభించారు. యూఎస్ కోర్ట్ ఆఫ్ అప్పీల్స్లో క్లర్క్గా పనిచేశారు. అనంతరం కొలంబియా లా స్కూల్లో లెక్చరర్గా సేవలందించారు. ఆ తర్వాత ఫెడరల్ ప్రాసిక్యూటర్గా బాధ్యతలు చేపట్టి కీలక కేసులను విచారించారు.
ఫెడరల్ ప్రాసిక్యూటర్గా సరిత పలు కీలక కేసుల్లో పనిచేశారు. ఉగ్రవాదం, మాదకద్రవ్యాల అక్రమ రవాణా, సైబర్ నేరాలు, మనీలాండరింగ్, మోసాలు, విదేశీ ప్రభుత్వాల అవినీతి వంటి కేసుల దర్యాప్తు, విచారణలో ఆమె కీలక పాత్ర పోషించారు.
అమెరికా డ్రగ్ ఎన్ఫోర్స్మెంట్ అడ్మినిస్ట్రేషన్ (DEA)లో చీఫ్ ఆఫ్ స్టాఫ్గా కూడా పనిచేశారు. న్యాయ, దర్యాప్తు రంగాల్లో సాధించిన అనుభవం ఆమెకు ప్రత్యేక గుర్తింపు తెచ్చిపెట్టింది. ప్రస్తుతం సరిత హోల్డ్మన్ వోగెల్ న్యాయ సంస్థలో భాగస్వామిగా కొనసాగుతున్నారు.
రిపబ్లికన్ పార్టీ తరఫున న్యూయార్క్ అటార్నీ జనరల్ పదవికి నామినేషన్ పొందడం ద్వారా సరిత అరుదైన గుర్తింపు సాధించారు. ఈ పదవికి రిపబ్లికన్ పార్టీ తరఫున నామినేషన్ పొందిన తొలి తెలుగు మహిళగా ఆమె రికార్డు సృష్టించారు.
తెలుగు కుటుంబ నేపథ్యం నుంచి అమెరికా న్యాయ రంగంలో కీలక స్థాయికి ఎదిగిన సరితకు ట్రంప్ బహిరంగ మద్దతు ప్రకటించడం ఇప్పుడు ఆమె రాజకీయ ప్రస్థానంపై మరింత ఆసక్తిని పెంచింది. న్యాయవాదిగా, ఫెడరల్ ప్రాసిక్యూటర్గా, DEAలో ఉన్నత బాధ్యతలు నిర్వహించిన అనుభవంతో న్యూయార్క్ అటార్నీ జనరల్ పదవికి ఆమె పోటీ చేయడం అమెరికాలోని తెలుగు సమాజంలోనూ చర్చకు దారితీస్తోంది.
