ఇల్లు నిర్మించాలన్న కల కలవరంగా మారుతున్న వారికీ ఇది మంచి అవకాశంగా చెప్పుకోవచ్చు. రిజర్వ్ బ్యాంక్ ఆఫ్ ఇండియా (RBI) వడ్డీ రేటును మార్చకపోయినా, చాలా బ్యాంకులు తక్కువ వడ్డీ రేట్లతో హోమ్ లోన్లు అందిస్తున్నాయి. కొన్ని బ్యాంకులు 7.35 శాతం వడ్డీ రేటుతో ప్రారంభించగా, ఇది ఇల్లు కొనుగోలు చేయాలనుకునే వారికి ఊరట కలిగించే విషయం.
బ్యాంక్ ఆఫ్ బరోడా 8.15 శాతం వడ్డీతో లోన్ ఇస్తుండగా, యూనియన్ బ్యాంక్, బ్యాంక్ ఆఫ్ మహారాష్ట్ర, సౌత్ ఇండియన్ బ్యాంక్ లు సుమారు 8.35 శాతం వడ్డీ రేటుతో లోన్లు అందిస్తున్నాయి. హెచ్‌డీఎఫ్‌సీ బ్యాంక్ కూడా తన వడ్డీ రేట్లను కొద్దిగా తగ్గించింది. ఈ తగ్గింపు వల్ల కొత్తగా లోన్ తీసుకునే వారికి తక్కువ ఇఎమ్ఐలు వస్తాయి. అలాగే ఇప్పటికే లోన్ తీసుకున్నవారూ రీప్లాన్ చేసుకుంటే ప్రయోజనం పొందవచ్చు.
అంతేకాక, మంచి క్రెడిట్ స్కోర్ ఉన్నవారు ఈ తక్కువ వడ్డీ అవకాశాన్ని మరింతగా వినియోగించుకోవచ్చు. అందుకే, వివిధ బ్యాంకుల వడ్డీ రేట్లను సరిపోల్చి, మీ ఆర్ధిక స్థితికి అనుగుణంగా ఉండే లోన్‌ను ఎంచుకోవడం మంచిది. తద్వారా తక్కువ వడ్డీతో మీ ఇంటి కలను నిజం చేసుకోవచ్చు.
