హాలీవుడ్లో అత్యంత ప్రతిష్ఠాత్మకంగా భావించే గోల్డెన్ గ్లోబ్ అవార్డుల (Golden Globes 2026) వేడుక ఈసారి కూడా ప్రపంచవ్యాప్తంగా సినీ అభిమానుల దృష్టిని ఆకర్షించింది. 2026 సంవత్సరానికి గాను అమెరికాలోని బేవర్లీ హిల్స్లో ఘనంగా నిర్వహించిన ఈ కార్యక్రమంలో ప్రముఖ నటుడు టిమోతి షాలమే (Timothee Chalamet) ఉత్తమ నటుడి అవార్డును అందుకుని వార్తల్లో నిలిచారు. ఆయన నటించిన ‘మార్టీ సుప్రీమ్’ చిత్రానికి గాను ఈ గౌరవం దక్కడం విశేషం. ఇప్పటికే క్రిటిక్స్ ఛాయిస్ అవార్డు అందుకున్న టిమోతి షాలమే, ఇప్పుడు గోల్డెన్ గ్లోబ్ పురస్కారాన్ని కూడా సొంతం చేసుకోవడంతో ఆయన అభిమానులు ఆనందం వ్యక్తం చేస్తున్నారు.
ఈ వేడుకకు టిమోతి షాలమే తన సన్నిహితురాలు (Kylie Jenner) కైలీ జెన్నర్తో కలిసి హాజరయ్యారు. ఇద్దరూ ఒకే టేబుల్ వద్ద కూర్చొని కార్యక్రమాన్ని ఆస్వాదిస్తూ కనిపించారు. రెడ్ కార్పెట్పై కలిసి ఫోటోలు దిగకపోయినా, ప్రేక్షకుల మధ్య వారి మధ్య కనిపించిన సాన్నిహిత్యం సోషల్ మీడియాలో వైరల్గా మారింది. ఒకరితో ఒకరు చిరునవ్వులు చిందిస్తూ మాట్లాడుకుంటూ కనిపించిన ఈ జంట వీడియోలు అభిమానులను ఆకట్టుకున్నాయి.
గోల్డెన్ గ్లోబ్ వేడుకకు హోస్ట్గా వ్యవహరించిన నిక్కీ గ్లేసర్ తన ప్రారంభ ప్రసంగంలో టిమోతి షాలమేపై సరదా వ్యాఖ్యలు చేశారు. పింగ్పాంగ్ నేపథ్యంతో తెరకెక్కిన సినిమాకోసం శరీరాకృతి మార్చుకున్న తొలి నటుడిగా టిమోతి షాలమే నిలిచారని ఆమె చేసిన వ్యాఖ్యలకు హాలంతా నవ్వులతో మార్మోగింది. ఈ సరదా క్షణాలు కూడా వేడుకకు మరింత ఉత్సాహాన్ని తెచ్చాయి.
మార్టీ సుప్రీమ్ (Marty Supreme) సినిమా అమెరికన్ టేబుల్ టెన్నిస్ దిగ్గజం మార్టీ రైస్మన్ జీవితం ఆధారంగా రూపొందింది. ఈ చిత్రంలో టిమోతి షాలమే చేసిన నటన విమర్శకుల ప్రశంసలు పొందింది. ఉత్తమ నటుడిగా (Hollywood Awards) ఆయన పేరు ప్రకటించిన క్షణంలో ప్రేక్షకులు పెద్ద ఎత్తున చప్పట్లు కొట్టారు. అవార్డు స్వీకరణ సమయంలో ఆయన తనతో పోటీ పడిన ఇతర నటులకు కృతజ్ఞతలు తెలిపారు. ఆ తర్వాత ప్రేక్షకుల్లో కూర్చున్న కైలీ జెన్నర్ వైపు చూసి భావోద్వేగంగా మాట్లాడారు. గత మూడు సంవత్సరాలుగా తనకు అండగా ఉన్న జీవిత భాగస్వామికి ధన్యవాదాలు తెలుపుతూ ప్రేమాభిమానాలను వ్యక్తం చేశారు.
ఈ మాటలు విన్న కైలీ జెన్నర్ ఆనందంతో స్పందించారు. చిరునవ్వుతో చేతులు కలిపి ఆనందం వ్యక్తం చేయడమే కాకుండా, తన ప్రేమను సంకేతాల రూపంలో తెలియజేశారు. ఈ దృశ్యాలు కెమెరాల్లో కనిపించడంతో కొన్ని క్షణాల్లోనే సోషల్ మీడియాలో వైరల్ అయ్యాయి. అభిమానులు ఈ జంటను ‘కపుల్ గోల్స్’గా అభివర్ణిస్తూ కామెంట్లు చేస్తున్నారు.
గోల్డెన్ గ్లోబ్ అవార్డుల (Best Actor Golden Globes) వేడుకలో ఈసారి సినిమాల కంటే ఎక్కువగా సినీ తారల (Celebrity Couple) వ్యక్తిగత క్షణాలు కూడా చర్చకు వచ్చాయి. టిమోతి షాలమే అవార్డు విజయం, కైలీ జెన్నర్తో ఆయన సాన్నిహిత్యం హాలీవుడ్లో హాట్ టాపిక్గా మారాయి. ఒక వైపు ప్రతిభతో అవార్డులు సాధిస్తూ, మరో వైపు వ్యక్తిగత జీవితంలో ఆనందంగా కనిపిస్తున్న టిమోతి షాలమే ప్రస్తుతం హాలీవుడ్లో అత్యంత చర్చనీయాంశమైన నటుడిగా నిలుస్తున్నారు.
