ఆసియా కప్ 2024 ఫైనల్ పోరులో మరోసారి భారత్, పాక్ జట్లు తలపడుతున్నాయి. క్రికెట్ ప్రపంచంలో అత్యంత ఆసక్తి రేపే పోరుగా పేరుగాంచిన ఈ మ్యాచ్ ఇవాళ రాత్రి 8 గంటలకు ప్రారంభం కానుంది. ఈ హై వోల్టేజ్ మ్యాచ్ కోసం అభిమానులు ఆతృతగా ఎదురుచూస్తున్నారు. భారత్ ఇప్పటికే ఆసియా కప్ చరిత్రలో అగ్రస్థానంలో నిలిచింది. 1984లో మొదలైన ఈ టోర్నీలో తొలి ఎడిషన్లోనే విజేతగా నిలిచిన టీమ్ ఇండియా ఇప్పటివరకు అత్యధికంగా 8 ట్రోఫీలు గెలుచుకుంది. శ్రీలంక 6 కప్పులతో రెండో స్థానంలో ఉండగా, పాక్ మాత్రం కేవలం 2 సార్లు మాత్రమే టైటిల్ గెలిచింది. ఈసారి మూడో ట్రోఫీ కోసం పాక్ ఆరాటపడుతున్నా, రికార్డులు మాత్రం ఇండియాకే అనుకూలంగా ఉన్నాయి.
ఈ ఫైనల్ మ్యాచ్‌లో భారత జట్టులో కొన్ని కీలక మార్పులు చోటుచేసుకోనున్నాయి. గత మ్యాచ్‌లో విశ్రాంతి తీసుకున్న బుమ్రా, శివమ్ దూబేలు తిరిగి జట్టులోకి రానున్నట్లు తెలుస్తోంది. అలాగే గాయంతో కొద్ది రోజులుగా ఆడని హార్దిక్ పాండ్యా ఈ మ్యాచ్ సమయానికి ఫిట్ అవుతారని సమాచారం. దీంతో జట్టుకు బ్యాటింగ్, బౌలింగ్ విభాగాల్లో మరింత బలం కలిసే అవకాశం ఉంది.
అభిషేక్ శర్మ, శుభ్‌మన్ గిల్, సూర్యకుమార్ యాదవ్, తిలక్ వర్మ, సంజూ శాంసన్ (వికెట్ కీపర్), హార్దిక్ పాండ్యా (ఆల్ రౌండర్), అక్షర్ పటేల్, శివమ్ దూబే, కుల్దీప్ యాదవ్, జస్ప్రిత్ బుమ్రా, వరుణ్ చక్రవర్తి. ఈ లైనప్ చూసినట్లయితే, బ్యాటింగ్‌లో టాప్ ఆర్డర్‌ను నిలబెట్టగల యువ ఆటగాళ్లు, మధ్య వరుసలో ఫినిషింగ్ ఇచ్చే ఆటగాళ్లు, బౌలింగ్‌లో స్పిన్-పేస్ కలయికతో మంచి సమతౌల్యం కనిపిస్తోంది. ప్రత్యేకంగా బుమ్రా రీఎంట్రీతో జట్టుకు బలమైన అట్రాక్షన్ కలిగింది.
భారత్ ఇప్పటివరకు ఆసియా కప్‌లో తిరుగులేని ఆధిపత్యం ప్రదర్శించింది. 8 సార్లు ట్రోఫీ గెలిచి రికార్డు సృష్టించగా, పాక్ మాత్రం కేవలం రెండు సార్లకే పరిమితమైంది. ఈసారి మూడోసారి ట్రోఫీ గెలుచుకోవాలని ప్రయత్నిస్తున్నా, భారత్ చెక్ పెట్టాలని అభిమానులు కోరుకుంటున్నారు. పాక్ బౌలర్ల శక్తివంతమైన దాడి ముందు భారత బ్యాట్స్‌మెన్ నిలబడ్డారంటే విజయం సులభం కానుంది. మరోవైపు భారత బౌలర్లు, ప్రత్యేకంగా బుమ్రా మరియు కుల్దీప్, పాక్ బ్యాట్స్‌మెన్‌ను త్వరగా పెవిలియన్‌కి పంపగలరని ఆశిస్తున్నారు.
ఈ హైటెన్షన్ మ్యాచ్ కోసం అభిమానులు ఉత్సాహంగా ఎదురుచూస్తున్నారు. భారత్-పాక్ పోరును కేవలం ఒక క్రికెట్ మ్యాచ్‌గా కాకుండా, ప్రతిష్టాత్మక సమరం అని భావించే వారు ఎక్కువ. ఈ పోరు ఎప్పుడూ ఉత్కంఠభరితంగా సాగుతుంది. మైదానంలో ఆటగాళ్లు ఆత్మవిశ్వాసంతో నిలబడితే, ట్రోఫీపై భారత్ ఆధిపత్యం కొనసాగడం ఖాయం.
ఈరోజు జరగబోయే ఆసియా కప్ ఫైనల్‌లో భారత్ మరోసారి చరిత్ర రాసే అవకాశముంది. పాక్ మూడో ట్రోఫీ కలను సాకారం చేసుకోవాలని చూస్తున్నా, ఇండియా తన ఆధిపత్యాన్ని కొనసాగించాలనుకుంటోంది. రాత్రి 8 గంటలకు ప్రారంభమయ్యే ఈ పోరు అభిమానులను కట్టిపడేసేలా ఉండడం ఖాయం.
ALL THE BEST TEAM INDIA!
