తెలుగు బుల్లితెరపై అత్యధిక ప్రజాదరణ పొందిన రియాలిటీ షో బిగ్‌బాస్ మళ్లీ సందడి చేయడానికి సిద్ధమైంది. వరుసగా ఎనిమిది సీజన్లు విజయవంతంగా పూర్తి చేసుకున్న ఈ షో, ఇప్పుడు 9వ సీజన్‌తో ప్రేక్షకుల ముందుకు రానుంది. కింగ్ అక్కినేని నాగార్జున మరోసారి హోస్ట్‌గా వ్యవహరిస్తున్నారు. ఈ సీజన్‌కు నిర్వాహకులు “డబుల్ హౌస్.. డబుల్ డోస్” అనే catchy ట్యాగ్‌లైన్‌ను ఖరారు చేశారు.
తాజాగా విడుదల చేసిన ప్రోమోలో, నాగార్జున హాస్యనటుడు వెన్నెల కిశోర్‌తో సరదాగా మాట్లాడుతూ – “పాత సిలబస్‌తో కొత్త ఎగ్జామ్ రాస్తావా?” అని ప్రశ్నించడం ద్వారా ఈ సీజన్ పూర్తిగా భిన్నంగా ఉండబోతోందని సంకేతం ఇచ్చారు.
ఈసారి ‘డబుల్ హౌస్’ అనే కొత్త కాన్సెప్ట్‌తో పాటు, కేవలం సెలబ్రిటీలకే కాకుండా సామాన్యులకు కూడా పాల్గొనే అవకాశం ఇవ్వనున్నారని తెలుస్తోంది. ఈ మార్పులు షోను మరింత ఉత్కంఠభరితంగా, వినోదభరితంగా మార్చబోతున్నాయని బిగ్‌బాస్ బృందం చెబుతోంది. త్వరలోనే ఈ సీజన్ ప్రారంభ తేదీని అధికారికంగా వెల్లడించనున్నారు.
